MAHTE 9:28 - Jinghpaw Hanson Version Bible

²⁸ Dai nta de shang yang, dai myi kyaw ai yan shi kaw sa du nna, Yesu gaw, “Ndai ngai galaw lu nngai hpe, nan kam nga myit ni?” ngu nna shan hpe san mu ai. Shan mahtang, Rai sa, Madu e, ngu mu ai.

Jinghpaw Common Language Bible 2009

²⁸ Yesu dai nta de shang mat wa yang, dai myi kyaw ai yan shi kaw sa du ma ai rai nna, Yesu gaw, “Ngai nan hpe shamai ya lu na re ngu nna nan kam nga myit ni?,” ngu nna shan hpe san mu ai. Shan mahtang, “Rai sa, Madu e,” ngu mu ai.

MAHTE 9:28 ပူးပေါင်းရင်းမြစ်များ

1 HKAWHKAM 17:16

Yehowa gaw Elia n-gup hta htawn tsun ai hte maren, dibu na muk shadung ma wa ai n rai, namtau na namman mung yawm wa ai n rai.

MAHTE 13:1

Dai shani jang, Yesu gaw dai nta na pru nhtawm, nawng makau e sa dung nga ai.

MAHTE 13:36

Dai hpang shawa masha ni hte shi hka wa nna, dai nta hta e shang mat wa ai. Shaloi shi a sape ni shi kaw sit sa wa nna, “Hkauna hta e tu ai tsing a ga shadawn lam, anhte hpe htai dan mi,” ngu mu ai.

MAHTE 13:58

Shanhte kamsham ai myit n rawng nga ma ai majaw, dai shara e magam amu law law wa shi n galaw nu ai.

MAHTE 8:14

Bai, Yesu gaw Petru a nta hta shang yang, shi a kani hkali bu taw nga ai hpe mu hkrup wu ai.

MAHTE 8:2

Shaloi, yu mu, manggang kap ai masha langai mi sa du nna shi hpe nawku let, “Madu e, nang hkraw n yang gaw, ngai hpe shapra ya lu na rai nga ndai,” ngu wu ai.

MAHTE 9:22

Yesu mahtang kayin nna shi hpe mu wu yang, “Shayi sha e, ngwipyaw n ga; na a kamsham ai gaw nang hpe shamai ya nit dai,” ngu wu ai. Dai ahkying kaw nna, dai numsha mai mat nga ai.

MAHTE 9:27

Yesu gaw dai shara kaw nna sat sa wa yang, myi kyaw ai masha lahkawng shi kaw hkan nang let, “Dawi a kasha e, an hpe matsan dum la mi,” nga nna jahtau ma ai.

MAHTE 9:29

Dai rai nna shan a myi hpe shi ahtawk nna, “Nan kamsham nga ai hte maren, byin wa malit ga,” ngu mu ai.

YAWHAN 11:26

ngai hpe kamsham ai wa gaw, si mat timung ahkrung nga na ra ai: asak hkrung nna ngai hpe kamsham ai wa kadai mung, si ai galoi mung n hkrum na ra ai. Ga ndai hpe nang kam nni?” ngu nna shi hpe tsun wu ai.

YAWHAN 11:40

Yesu gaw, “Nang kam n yang gaw, Karai Kasang a hpung shingkang nang mu lu na rin dai, ngu nna ngai tsun sade ai, n rai ni?” ngu nna shi hpe tsun wu ai.

KASA 14:9

Shi mung Pawlu tsun ai ga madat nga ai; dai wa hpe Pawlu azi yu wu yang mai wa lu hkra kamsham ai myit rawng nga ai hpe shi chye ya nna,