MAHTE 9:11 - Jinghpaw Hanson Version Bible

¹¹ Hparishe ni dai mu ma yang shanhte gaw, “Kang hta ai ni hte yubak kap ai ni hte rau, hpa rai nanhte a sara gaw shat pawng sha a ta?” nga nna shi a sape ni hpe san mu ai.

Jinghpaw Common Language Bible 2009

¹¹ Hparishe nkau mi dai hpe mu ma yang, shanhte gaw, “Nanhte a sara gaw kang hta ai ni hte rau hpa rai shat pawng sha a ta?,” nga nna shi a sape ni hpe san mu ai.

MAHTE 9:11 ပူးပေါင်းရင်းမြစ်များ

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

MAHTE 11:19

Dai Masha Kasha du sa nna, lu nga sha nga ai rai timung, Ndai sha marim ai wa, tsabyi lu shalai ai hte, kang hta ai ni, yubak kap ai ni a jinghku hpe yu mu, nga nna bai tsun ma ai. Hpaji byeng-ya chyawm gaw, shi a amu bungli hta awlaw ai hkrum nga ai,” ngu mu ai.

MAHTE 5:46

Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 9:10

Dai hpang dai wa a nta e dung nga a yang, yu mu, kang hta ai ni hte yubak kap ai masha law law wa, Yesu hte shi a sape ni hte rau sa dung nga ma ai.

MARKU 2:16

Shing rai, yubak kap ai ni hte, kang hta ai ni rau shi shat sha nga ai hpe, Hparishe ni a laika ka ai sara ni mu mu yang shanhte gaw, “Kang hta ai ni hte yubak kap ai ni rau, shi lusha nga a hka?” ngu nna, shi a sape ni hpe tsun mu ai.

LUKA 19:7

Nga manga ni gaw dai mu jang, shi gaw yubak kap ai wa langai mi kaw shang manam sai, nga nna aput angun nga ma ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

KASA 11:3

“Nang gaw matu gadoi n hkam ai ni a nta shang nna, shanhte hte rau lu rau sha ndai,” nga nna hkap ndang hkat ma ai.

GALATI 2:15

Anhte gaw Yuda amyu jet rai nga nna, maigan masha ni zawn yubak kap ai ni n rai nga ga timung,

HEBRE 5:2

shi hkum dai mung gawng kya ai hte shinggrup nga ai majaw, n chye n chyang ai ni hte lam dam mat wa ai ni hpe, galu kaba ai myit chye madun ai wa rai nga ai;

2 YAWHAN 1:10

Marai langai ngai nanhte kaw sa du nna, dai sharin shaga ai ga hpe n lang a yang gaw, dai wa hpe nta kata de hkum jashawn mu; shi hpe hkum hkap shachyen nga mu: