MAHTE 7:2 - Jinghpaw Hanson Version Bible

² Kaning rai nme law, nanhte jeyang ai hku hkan nna, nanhte jeyang ai hkrum na marin dai; nanhte hteng ya ai dang hte, nanhte hpe hteng ya na marin dai.

Jinghpaw Common Language Bible 2009

² hpa majaw nga yang, nanhte masha kaga ni hpe jeyang ai hte maren Karai Kasang gaw nanhte hpe jeyang na marin dai; nanhte masha kaga hpe jeyang ai shaloi lang ai tara hte maren nanhte hpe jeyang na ra ai.

MAHTE 7:2 ပူးပေါင်းရင်းမြစ်များ

2 SAMUELA 21:5

Dai rai nna shanhte gaw hkawhkam wa hpe, Anhte hpe zingri nna, Israela mungdan kata e n nga lu hkra, anhte hpe shamyit kau na maw ai wa a kashu kasha sanit hpe anhte a lata de ap ya mi:

SHAKAWN KUNGDAWN 109:17

Rai sa, shi gaw dagam na lam tsawra nna, dai gaw shi hpang de, bai nhtang nga ai; shaman ai lam n tsaw ai majaw, dai gaw shi hte tsan gang nga ai.

PRU MAT 21:24

myi a matu myi, wa a matu wa, lata a matu lata, lagaw a matu lagaw,

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

YEREMIA 34:17

Dai re ai majaw Yehowa ning nga ai: Nanhte gaw langai hte langai, tinang hpunau shada, htingbu shada, dat dat na lam shapraw dan hkra, nye a ga n madat ai majaw, yu mu, Yehowa ning nga ai: Ngai gaw nanhte a matu ri nhtu, ana zinli hte kawsi hpang gara ai tsin-yam dat dat na lam htet da nna, nanhte hpe ga ntsa mungdan ni mahkra hta kahkrang hkawm shangun na nngai.

YEREMIA 51:24

Shing rai ngai gaw Babelon mare hte Hkalde masha ni mahkra, Ziun mare hta nanhte a man e galaw ai n hkru ai lam yawng hte maren, shanhte hpe matai htang na nngai, nga nna Yehowa tsun ai.

OBEDIA 1:15

Kaning rai nme law, Yehowa a nhtoi gaw, maigan amyu ni mahkra a ntsa e, ni magang ra ai; nang galaw ai hte maren, nang hpe di na ra ai: na a arawn alai, na baw ntsa nhtang wa na ra ai.

MAHTE 6:14

Kaning rai nme law, masha ni a shut hpyit ai hpe nanhte raw kau ya myit yang gaw, nanhte a lamu na Kawa gaw, nanhte a shut hpyit ai hpe mung, raw kau ya na myit dai;

MARKU 4:24

Bai shi shanhte hpe tsun mu ai gaw, “Nanhte hpa na la myit dai gaw, sadi nga mu: nanhte hteng ya ai dang hte nanhte hpe bai hteng ya na marin dai: rai sa, nanhte myat wa na marin dai.

LUKA 6:38

Jaw mu, shing rai jang, nanhte hpe jaw na marin dai: hpring kabrat hkra anin garin, man ai dang hte nanhte a lahpyen e shanhte jaw na mara ai: kaning rai nme law, nanhte hteng ya ai dang hte, nanhte hpe bai hteng ya na marin dai.

2 KORINHTU 9:6

Rai timung, ngai tsun nngai gaw, loi sha mi gat ai wa gaw loi sha mi dan la na ra ai; myit sharawng awng let gat ai wa gaw, myit sharawng awng let dan la na ra ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

SHINGRAN 18:6

Shi di ai hte maren shi hpe di htang mu; shi galaw ai lam hte maren htam lahkawng bai htang mu: shi hpaw ai gawm hta shi hpe htam lahkawng bai hpaw jaw mu.

TARA AGYI 1:7

Shaloi Adoni-bezek gaw “Lata yung nu hte lagaw yung nu krum kau mana ai hkawhkam sanit shi hte nye a sha ku npu e shat hkyep shat hkap hta sha ma ai; ngai di ai hte maren Karai Kasang ngai hta bai tai ni ai,” nga ai. Dai wa hpe shanhte Yerusalem mare de sa kau mu ai rai nna, dai yang shi si mat ai.

TARA AGYI 5:27

Yaela lagaw nhpang e shi dagup daw nna gadawng daw nga ai; Shi a lagaw nhpang e, dagup daw nna gadawng mat sai: Shi gadawng daw ai shara e si taw mat sai.

1 SAMUELA 15:33

Samuela chyawm gaw, “Na nhtu hte ma kanu ni kasha sum ai zawn, na nnu mung kasha sum ai kanu tai lu na rai sai,” nga nna tsun let, Gilgala shara Yehowa man e, Agag hpe kahtum gadaw azat kau wu ai.