MAHTE 8:29 - Jinghpaw Hanson Version Bible

²⁹ Shan gaw, “Karai Kasang a Kasha e, an nang hte hpa seng nga ga ta? aten garai n du yang, an hpe zingri na nang sa du rin ni?” ngu nna jahtau mu ai.

Jinghpaw Common Language Bible 2009

²⁹ Shaloi jang shan gaw, “Karai Kasang a Kasha e, an nang hte hpa seng nga ga ta? Aten garai n du yang, an hpe ari jaw na nang sa du rin ni?,” ngu nna jahtau tsun mu ai.

MAHTE 8:29 ပူးပေါင်းရင်းမြစ်များ

2 SAMUELA 16:10

Hkawhkam wa chyawm gaw, “Zeruia kasha ni e, nanhte hte hpa seng a ta? Matsa nga u ga. Dawi hpe matsa su, ngu nna Yehowa shangun dat nu ai; dai rai nna nang hpa majaw shing rai n ta? nga nna kadai gawn lu a ta?” ngu wu ai.

2 SAMUELA 19:22

Dawi chyawm gaw, Zeruia kasha ni e, Dai ni nanhte ngai hpe hpyen na gaw, ngai hte hpa seng a ta? Dai ni Israela masha langai ngai si yang she mai a ni? Dai ni ngai Israela hkawhkam rai nga nngai gaw, ngai chye nga ai, n rai ni? Dai ni ngai Israela hkawhkam rai nga nngai gaw, ngai chye nga ai, n rai ni? ngu nna daru kau nhtawm,

1 HKAWHKAM 17:18

Dai rai nna nta madu jan gaw Elia hpe, “Nang Karai Kasang a masha wa e, ngai nang hte hpa daw ga ta? nye yubak mara ngai hpe shadum nna, ngai sha hpe sat kau na matu, nang ngai hpang de shang n hka!” Ngu wu ai.

2 HKAWHKAM 3:13

Shaloi Elisha gaw Israela hkawhkam wa hpe, “Ngai nang hte hpa daw ga ta? Na nwa a myihtoi ni hte, nnu a myihtoi ni hpang de sa san su,” ngu wu yang, Israela hkawhkam wa gaw, “n rai law, Yehowa gaw ndai hkawhkam masum hpe Moba masha ni a lata hta hpa ya na nga, shaga tawn mu hka,” ngu wu ai.

2 HKAWHKAM LABAU 35:21

Egutu hkawhkam mahtang, kasa shangun dat nna, “Yuda hkawhkam wa e, nang gaw ngai hte hpa daw n ta? Dai ni ngai nang hpe gasat ai, n rai; ngai hte hpyen ai ni hpe gasat na she pru nngai; ngai lawan nga na hpe Karai Kasang htet da sai; ngai hte rau nga ai Karai Kasang gaw nang hpe n jahten u ga, shi hte nhtan shai ai lam hkum galaw et,” ngu nna htet dat wu ai.

YOELA 3:4

Gaja wa, Turu, Sidon hte Hpilisti ginwang mungdaw ni e, nanhte ngai hte hpa seng a ta? nanhte ngai hpe matai dawp na rai myit ni? Ngai hpe matai dawp yang, nanhte a matai dawp ai lam, ngai nanhte a baw ntsa e alawan akajawng sha nhtang dat na nngai.

MAHTE 4:3

Shaloi, dai gunglau ai wa shi kaw du nna, “Nang Karai Kasang a Kasha rai n yang gaw, ndai nlung ni hpe muk tai mu ga, tsun u!” ngu wu ai.

MAHTE 8:30

Ya shanhte hte tsawmra mi tsan kaw e, wa wunawng kaba kanaw sha nga ma ai.

MARKU 1:24

shi jahtau nna, Nazaret wa Yesu e, anhte nang hte hpa seng ga ta? anhte hpe jahten na nang sa du nni? nang kadai re ai ngai chye nga nngai; Karai Kasang a Chyoi pra ai wa nang rai nga ndai, ngu wu ai.

MARKU 3:11

N seng ai nat ni mung shi hpe mu jang, shi a man e dagup nna, “Nang gaw Karai Kasang a Kasha rai nga ndai,” nga nna jahtau ma ai.

MARKU 5:7

Nang ngai hpe n zingri n ga, Karai Kasang hta, ngai nang hpe dagam de ai,” ngu nna nsen kaba hte jahtau wu ai.

LUKA 4:34

“A! Nazaret wa Yesu e, anhte nang hte hpa seng ga ta? anhte hpe jahten na nang sa du n ni? nang kadai re ai ngai chye nga nngai, Karai Kasang a chyoi pra ai wa nang rai nga ndai,” nga ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.

LUKA 8:28

Dai wa gaw Yesu hpe mu jang, jahtau nna shi a man e dingnyawm dagup let, Tsaw htum ai Karai Kasang a Kasha Yesu e, ngai nang hte hpa daw nga ga ta? nang ngai hpe n zingri n ga, ngai nang hpe hpyi nga nngai, ngu nna nsen kaba hte tsun wu ai.

YAWHAN 2:4

Shaloi Yesu gaw, “Numsha e, ngai nang hte hpa seng a ta? nye a ahkying garai n du li ai,” ngu nna shi hpe htan wu ai.

KASA 16:17

Numsha dai mi Pawlu hte anhte kaw hkan nang nang rai nhtawm, “Ndai ni gaw law, nanhte hpe hkye hkrang la ai lam tsun dan ai, Tsaw Htum ai Karai Kasang a shangun ma ni rai nga ma ai law,” nga nna jahtau htau re ai.

YAKU 2:19

Karai Kasang gaw langai sha rai nga ai, nang kam nga n hka? Rai sa, mai kaja nga ndai: nat ni mung kamsham nga nna, hkrit gari nga ma ai.

2 PETRU 2:4

Kaning rai nme law, Karai Kasang gaw yubak galaw kau ai lamu kasa ni hpe pyi lahpawt lama n di ai sha, ngarai mung de jahkrat kau mu ai rai nna, tara dara ai nhtoi du hkra shanhte hpe rim da let, chyang htat ai nsin sin ai nhkun hta e rawng da mu ai hte;

YUDA 1:6

bai shi gaw tinang a aya hpe hprai kau nna, tinang nang a buga kau da ai lamu kasa ni hpe mung, dai dawdan ai nhtoi kaba du hkra, prat dingsa na hpri sumri hte, nsin kata de gyit hkang da mu ai.

TARA AGYI 11:12

Shaloi Yephta gaw, Amon kashu kasha ni a hkawhkam hpang de kasa shangun dat nna, “Nang nye a mungdan sa gasat na gaw, ngai nang hte hpa ra rawng a ta?” ngu nna san dat wu ai.