MAHTE 9:16 - Jinghpaw Hanson Version Bible

¹⁶ Palawng nsa hpe garai n htun ai sumpan achyen hte kadai mung n kapa ga ai; shing di yang, dai achyen gaw palawng dingsa hpe gang nna, de a je ai hku gaw grau kaba wa ai.

Jinghpaw Common Language Bible 2009

¹⁶ Palawng dingsa hpe garai n htun ai sumpan nnan achyen hte kadai n kapa ga ai; shing di yang, sumpan nnan achyen gaw htun wa na ra ai rai nna palawng dingsa hpe gang ai majaw de a je ai hku gaw grau kaba wa ai.

MAHTE 9:16 ပူးပေါင်းရင်းမြစ်များ

NINGPAWT NINGHPANG 33:14

Dai re ai majaw nang madu gaw na a mayam a shawng e wa magang u: ngai gaw yamnga ni hte ma ni sa lu ai daram, nang madu nga ai Seira bum de du lu hkra, dai ni hpe yat yat woi lakawn wa na nngai, ngu wu ai.

SHAKAWN KUNGDAWN 125:3

Dingman ai ni, n hkru ai amu hpe, tinang a lata hte n galaw lu mu ga, Tara n lang ai ni a up ai sumdoi, Dingman ai ni a sali wunli a ntsa e, mara lu na n rai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

MAHTE 9:15

Yesu gaw, “La nnan wa gaw, hkungran ai gawk hte seng ai ma ni hte rau naw nga yang, shanhte yawn hkyen hkrum na ma hka? Rai timung? la nnan wa hpe shanhte kaw na jahka mat wa na nhtoi du na ra ai; dai shaloi shanhte lusha gam na mara ai.

MAHTE 9:17

Tsabyi nnan hpe mung shanhpyi ndum nsa hta, kadai mung n bang da ga ai: shing di yang, ndum ni kapaw wa ai hte tsabyi yun mat nna, ndum ni hten mat ma ai: tsabyi nnan hpe ndum nnan hta bang da ma ai rai nna, dai lahkawng yan a kaja nga ai.”

MARKU 2:21

Palawng nsa hpe, garai n htun ai sumpan chyen hte kadai mung n kapa ga ai: shing di yang, dai achyen gaw dai hpe sha ai hte, dai nnan gaw dingsa hpe gang je kau nna, de a je mat ai gaw grau kaba wa ai.

LUKA 5:36

Ga shadawn hte mung shi shanhte hpe tsun mu ai gaw, “Palawng nnan hta na achyen gang je la nna, palawng dingsa hta kadai n kapa ga ai; shing di yang, palawng nnan hpe gang je kau nna palawng dingsa mung nnan hta na achyen hte n pre na ra ai.

YAWHAN 16:12

Ngai nanhte hpe tsun da na lam law law naw nga ai rai timung, nanhte ya garai n hkam la lu myit dai.

1 KORINHTU 13:13

Ya chyawm gaw, makam masham, myit mada ai hte tsawra ai myit ngu ai lam masum rai nga ai, rai timung, dai hte hta grau kaba ai gaw tsawra ai myit rai nga ai.

2 KORINHTU 9:12

Kaning rai nme law, ndai galaw daw ai bungli gaw, chyoi pra ai ni a ra nga ai hpe shatup nga ai hta n-ga, Karai Kasang a chyeju hpe mahkawn mangoi na lam mung law htam wa nga ai: