MAHTE 9:24 - Jinghpaw Hanson Version Bible

²⁴ “Yen dat mi, dai numsha ma gaw si nga ai n rai, yup pyaw nga ai,” ngu wu ai. Shanhte mahtang shi hpe asawng asang di kau mu ai.

Jinghpaw Common Language Bible 2009

²⁴ Shi gaw, “Yawng yen mu! Dai numsha ma gaw yup pyaw nga ai sha rai nga ai,” ngu mu ai. Shaloi shanhte yawng shi hpe mani asawng kau ma ai.

MAHTE 9:24 ပူးပေါင်းရင်းမြစ်များ

YOBA 12:4

Ngai gaw Karai Wa hpe shaga nna, shi ngai hpe htan ya timung nye htingbu ni a man e, asawng shara ngai tai nngai: dinghpring ai hte tengman ai wa gaw, asawng shara tai nga a hka.

ESAIA 49:7

Bai, Israela a Hkye hkrang la ai wa, shi a chyoi pra ai wa Yehowa gaw, n kaw n law di kau hkrum nna, maigan masha ni matsat kau ai hte, mung du ni a mayam tai ai wa hpe, ning nga tsun ai: Hkawhkam ni mu mada nna rawt na mara ai; du ni mung nawku na mara ai: dai gaw kangka re ai Yehowa hte, nang hpe lata la ai, Israela a Chyoi pra ai wa a matu mara byin na ra ai,” nga ai.

ESAIA 53:3

Shi gaw masha ni e shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chye ai wa, shi rai nga ai: myi man kayin kau hkrum ai wa zawn shi rai nga nna, shatan nhkan hkrum nga ai; anhte mung shi hpe hpa n nawn ga ai.

MARKU 5:40

Shanhte chyawm gaw shi hpe asawng asang ngu kau mu ai. Shi mahtang nlang hte hpe shaden kau ngut jang, dai ma a kanu yan kawa hte shi hte rau nga ai ni hpe, shaga la nna, dai ma taw nga ai shara de shang wa ai:

LUKA 8:53

Ma gaw si mat sai shanhte chye ma ai majaw, shi hpe asawng asang ngu kau mu ai.

YAWHAN 11:4

Yesu gaw dai ga na jang, “Dai machyi gaw si machyi n rai: de a majaw Karai Kasang a Kasha hpung shingkang dan pru u ga nga nna, Karai Kasang a hpung shingkang matu byin ai rai nga ai,” ngu nna tsun dat wu ai.

KASA 20:10

Shaloi Pawlu yu wa nhtawm, dai wa ntsa e shi hkum mara ahpum let, “Hkum kashai myit, nsa naw rawng nga ai,” ngu mu ai.

KASA 9:40

Petru chyawm gaw nlang hte hpe shapraw kau ai; shing rai dai mang de kayin let, “Tabihta e, rawt u,” ngu wu ai. Shaloi dai jan myi hpaw nna, Petru hpe mu jang, rawt dung nga ai.