MAHTE 9:2 - Jinghpaw Hanson Version Bible

² Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

Jinghpaw Common Language Bible 2009

² Shaloi, masha nkau mi gaw, yup ra hta taw nga ai katsing si ai masha langai mi hpe, shi hpang de hpai sa ma ai. Yesu gaw shanhte hta kam sham ai myit gade daram rawng ai hpe mu jang, “Sha e, ngwi pyaw nga n-ga, na a yubak dat kau ya ai hkrum nit dai,” ngu katsing si ai wa hpe tsun wu ai.

MAHTE 9:2 ပူးပေါင်းရင်းမြစ်များ

HPAJI NINGLI 9:7

Pru wa su; Karai Kasang gaw na a amu hkap la ngut sai majaw, kabu gara ai hte shat sha u, ngwipyaw ai hte na a tsabyi jahku lu u.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

MAHTE 14:27

Shaloi jang Yesu gaw, “Myit apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 6:12

Masha ni anhte hpe shut ai mara, anhte raw kau ya ai zawn, anhte a mara hpe mung raw kau ya mi;

MAHTE 8:10

Dai ga Yesu na yang shi mau nna shi kaw hkan nang ai ni hpe tsun mu ai gaw, “Nanhte hpe ngai teng teng tsun made ga, Israela amyu hta pyi, dai hte wa kamsham ai gaw ngai n mu hkrup nngai;

MAHTE 8:16

Ya, shana de du yang, shanhte gaw nat kap ai masha law law hpe shi hpang de woi sa wa mu ai rai nna, ga hte sha dai nat ni hpe shi shaden kau mu ai; machyi makaw hkrum ai ni nlang hte hpe mung, shamai ya mu ai.

MAHTE 9:22

Yesu mahtang kayin nna shi hpe mu wu yang, “Shayi sha e, ngwipyaw n ga; na a kamsham ai gaw nang hpe shamai ya nit dai,” ngu wu ai. Dai ahkying kaw nna, dai numsha mai mat nga ai.

MAHTE 9:5

Na a yubak dat kau ya sade ai; shing n rai, Rawt hkawm wa u, ning ngu tsun ai ga yan hta, gara mahtang grau tsun loi a ta?

MAHTE 9:6

Rai timung, dai Masha Kasha gaw ga ntsa e, yubak dat kau ya ai ahkang aya lu ai gaw, nanhte chye myit ga, shaloi dai katsing si ai wa hpe, Rawt u, na a hpun panep hpai la nna, na a nta de wa u,” ngu wu ai.

MARKU 1:32

Ya, jan shang nna shana ahkying du jang, shanhte machyi makaw hkrum ai ni hte nat kap ai ni nga manga hte hpe, shi hpang de sa hpai tawn mu ai:

MARKU 10:49

Yesu gaw, tsap let, “Shi hpe shaga wa marit,” nga ai. Dai rai nna shanhte gaw, dai myi kyaw ai wa hpe shaga ai hte, “Ngwipyaw n ga; rawt u, shi nang hpe shaga nga ai,” ngu mu ai.

MARKU 5:34

Shi mahtang, “Shayi sha e, na a kamsham ai gaw nang hpe shamai ya nit dai: ngwipyaw ai hte wa u: na a atsu atsam mai wa nu ga,” ngu nna shi hpe tsun dat wu ai.

MARKU 6:50

kaning rai nme law, nlang hte gaw shi hpe mu mada nna myit kahpra nga ma ai. Shaloi jang, shi shanhte hte shaga hkat nna, “Ngwipyaw myit ga: ngai she rai nngai; hkum hkrit myit,” ngu nna shanhte hpe tsun mu ai.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

YAWHAN 2:25

masha wa a lam hpe gade e muk sakse sa hkam ya na, n ra ai majaw mung, shi hkum nan shanhte hta myit n krem da wu ai.

YAWHAN 21:5

Dai majaw Yesu gaw shanhte hpe, “Ngai sha ni e, nanhte shahpa lama ma lu myit ni?” ngu nna san wu ai; shanhte gaw, “N lu ga ai,” ngu nna shi hpe htan mu ai.

KASA 14:9

Shi mung Pawlu tsun ai ga madat nga ai; dai wa hpe Pawlu azi yu wu yang mai wa lu hkra kamsham ai myit rawng nga ai hpe shi chye ya nna,

KASA 19:12

Pawlu lang ai hpajet re ai, shingkyit re ai, lama ma machyi ai ni hpang de la wa jang, dai ni mai mat wa ai hte, shung ai nat ni mung pru mat wa ma ai.

KASA 23:11

Dai shana Madu gaw shi a makau e tsap pru nna, “Myit hkum ru et; nang nye a lam Yerusalem mare hta sakse hkam nit dai hte maren, Roma mare hta mung naw hkam lu na ndai,” ngu nna tsun wu ai.

ROMA 5:11

Bai, dai hta n-ga, anhte a Madu Yesu Hkristu a marang e, Karai Kasang hta mung anhte kabu gumrawng nga ga ai: shi a majaw dai htinglu htinglai ai chyeju gaw anhte ya hkam la lu sagaw ai.

YAKU 2:18

Bai lam mi gaw, Nang makam masham rawng nga ndai, ngai mahtang magam bungli rawng nga nngai, nga nna marai langai ngai tsun nga a yang gaw, magam bungli n lawm ai, na a makam masham gaw ngai hpe madun dan e, shaloi nye a magam bungli hte nye a makam masham, ngai nang hpe madun dan na de ai.