MAHTE 7:15 - Jinghpaw Hanson Version Bible

¹⁵ Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

Jinghpaw Common Language Bible 2009

¹⁵ “Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

MAHTE 7:15 ပူးပေါင်းရင်းမြစ်များ

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

YEREMIA 29:21

Nye a amying gang let, nanhte hpe masu ga htoi ya ai, Kolaia kasha Ahab hte Masea kasha Zedekia hpe lakap nna, Israela Karai Kasang Zaw nawng zaw wa up ai Yehowa ning nga ai: Yu u, Babelon hkawhkam a lata hta ngai shan hpe ap kau nna, shi gaw shan hpe nanhte a man e sat kau na ra ai;

EZEKELA 13:16

Bunghku mung, dai hpe chya ai ni nga ai, Ngwipyaw n nga timung, Yerusalem a matu ngwipyaw ai shingran mu nna, htoi ya ai Israela myihtoi ni, ya kaw nna n nga na masai,’ ngu nna ngai shanhte hpe tsun na nngai,” nga nna madu Yehowa tsun ai.

EZEKELA 13:22

Kaning rai nme law, ngai n shayawn yu ai dinghpring ai wa a myit masin hpe, nanhte masu ga hte shayawn kau nna, tara n lang ai wa gaw hkye la ai n hkrum lu hkra, tinang a n hkru ai lam n kau da na matu, shi a lata hpe n-gun shaja ya mu ai:

EZEKELA 22:25

De a ka-ang e shi a myihtoi ni gaw, shabam nna, ashan hpe gyam ai hkanghkyi zawn, gumlau amu shapraw ma ai: shanhte gaw masha ni hpe sha kau ma ai; sutgan hte hpu la ai baw kashun la ma ai; mung ka-ang e gaida jan ni hpe shalaw dat ma ai.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

Daniela 11:34

Ya shanhte kadawng wa jang, karum ai lam kaji mi, shanhte a matu, pru na ra ai: rai timung, masha law law wa hkalem hkalau ai hku hkan nang nna, shanhte hte matut manoi na mara ai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

ZEHKARIA 13:4

Dai shani e myihtoi htoi ai wa kadai mung, tinang mu ai shingran majaw, kaya dum na ra ai: shanhte gaw hkalem hkalau sha na matu, mazut ai nba lawai na n rai:

MAHTE 10:17

Rai timung, masha ni hpe sadi nga mu: kaning rai nme law, shanhte gaw salang hpawng ni a lata hta nanhte hpe ap kau na mara ai rai nna, shanhte a tara jawng ni hta e nanhte hpe anu kayat na marin dai.

MAHTE 16:11

Muk a lam ngai nanhte hpe n tsun nngai gaw, nanhte hpa rai n dum nga myit ta? Hparishe ni hte Saduke ni a matsi hpe koi kau mu, ngu nna she ngai tsun made ai,” ngu wu ai.

MAHTE 16:6

Shaloi Yesu gaw, “Hparishe ni hte Saduke ni a matsi hpe matsing da nna koi kau mu,” ngu nna shanhte hpe tsun wu ai.

MAHTE 24:11

Masu ai myihtoi law law mung paw pru nna, law law hpe lam shadam na mu ai.

MAHTE 7:14

Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 6:26

Masha yawng mayawng nanhte hpe kaja ai ngu myit yang, nanhte dingnye lu myit dai: kaning rai nme law, shanhte a kaji kawa ni mung dai zawn myihtoi masu ni hpe ngu yu manu ai.

YAWHAN 10:12

Sagu ni hpe madu ai wa n re ai, nchyang she rai yang chyawm gaw, chyahkyawn sa wa ai mu jang, sagu ni hpe kau da nna hprawng mat wa ga ai; chyahkyawn mung sagu ni hpe amya sha nna shabra kau nga ai:

KASA 13:40

Dai re ai majaw, ‘Yu mu, jahpoi ai ni e, mau nna htum mat mu: Nanhte a nhtoi hta lam langai mi ngai shabyin na nngai;

KASA 13:6

Ya shanhte gaw dai zunlawng ga sa wa nna Pahpu mare du ma yang, Bara-Yesu mying ai Yuda masha rai nga ai lakle sara hte masu ai myihtoi langai mi hpe, mu hkrup mu ai;

GALATI 2:4

Lagyim jashawn ai masu ai hpunau ni a majaw, dai lam ngai galaw nngai n rai; Hkristu Yesu hta e anhte lu la ai lawt wa ai lam hpe kin-yu yu nna, anhte hpe mayam shayam na shanhte shang wa ma ai;

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

EHPESU 5:6

Kadai rai timung, kaman lila ga hte nanhte hpe myit hkum shadam myit ga; kaning rai nme law, dai lam nhkan e Karai Kasang a pawt sindawng ai gaw, n madat mara ai ni a ntsa e du ra ai.

HPILIPI 3:2

Gwi ni hpe makran nga mu; n hkru n kra ai bungli galaw ai ni hpe makran nga mu; matu gadoi hpyak ai ni hpe makran nga mu.

KOLOSE 2:8

Hkristu a hkang ai tara hte n bung ai, mungkan ga a hkang ai tara hte masha a matsun maroi ga hkan ai zai byeng-ya hte lila rai nga ai hkalem hkalau ga hte, kadai mung nanhte hpe n hkalau lu u ga, sadi nga mu:

2 TIMOHTI 3:13

N hkru n hkra ai hte sawt ai masha ni chyawm gaw, hkalem sha nna, hkalem sha ai nhtang hkrum let, n hkru ai lam hta je je kaba wa na mara ai.

2 TIMOHTI 4:3

Kaning rai nme law, htawm hpang na prat e masha ni gaw, masan maseng ai sharin shaga ai lam hpe n madat hkam la lu ai hte, shanhte a ana kaya kaprep nna, tinang a myit kayut ai hku hte maren, tinang a matu mara sara shalaw la nhtawm,

2 PETRU 3:17

Nanhte chyawm gaw, tsawra ai ni e, ndai hte hpe shawng e chye manit dai majaw, tara n lang ai ni a lam dam mat ai hta e nanhte mung n lawm ai hte, nanhte a ngang hkang ai myit, jahten shabya kau ai n hkrum myit ga, a maja nga mu:

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 16:13

Shaloi, baren numraw a n-gup hta na mung, matse labye a n-gup hta na mung, masu ai myihtoi a n-gup hta na mung, shu zawn n san n seng ai wenyi masum pru wa ai hpe, ngai mu nngai:

SHINGRAN 17:6

Bai, dai numsha gaw chyoi pra ai ni a asai hte mung, Yesu a sakse ni a asai hte mung, nang nga ai hpe, ngai mu nngai. Shi hpe mu yang mau kaba hte ngai mau mahka mat nngai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.