MAHTE 7:21 - Jinghpaw Hanson Version Bible

²¹ Ngai hpe, ‘Madu e, Madu e,’ nga ai hte yawng mayawng gaw, sumsing lamu na mungdan hta shang lu na ma ai n rai: sumsing lamu hta nga ai, nye Wa a myit hkan ai wa sha, shang lu na ra ai.

Jinghpaw Common Language Bible 2009

²¹ “Ngai hpe, ‘Madu e, Madu e,’ nga ai ni yawng mayawng wa, sumsing lamu a Mungdan hta shang lu na ma ai n rai: Sumsing lamu hta nga ai, nye Wa a myit ra ai lam hte maren hkan galaw ai ni chyu sha shang lu na mara ai.

MAHTE 7:21 ပူးပေါင်းရင်းမြစ်များ

MAHTE 12:50

“Ngai nu hte ngai nau ni hpe yu mu: sumsing lamu hta nga ai nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 16:17

Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

MAHTE 18:10

Dai ma kaji langai mi hpe pyi nanhte n gawn n sawn n di kau myit ga, sadi nga mu: nanhte hpe ngai tsun made ga, Sumsing lamu kata e, shanhte a lamu kasa ni gaw, sumsing lamu na nye Wa a myi man hpe, galoi mung a mada nga ma ai.

MAHTE 18:19

Bai, nanhte hpe ngai tsun made ga, Nanhte hta na marai lahkawng, dinghta ga hta e myit hkrum da ai hte hpa lam hpe mung hpyi mu yang gaw, sumsing lamu e nga ai nye Wa gaw, shan a matu dai hpe shatup ya na mu ai.

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MAHTE 18:35

Shing rai nanhte hta na kadai wa rai timung, tinang a hpunau wa mara hpe myit masin yawng hte n raw kau ya myit yang gaw, sumsing lamu na nye Wa mung, nanhte hpe tai na marin dai,” ngu wu ai.

MAHTE 19:24

Bai, ngai nanhte hpe tsun made ga, Sutgan lu ai wa gaw Karai Kasang a mungdan hta shang loi ai hta, gawla-uk gaw samyit na hku gale na grau loi nga ai,” ngu nna tsun wu ai.

MAHTE 25:10

Shanhte mari la na sa wa ai laman e, la nnan sa du wa ai hte, chyip chyip rai nga ai ni gaw, hkungran ai poi de shi hte rau shang lu ma ai rai nna, dai chyinghka la nga la ai.

MAHTE 25:21

Dai rai nna shi a madu, ‘Ara, kaja ai hte sadi dung ai mayam e: arai loi sha hta nang kangka rai nit dai; arai law law a ntsa e ngai nang hpe san tawn da na de ai: na madu a kabu gara ai hta shang lawm u,’ ngu nna shi hpe tsun wu ai.

MAHTE 26:39

Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

MARKU 3:35

Karai Kasang a myit hkan nga ai ni, kadai rai timung, ngai nau, ngai jan, ngai nu, rai nga ma ai,” ngu mu ai.

MARKU 9:47

Na a myi nang hpe kataw shangun a yang gaw, dai hpe malawk kau u: myi lahkawng maga hkum ai hte, shanhte a matu byet n si nna, wan mung n si n krip hkraw ai,

LUKA 11:28

Yesu gaw, “Rai sa, Karai Kasang a mungga madat la nna, hkan nang ai ni gaw a lu ma ai,” nga ai.

LUKA 13:25

Nta madu wa chyinghka rawt la kau sayang, nanhte shinggan e tsap nga nna chyinghka akawk let, ‘Madu e, anhte e hpaw la mi,’ nga nna hpyi myit yang, dai wa gaw, ‘Nanhte kanang na rai myit dai gaw, ngai n chye made ai,’ nga nna htan myit jang,

LUKA 18:25

Lu su ai wa Karai Kasang a mungdan de shang loi ai hta, gawla-uk gaw samyit na hku gale na grau loi nga ai,” ngu wu ai.

LUKA 6:46

Ngai tsun ai hte maren n hkan galaw myit dai mi, hpa rai nanhte ngai hpe, ‘Madu e, Madu e,’ nga myit ta?

YAWHAN 14:7

Nanhte ngai hpe chye manit dai rai yang gaw, nye Wa hpe mung chye na manit dai: ya kaw nna nanhte shi hpe chye manit dai, mu mung mu manit dai,” ngu nna shi hpe tsun wu ai.

YAWHAN 15:23

Ngai hpe n dawng ai wa gaw, nye Wa hpe mung n dawng ai, rai nga ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

YAWHAN 5:17

Shaloi Yesu gaw, “Nye Wa gaw ya du hkra pyi amu a galaw nga ai rai nna, ngai mung galaw nngai,” ngu nna shanhte hpe htan mu ai.

YAWHAN 6:40

Hpa rai nga yang, Kasha wa hpe mu nna, kamsham ai wa kadai mung htani htana asak lu la na gaw, nye Wa a myit ra ai hku rai nga ai: ngai mung hpang jahtum na nhtoi hta, dai wa hpe sharawt na we ai,” ngu nna shanhte hpe tsun mu ai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 2:13

dai jep ai tara hpe na yu ai majaw sha Karai Kasang a man e dinghpring lu ai n rai; dai tara hkan galaw ai ni hpe mahtang gaw, dinghpring ai ngu na maru ai.

EHPESU 6:6

Myi man pa mayu ai hte masha a myit shapyaw na zawn n rai; Hkristu a mayam ni zawn, myit masin ting hte Karai Kasang a ra ai hku galaw nga mu:

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

1 HTESALONI 4:3

Kaning rai nme law, nanhte gaw hpye ai amu hpe koi gam nna, Karai Kasang hpe n chye n chyang ai maigan masha ni a ngang kayut ai hte n hkawm ai sha,

1 HTESALONI 5:18

kaning rai nme law, dai gaw Hkristu Yesu hta e nanhte a lam Karai Kasang a myit ra ai hku rai nga ai.

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

HEBRE 4:6

Dai rai nna, dai kabu gara shiga hpe shawng e na yu ai ni gaw, n madat mara ai a majaw dai ban sa ai de n shang lu ma ai rai timung, dai de shang lu ai ni nkau mi rai nga ma ai majaw,

YAKU 1:22

Nanhte gaw tinang hkum hpe n hkalem kau myit ga, dai mungga hpe a na yu ai ni sha n rai, dai hpe hkan galaw ai ni nan, a tai nga mu.

1 PETRU 2:15

kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

SHINGRAN 2:27

shi gaw shanhte hpe hpri sumdoi hte up nna, dibu sama a dibu ni hpe zawn agrawp kau ai, shanhte hkrum na mara ai: ning re ai ahkang nye Wa kaw na ngai lu la ai rai nna,

SHINGRAN 22:14

Asak jahkrung ai hpun hpang de du lu na hte, mare kata de chyinghka hku shang lu na ahkang lu la hkra, tinang a hpun palawng hkrut kau ai ni gaw, a lu ma ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.