MAHTE 8:16 - Jinghpaw Hanson Version Bible

¹⁶ Ya, shana de du yang, shanhte gaw nat kap ai masha law law hpe shi hpang de woi sa wa mu ai rai nna, ga hte sha dai nat ni hpe shi shaden kau mu ai; machyi makaw hkrum ai ni nlang hte hpe mung, shamai ya mu ai.

Jinghpaw Common Language Bible 2009

¹⁶ Ya shana de du yang, masha ni gaw nat kap ai ni law law hpe Yesu hpang de woi sa wa mu ai rai nna, ga hte sha, dai nat ni hpe shi shaden kau mu ai; machyi makaw hkrum ai ni yawng hte hpe mung shamai ya mu ai.

MAHTE 8:16 ပူးပေါင်းရင်းမြစ်များ

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

MAHTE 12:22

Dai shaloi jang, myi kyaw ai hte n chye shaga ai nat kap ai wa langai mi hpe, shi kaw woi bang mu ai: shi gaw dai wa hpe shamai ya nu ai rai nna, n chye shaga ai wa gaw shaga lu ai hte myi mu lu nu ai.

MAHTE 14:14

Pru wa yang, masha wunawng wuwa kaba hpe shi mu hkrup nna, shanhte hpe matsan dum ai hte shanhte a machyi makaw hkrum ai ni hpe shamai shatsai ya mu ai.

MAHTE 8:15

Shi a lata hpe ahtawk ya wu yang, dai hkali kawp mat nna, shi rawt nhtawm, shi hpe galaw daw wu ai.

MAHTE 8:33

Wa rem ai ni chyawm gaw hprawng wa ma ai hte, dai mare de shang nna, byin mabyin hte hte, nat kap ai yan a lam hpe tsun dan mu ai.

MAHTE 9:2

Shaloi, Yu mu, panep hta taw nga ai katsing si ai masha langai mi hpe, shanhte shi hpang de hpai sa mu ai. Yesu gaw shanhte a kamsham ai myit mu jang, “Sha e, ngwipyaw nga n ga; na a yubak dat kau ya sade ai,” ngu nna katsing si ai wa hpe tsun wu ai.

MARKU 2:3

Shaloi hkum katsing si ai masha langai mi hpe, marai mali hpai nna shi hpang de tawn da mu ai.

MARKU 5:8

Kaning rai nme law, shi gaw, “N seng ai nat, nang e, dai wa kaw na pru mat wa u,” ngu nna shi hpe jet da boi sai.

MARKU 9:25

Dai shawa masha ni gat let zuphpawng wa ma ai hpe Yesu mu wu yang, dai n seng ai nat hpe, “N chye shaga nna na lahpang ai nat e, ngai nang hpe htet da de ga, shi hta na pru mat wa u; htawm hpang e galoi mung bai hkum shang nit,” ngu nna daru kau wu ai.

LUKA 13:12

Yesu dai numsha hpe mu jang, shi hpang de shaga la nna, “Numsha e, na machyi ai hta na nang lawt lu nit dai,” nga nna

LUKA 4:40

Jan shang wa jang, machyi makaw re ai hte ana ahkya amyu myu kap ai masha lu ai ni nlang hte gaw, dai ni hpe shi hpang de woi sa mu ai; shi gaw langai hte langai a ntsa e lata mara ai hte shanhte hpe shamai ya mu ai.

LUKA 4:41

Nat ni mung, “Nang gaw Karai Kasang a Kasha rai nga ndai,” nga nna jahtau let masha law law kaw na pru mat wa ma ai: shi Hkristu rai nga ai hpe shanhte chye ma ai majaw, ga n tsun lu hkra, shanhte hpe jet kau mu ai.

KASA 5:15

dai rai nna, Petru lai sa wa yang, langai ngai a ntsa e shi a shingnip sha pyi hkra u ga, nga nna machyi makaw hkrum ai ni hpe, mare lam makau de hpai shapraw nhtawm yup ku ni hte panep ni hta, tawn da shajang ma ai.