MAHTE 8:17 - Jinghpaw Hanson Version Bible

¹⁷ Dai gaw, Shi hkum nan, “anhte a ana ahkya hpe la kau ya nna, anhte a nji nmu hte hpe gun la kau nu ai,” nga nna, myihtoi Esaia tsun ai ga dik wa u ga, rai nga ai.

Jinghpaw Common Language Bible 2009

¹⁷ Dai gaw, “Shi hkum nan anhte a machyi makaw hte ana ahkya ni hpe gun la kau nu ai,” nga nna myihtoi Esaia tsun ai ga dik wa u ga, byin wa ai rai nga ai.

MAHTE 8:17 ပူးပေါင်းရင်းမြစ်များ

NINGPAWT NINGHPANG 22:6

Shaloi Abraham gaw hkungga nat na hpun la nna kasha Isak hpe jahpai nhtawm, wan hte nhtu gaw shi a lata hta lang let, shan wa lahkawng sha rau lung wa ma ai.

ESAIA 53:4

Gaja wa, shi gaw anhte a ana ahkya gun kau ya nna, anhte a yawn hkyen ai hpe, hpai kau nu ai; shi gaw Karai Kasang a lata hte ari ahpri, adup htwi ai hte nni nkri hkrum sha ai wa rai nga ai, nga nna anhte mahtang myit nawn ga ai.

MAHTE 1:22

De a lam yawng hte, dai Madu gaw myihtoi hta tsun ai ga dik wa u ga majaw byin wa sai.

MAHTE 2:15

Dai gaw, “Ngai sha hpe Egutu mung na ngai shaga la se ai,” nga nna myihtoi a n-gup hte dai Madu tsun ai ga gaw, dik wa u ga she byin wa ai.

MAHTE 2:23

Dai rai nna, “Nazare wa shi hpe ngu na maru ai,” nga nna myihtoi ni tsun ai ga gaw dik wa sai.

MARKU 1:32

Ya, jan shang nna shana ahkying du jang, shanhte machyi makaw hkrum ai ni hte nat kap ai ni nga manga hte hpe, shi hpang de sa hpai tawn mu ai:

LUKA 4:40

Jan shang wa jang, machyi makaw re ai hte ana ahkya amyu myu kap ai masha lu ai ni nlang hte gaw, dai ni hpe shi hpang de woi sa mu ai; shi gaw langai hte langai a ntsa e lata mara ai hte shanhte hpe shamai ya mu ai.

2 KORINHTU 12:10

Dai rai nna Hkristu a jaw e hkam ai gawng kya ai, hkala nba ai, kyin dut ai, zingri zingrat ai hte nni nkri re ai hta ngai kabu nga nngai: kaning rai nme law, ngai gawng kya nga yang, n-gun atsam rawng nga nngai.

1 PETRU 2:24

Anhte gaw yubak mara hta si mat wa nga ga ai rai nna, dinghpring ai hta e hkrung nga lu u ga, shi gaw, shi hkum hta nan, dai hpun ntsa e, anhte a yubak mara hpe gun kau nu ai: shi a nma a gawp hte e, anhte shamai shatsai ai hkrum ga ai.