MAHTE 8:14 - Jinghpaw Hanson Version Bible

¹⁴ Bai, Yesu gaw Petru a nta hta shang yang, shi a kani hkali bu taw nga ai hpe mu hkrup wu ai.

Jinghpaw Common Language Bible 2009

¹⁴ Yesu gaw Petru a nta de shang yang, Petru a kani yup ra hta hkali bu taw nga ai hpe mu hkrup wu ai.

MAHTE 8:14 ပူးပေါင်းရင်းမြစ်များ

MAHTE 17:25

Shi gaw, “Bang ga ai,” ngu wu ai. Ya Petru nta hta shang wa yang, Yesu shi hpe hkap tsun nna, “Simun e, nang kaning rai myit da wu ta? ga ntsa hkawhkam ni, kang hte hkansi kadai kaw na hta ma ta? tinang kashu kasha ni kaw na hta ma ni? shing n rai, yu maya ni kaw na hta ma ni?” ngu wu ai.

MAHTE 8:15

Shi a lata hpe ahtawk ya wu yang, dai hkali kawp mat nna, shi rawt nhtawm, shi hpe galaw daw wu ai.

MAHTE 8:20

Yesu gaw, “Chyahkyawn ni nhkun lu ma ai, ntsa malen pyen ai u ni mung u yup lu ma ai; dai Masha Kasha chyawm gaw baw tawn na shara pyi n lu nga ai,” shi hpe ngu wu ai.

1 KORINHTU 9:5

Kasa kaga ni hte, Madu a kanau ni hte Kehpa zawn, kamsham ai madu jan woi hkawm na ahkang, anhte n lu ga ni?

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

1 TIMOHTI 4:3

Wenyi e dan dan leng leng tsun dan nga ai: shanhte gaw hkungran ai lam hpe mung, kamsham nga nna tengman ai ga hpe chye nga ai ni, shakawn kungdawn ga hte hkam la mai ai, Karai Kasang hpan tawn da ai ashan hpe mung, jep kau na mara ai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.