MAHTE 8:26 - Jinghpaw Hanson Version Bible

²⁶ Shi gaw, “Ai n kam ai ni e, hpa rai hkrit nga myit ta?” ngu nna shanhte hpe tsun mu ai. Shaloi shi rawt nna, nbung hte nawng hpe daru kau wu ai: shing rai nachying atsin sim rai nga ai.

Jinghpaw Common Language Bible 2009

²⁶ Shi gaw, “Kam sham myit n law la ai ni e, hpa rai hkrit nga myit ta?,” ngu nna shanhte hpe tsun mu ai. Shaloi shi rawt nna nbung ni hte hkaleng ni zim mat na matu hkang da wu ai, shing rai nachying atsin sim rai nga ai.

MAHTE 8:26 ပူးပေါင်းရင်းမြစ်များ

SHAKAWN KUNGDAWN 65:7

Nammukdara a wu ngoi ai hpe mung, De a hka leng ni a kashaw ai hte, Amyu baw ni a kabring kabrawng ai hpe, Shi jasim kau mu ai.

SHAKAWN KUNGDAWN 89:9

Nammukdara gumrawng ai hpe nang up nga nna, De a hka leng ni kabrawng yang, jasim nga ndai.

ESAIA 63:12

Mawshe a hkra lata makau e shi a dan hkung ai lahpum shadan shangun ai hte, htani htana e shi a amying kaba wa lu hkra, nammukdara hka hpe shanhte a man e ga wa shangun nna,

NAHUM 1:4

Shi gaw nammukdara hpe daru nna, shahkyet kau wu ai; hka nu ni yawng hpe, hkyet kan mat shangun wu ai: Bashan hte Hkarmela bum gaw nyip nyui mat ma ai; Lebanon apu mung, hkraw mat nga ai.

HABAKU 3:8

Yehowa gaw hka nu ni hpe, myit kahtet nga ai, rai ni? Na a gumra ni hte, hkye hkrang la ai hpyen leng ni a ntsa e, nang jawn wa ai du hkra, Hka nu ni hpe nang masin pawt wa nna, Nammukdara hpe n-yun bu nga ai, rai ni?

MAHTE 16:8

Yesu dai hpe hten wu yang, “Ai n kam ai ni e, nanhte muk n gun ai hpe tau nna, hpa majaw shada da tsun wa myit ta?

MAHTE 17:20

Shi gaw, “Nanhte ai n kam myit dai majaw, n di lu mu ai; nanhte hpe ngai teng teng tsun made ai gaw; Kamsham ai myit chyinghkrang tum daram nanhte rawng nga myit yang gaw, ndai bum hpe, Wora de htawt sit mat u, ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re ai,” ngu nna shanhte hpe tsun mu ai.

MAHTE 6:30

Ai n kam ai baw e, dai ni nga nna hpawt de wan nmang hta kabai bang kau ai nam na tsingdu hpe pyi, Karai Kasang shing re jahpun da ai rai jang gaw, dai hta grau nna nanhte hpe jahpun na myit dai, n rai ni?

MAHTE 8:27

Masha ni chyawm gaw, mau mahka nga nna, “Ndai wa gaw kaning re ai wa rai nga a ta? nbung hte nawng pyi, shi hpe madat mara nga ma hka?” nga shajang ma ai.

LUKA 4:35

Shaloi Yesu gaw, “Atsin sha nga u, shi kaw na pru wa u,” ngu nna shi hpe daru kau wu ai. Dai rai nna Nat gaw dai wa hpe ka-ang e kadawng kau tawn da nhtawm, hkala nba n di ai sha, shi kaw na pru mat wa ai.

ROMA 4:20

rai sa, Karai kasang a ga ndat hpe dum yang, shi kam shut ai hte ndi nda n re ai sha, kamsham ai hte dakan dakring rai wa let,

SHINGRAN 10:2

shi a lata hta hpaw nga ai laika shabawn kaji lang da wu ai; shi a hkra lagaw hpe nammukdara ntsa e, pai lagaw hpe hkarang ntsa e kabye da nna,