MAHTE 8:6 - Jinghpaw Hanson Version Bible

⁶ “Madu e, nye a ma katsing si ai ana hte nye a nta e a taw nga nna, aja awa aju machyi nga ai,” ngu nna shi hpe hpyi nem wu ai.

Jinghpaw Common Language Bible 2009

⁶ “Madu e, nye a shangun ma gaw katsing si ai ana hte nta e yup ra hta n lu shamu hkra aja awa machyi hkrum sha nga ai,” ngu nna shi hpe hpyi nem wu ai.

MAHTE 8:6 ပူးပေါင်းရင်းမြစ်များ

MAHTE 4:24

Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

MAHTE 8:7

Shi gaw, “Shi hpe shamai ya na, ngai sa du na nngai,” ngu wu ai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

KASA 10:7

Shi hte ga tsun ai lamu kasa wa mat jang, shangun ma lahkawng hte, shi kaw tut hkan nga ai ni hta na, tara hkungga ai hpyen ma langai mi hpe shaga nna,

KASA 8:7

Kaning rai nme law, nat shung ai ni law law hta na, n seng ai nat ni jahtau marawn let pru mat shajang ma ai; hkum katsing si ai ni hte lagaw hten ai ni law law mung, mai mat shajang ma ai.

KASA 9:33

Dai yang e hkum katsing si nna, matsat ning tup yup shara na n rawt lu ai Ainea mying ai masha langai mi hpe mu hkrup wu ai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

KOLOSE 4:1

Madu ni e, nanhte mung sumsing lamu e Madu lu nga myit dai hpe chye nga myit dai majaw, dingman ai hte ging ram ai hku mayam ni hpe marang nga mu.

1 TIMOHTI 6:2

Kamsham ai madu lu ai mayam ni gaw, maren hpunau rai nga ai, nga nna, shanhte hpe n gawn n sawn hkum di mu; dai ngamu ngamai hkam la ai ni gaw, kamsham ai ni hte tsawra ging ai ni rai nga ma ai majaw, grau nna shanhte a bungli gun hpai nga mu ga. Ndai lam hte gaw sharin shaga nga nna, shadut jahkat nga u.

HPILEMON 1:16

tutnawng e nang kaw anga nga lu na she, shi nang hte tawng marang mi hka ai, rai dam nhten.