MAHTE 8:3 - Jinghpaw Hanson Version Bible

³ Shi chyawm gaw lata ladawn nna, shi hpe ahtawk let, “Ngai hkraw nga nngai, san pra wa nu,” ngu wu ai: dai shaloi jang, shi a manggang san pra mat lu ai.

Jinghpaw Common Language Bible 2009

³ Yesu gaw shi a lata ladawn nna, shi hpe ahtawk let, “Ngai hkraw nga nngai, san pra wa nu!,” ngu wu ai. Dai shaloi jang, shi a manggang ana san pra mat lu ai.

MAHTE 8:3 ပူးပေါင်းရင်းမြစ်များ

NINGPAWT NINGHPANG 1:3

Shaloi Karai Kasang gaw, “Ahtoi tai wa u ga,” ngu wu ai rai nna, ahtoi tai wa ai.

2 HKAWHKAM 5:11

Naman chyawm gaw masin pawt nna pru wa let, “Gaja wa, myihtoi wa nan ngai hpang de pru nna, shi a Karai Kasang Yehowa amying gang let, shi a lata hte machyi ai shara e masawp nna, manggang kap ai wa hpe jasan shapra ya na ra ai,” ngu nna ngai myit nga nngai.

2 HKAWHKAM 5:14

Shing rai shi gaw, Karai Kasang a masha wa tsun ai hte maren, Yawdan hka de yu wa nna, shi hkum hpe sanit lang kapruk jang, shi a hkum shan gaw ma kaji a hkum shan zawn rai mat nna, shi gaw san pra wa ai.

SHAKAWN KUNGDAWN 33:9

Kaning rai nme law, shiga tsun nna byin nga ai, Shi htet da nna shi a ga grin nga ai.

PRU MAT 4:7

Bai Yehowa gaw, “Na lata sinda de bai shawn bang u,” ngu wu ai hte maren, sinda de lata bai shawn bang nna, bai shaw la wu yang, yu u, shawoi na ta bai rai mat lu ai.

MAHTE 12:13

Shaloi shi gaw dai wa hpe, “Na a lata ladawn u,” ngu wu ai. Dai majaw shi ladawn nna, dai gaw maga mi na zawn majing rai mat lu ai.

MARKU 1:41

Shi gaw matsan dum ai hte shi a lata ladawn let shi hpe ahtawk nna, Ngai hkraw nga nngai, san pra wa nu, ngu wu ai.

MARKU 4:39

Dai majaw shi rawt nna, nbung hpe daru wu ai hte, dai nawng hpe, “Atsin sim rai nga u,” ngu wu ai. Dai nbung mung num mat wa nna, a katsi sha rai mat wa ai.

MARKU 5:41

shaloi dai ma a lata hpe shi jum da nna, “Talihta Kumi,” ngu wu ai; de a ga lachyum gaw, “Mahkawn e, rawt u, ngai ngu de ai,” nga ai rai lu ai.

MARKU 7:34

lamu de mada yu let, shi madai nna, dai wa hpe, “Ethpahta,” ngu wu ai: dai gaw, “Hpaw wa u,” nga ai, rai lu ai.

MARKU 9:25

Dai shawa masha ni gat let zuphpawng wa ma ai hpe Yesu mu wu yang, dai n seng ai nat hpe, “N chye shaga nna na lahpang ai nat e, ngai nang hpe htet da de ga, shi hta na pru mat wa u; htawm hpang e galoi mung bai hkum shang nit,” ngu nna daru kau wu ai.

LUKA 4:27

Myihtoi Elisha a aprat e mung, Israela a amyu hta manggang kap ai masha law law wa nga ma ai, rai timung, shanhte hta na langai mi muk san pra wa lu ai n rai; Suri masha Naman ngu ai wa chyu sha san pra wa lu ai,” ngu mu ai.

LUKA 5:13

Yesu gaw lata ladawn nna shi hpe ahtawk let, “Ngai hkraw nga nngai, san pra wa nu,” ngu wu ai. Shaloi jang dai manggang shi kaw na pru mat wa ai.

LUKA 7:14

Ani sha shi sit sa nna dai da-u hpe ahtawk wu ai; hpai ai ni mung tsap ya nga ma ai: shaloi shi gaw, Shabrang e, ngai nang hpe tsun de ai, rawt u, ngu wu ai.

YAWHAN 11:43

Shing nga tsun ngut jang shi gaw, “Lazaru e, pru wa rit law,” nga nna nsen kaba hte jahtau dat wu ai.

YAWHAN 15:24

Masha kaga n di lu ai amu, ngai shanhte hta n di nngai rai taw gaw, shanhte hta mara n nga na re ai: ya chyawm gaw shanhte ngai hte nye Wa hpe mu da ninglen, an lahkawng hpe n dawng n yawt rai masai.

YAWHAN 5:21

Kaning rai nme law, Kawa gaw si ai ni hpe sharawt nna jahkrung ya ai hte maren, Kasha wa mung shi ra mara ni hpe jahkrung ya wu ai.