MAHTE 9:23 - Jinghpaw Hanson Version Bible

²³ Ya, Yesu gaw dai agyi a nta de sa du nna, sumpyi dum ai ni hte sharung shayawt nga ai wunawng hpe mu mu yang,

Jinghpaw Common Language Bible 2009

²³ Dai hpang, Yesu gaw dai tara jawng agyi a nta de sa du nna, sumpyi dum ai ni hte sharung shayawt nga ai shawa masha ni hpe mu wu ai.

MAHTE 9:23 ပူးပေါင်းရင်းမြစ်များ

2 HKAWHKAM LABAU 35:25

Yeremia mung Yoshia majaw sharung shayawt nga ai rai nna, mahkawn mangoi chye ai numsha lasha ni gaw tinang a sharung shayawt ai ga hte, dai ni du hkra Yoshia lam shagawp tsun nga ma ai; dai ga gaw Israela amyu hta tsun nga na htung tai wa nna, sharung shayawt laika hta ka da nga ai.

YEREMIA 16:6

Mung masha kaji kaba si na mara ai; shanhte hpe lup makoi na, n rai; shanhte a matu kadai mung sharung shayawt na, n rai, tinang hkum hpe jahpye na, n rai, tinang kara hpe mung rep kau na, n rai:

EZEKELA 24:17

madai u, rai timung atsin sha nga u; si mat ai wa a matu hkum sharung shayawt et; bunghkaw hkaw nna kyepdin din u; n-gup hpe hkum magap et; masha ni jaw ai shat hkum sha et,” nga nna tsun ai.

MAHTE 11:17

Nanhte a matu anhte sumpyi dum ga timung, nanhte n ka myit dai: Anhte sharung shayawt timung, nanhte n yawn myit dai, nga nna, gat hkan e dung let, shada da gintan hkat ai ma ni hte bung nga ma ai.

LUKA 7:32

Shanhte gaw, Nanhte a matu anhte sumpyi dum ga timung, nanhte n ka myit dai, Anhte sharung shayawt timung, nanhte n hkrap myit dai, nga nna gat hkan e dung let, shada da gintan hkat ai ma ni hte bung ma ai.

KASA 20:10

Shaloi Pawlu yu wa nhtawm, dai wa ntsa e shi hkum mara ahpum let, “Hkum kashai myit, nsa naw rawng nga ai,” ngu mu ai.

KASA 9:39

Shaloi Petru rawt nna, dai yan hte rau hkan sa wa ai. Shi du jang ntsa gawk de woi shawn mu ai rai nna, gaida jan ni nlang hkrap let shi a makau e tsap nna, shanhte hte rau naw nga yang, Dorka chywi ai palawng ni, nba ni, madun let nga nga ma la ai.

SHINGRAN 18:22

Tingse dum ai ni, laka ka ai ni, sumhpyi dum ai ni hte pahke dum ai ni a nsen, nang hta htawn hpang galoi mung ngoi lu na n rai; hpa hpaji maka lam hta rai timung, hpaji maka rawng ai masha nang hta htawm hpang galoi mung paw pru lu na n rai; htumrin rin ai nsen mung, nang hta htawm hpang galoi mung na lu na n rai;