MAHTE 8:2 - Jinghpaw Hanson Version Bible

² Shaloi, yu mu, manggang kap ai masha langai mi sa du nna shi hpe nawku let, “Madu e, nang hkraw n yang gaw, ngai hpe shapra ya lu na rai nga ndai,” ngu wu ai.

Jinghpaw Common Language Bible 2009

² Dai shaloi manggang kap ai masha langai mi sa du nna shi a man e dingnyawm let, “Madu e, nang hkraw n-yang gaw, ngai hpe shapra ya lu na rai nga ndai,” ngu wu ai.

MAHTE 8:2 ပူးပေါင်းရင်းမြစ်များ

2 SAMUELA 3:39

Ngai gaw namman jaw hkam nna hkawhkam tai hkra rai timung, dai ni ngai gawng kya nngai. Ndai Zeruia kasha ni mahtang myit nau ja masai. N hkru n hkra ai hku galaw ai wa hpe tinang a mara hte maren, Yehowa htang ya u ga law,” ngu nna tsun mu ai.

2 HKAWHKAM 15:5

Ya Yehowa gaw hkawhkam wa hpe ari jahkrum nna, shi si ai shani du hkra manggang kap ai hte nta kaga hta anga nga ai. Hkawhkam a kasha Yohtam gaw, mung masha ni hpe up nga let, htingnu ntsa e mung madu nga ai.

2 HKAWHKAM 5:1

Ya Suri hkawhkam a hpyen du wa Naman gaw, shi a man e myi man pa ai hte arawng lu ai wa rai nga ai: hpa majaw nga yang, Yehowa gaw shi a lata hte Suri masha ni hpe ning law na lam hpaw ya wu ai: shi gaw share kaba rai nga timung manggang kap ai wa rai nga ai.

2 HKAWHKAM 5:27

Dai re ai majaw, Naman a manggang gaw nang hte na a aru arat hta tutnawng prat dingsa e akap nga na ra ai,” ngu wu ai. Dai rai nna Gehazi gaw hkyen zawn hpraw ai, manggang kap ai wa tai nna, shi madu a man kaw na pru mat wa ai.

BU HKAWM 12:10

Sumwi mung Sum na dawm mat wa ai; shaloi jang, yu u, Miriam hta Manggang kap nna hkyen zawn hpraw nga ai; Arun mada yu nna Miriam hta manggang gang ai mu jang,

MAHTE 10:8

Machyi makaw hkrum ai ni hpe shamai ya mu; si mat ai ni hpe sharawt dat mu; manggang kap ai ni hpe jaseng ya mu, nat ni hpe shaden kau mu; jahpu n ya ai sha nanhte lu la mu ai rai nna, jahpu n hpyi ai she jaw ya mu.

MAHTE 13:58

Shanhte kamsham ai myit n rawng nga ma ai majaw, dai shara e magam amu law law wa shi n galaw nu ai.

MAHTE 14:33

dai li kata e nga ai ni mahtang shi hpe nawku nna, “Nang gaw Karai Kasang a Kasha gaja wa teng teng rai nga ndai,” ngu mu ai.

MAHTE 15:25

Dai numsha mahtang gaw, sit sa wa nna, shi hpe nawku let, “Madu e, ngai hpe karum e law,” ngu wu ai.

MAHTE 18:26

Dai majaw mayam wa gaw, lahput hput di da nna shi hpe nawku let, Ngai hpe matsan naw dum e law, ngai mahkra nang hpe wa na de ai, ngu wu ai.

MAHTE 2:11

Dai nta hta e shang bang wa ma yang, dai ma kaji hte shi a kanu Mari hpe, shanhte mu mu ai rai nna, lahput hput di let shi hpe nawku mu ai: tinang a sut sumpu hpaw nhtawm, shi hpe aja, lawban hte mura ngu ai kumhpa hpe sak mu ai.

MAHTE 20:20

Dai shaloi e, Zebedi a kasha yan a kanu gaw, shi kasha yan hte rau, shi kaw sit sa nna nawku let shi hpe lama ma hpyi wu ai.

MAHTE 26:6

Ya Yesu gaw Behtani kahtawng na, manggang kap ai Simun a nta e rai nga ai shaloi,

MAHTE 28:17

Shi hpe mu mu yang, shanhte nawku ma ai; nkau mi mahtang kam shut nga ma ai.

MAHTE 28:9

Shaloi, yu mu, Yesu shan hpe tau la nna, Ngwipyaw nga myit ga, ngu mu ai: shan gaw shi a lagaw hpe sa ginshum let shi hpe nawku ma ai.

MAHTE 4:9

“Nang dingnyawm nna ngai hpe nawku n yang gaw, ndai yawng mayawng hte hpe ngai nang hpe jaw na de ai,” shi hpe ngu wu ai.

MAHTE 8:1

Ya, dai bum de nna yu hkrat wa yang, masha wunawng wuwa kaba shi kaw hkan nang ma ai.

MAHTE 8:25

Dai rai nna shi hpe sa jasu let shanhte gaw, “Madu e, hkye la mi, anhte htum mat wa nga ga ai,” ngu mu ai.

MAHTE 9:18

Ndai ga shanhte hpe naw tsun nga yang, yu mu, agyi langai mi shi kaw sa du nna, shi hpe nawku let, “Nye a shayi sha nsa hkyet wa sai raitim, nang sa nna shi ntsa e lata mara ya yang gaw, shi hkrung wa na ra ai,” ngu wu ai.

LUKA 4:27

Myihtoi Elisha a aprat e mung, Israela a amyu hta manggang kap ai masha law law wa nga ma ai, rai timung, shanhte hta na langai mi muk san pra wa lu ai n rai; Suri masha Naman ngu ai wa chyu sha san pra wa lu ai,” ngu mu ai.

YAWHAN 9:38

Shaloi dai wa gaw, “Madu e, ngai kamsham nga nngai,” nga nna shi hpe nawku wu ai.

KASA 10:14

Petru chyawm gaw, “N rai law, Madu e; n sha mai ai hte n san n seng ai rai hpe, ngai galoi mung n sha yu nngai,” ngu nna htan wu ai.

KASA 10:25

Ya, Petru shang wa jang, Korneli gaw hkap tau let, shi a lagaw nhpang e dingnyawm nawku wu ai.

1 KORINHTU 14:25

shi a kraw lawang na makoi magap ai lam mung dan pru mat na lu ai; shaloi shi a myi man dagup let, shi Karai Kasang hpe nawku nna, Gaja wa Karai Kasang gaw nanhte hte rau anga nga ai, nga nna kajai dat na ra ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.