MAHTE 7:19 - Jinghpaw Hanson Version Bible

¹⁹ Ja ai asi n si ai hpun yawng mayawng hte gaw, kran daw kau nna wan hta kabai bang kau ai hkrum ma ai.

Jinghpaw Common Language Bible 2009

¹⁹ Ja ai asi n si ai hpun shagu hpe gaw kran daw kau nna, wan hta kabai bang kau ai hkrum ma ai.

MAHTE 7:19 ပူးပေါင်းရင်းမြစ်များ

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

Daniela 4:14

‘Hpun hpe kran kau u; lakung lakying ni hpe krum kau mu; asi alap ni hpe sharun ayai kau mu: ashu ashan ni gaw dai hpun npu na pru wa nna, u ni gaw lakung lakying ni hta na pyen mat wa mu ga.

MAHTE 3:10

Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MAHTE 7:18

kaja ai hpun gaw n ja ai asi si lu ai n rai, hpundaw wa ai hpun mung, ja ai asi si lu ai n rai.

LUKA 3:9

Ya e pyi dai nwa gaw hpun pawt nhpang hkan e tawn da nga ai; dai rai nna asi kaja n si ai hpun nga manga hpe kran daw kau nna wan hta kabai bang kau nga ai,” ngu mu ai.

TITU 3:14

Anhte a masha ni mung asi kata ai ni n rai mu ga, lang ra ai lam hta lang lu hkra, mai kaja ai amu shachyen chye na sharin la mu ga.

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.

YUDA 1:12

Shanhte gaw, nanhte hte rau poi galaw sha ai shaloi jang, nanhte a tsawra poi ni hta makoi nga ai lungbra ni, rai nga ma ai: hpa n hkrit kaya let, tinang hkum sha jau la ai sagu rem ai ni mung, rai nga ma ai: nbung e shapoi nna marang n rawng ai sumwi; lahkawng lang si mat nna, ru hte nawng baw kau ai, asi n si ai ginhtawng jaga na hpun;