MAHTE 9:6 - Jinghpaw Hanson Version Bible

⁶ Rai timung, dai Masha Kasha gaw ga ntsa e, yubak dat kau ya ai ahkang aya lu ai gaw, nanhte chye myit ga, shaloi dai katsing si ai wa hpe, Rawt u, na a hpun panep hpai la nna, na a nta de wa u,” ngu wu ai.

Jinghpaw Common Language Bible 2009

⁶ Rai ti mung, “Dai Masha Kasha gaw, ga ntsa e yubak dat kau ya ai ahkang aya lu ai gaw nanhte chye lu myit ga,” nga tsun let, dai katsing si ai wa hpe, “Rawt u, na a hpun nba panep hpai la nna na a nta de wa u!,” ngu wu ai.

MAHTE 9:6 ပူးပေါင်းရင်းမြစ်များ

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

MAHTE 9:5

Na a yubak dat kau ya sade ai; shing n rai, Rawt hkawm wa u, ning ngu tsun ai ga yan hta, gara mahtang grau tsun loi a ta?

MAHTE 9:7

Shaloi shi rawt nna shi a nta de wa mat ai.

MARKU 2:10

Rai timung, Masha Kasha gaw, ga ntsa e, yubak dat kau ya ai ahkang aya lu ai gaw, nanhte chye nga myit ga,”

MARKU 2:7

Karai Kasang sha n rai yang yubak dat kau ya lu ai gaw kadai wa rai nga a ta? nga nna tinang a kraw kata e myit aru yu nga ma ai.

LUKA 5:21

Shaloi laika ka ai sara ni hte Hparishe ni gaw, “Ning nga shatan nhkan tsun ai wa gaw, kadai wa rai ta? Karai Kasang sha n rai yang yubak dat kau ya lu ai gaw kadai wa rai nga a ta?” nga nna myit aru yu nga ma ai.

YAWHAN 10:28

ngai shanhte hpe n htum n wai asak jaw da we ai rai nna, shanhte galoi mung hten bya ai hkrum na n rai; nye a lata na shanhte hpe gade e kashun la ya lu na n rai.

YAWHAN 17:2

ngai nsha wa e na a hpung shingkang shapraw ya lu n ga, nsha wa a hpung shingkang hpe mung, shapraw ya e law.

YAWHAN 5:27

shi gaw Masha Kasha rai nga ai majaw, tara dara na ahkang mung shi e ap ya nu ai.

YAWHAN 5:8

Shaloi Yesu gaw, “Rawt u, na a hpun panep la hpai nna hkawm wa su,” ngu nna dai wa hpe tsun wu ai.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

KASA 9:34

Shaloi Petru gaw, “Ainea e, Yesu Hkristu nang hpe shamai nit dai: rawt u, na hpun panep lajang u,” ngu nna shi hpe tsun wu ai: shaloi jang shi rawt wa lu ai.

2 KORINHTU 2:10

Kadai wa a mara nanhte raw dat myit yang gaw, ngai mung raw dat nngai: kaning rai nme law, ngai lama ma raw dat ni yang gaw, Satan gaw anhte hpe n dang kau u ga, nanhte a majaw, Hkristu a man e, ngai raw dat nngai;

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

KOLOSE 3:13

shada da hkam mana ai hte, mara langai ngai nga yang gaw, shada da raw dat kau hkat nga mu: dai Madu nanhte a mara hpe raw dat kau ya ai hte maren, nanhte mung galaw nga mu.