MAHTE 7:14 - Jinghpaw Hanson Version Bible

¹⁴ Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

Jinghpaw Common Language Bible 2009

¹⁴ Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

MAHTE 7:14 ပူးပေါင်းရင်းမြစ်များ

SHAKAWN KUNGDAWN 16:11

Nang ngai hpe asak hkrung ai lam madun ya na ndai; Na a man e kabu gara htum nga ai: Na a hkra lata hta pyaw ai lam tut tut anga nga ai law.

GA SHAGAWP 8:20

Ngai hpe tsawra ai ni sali wunli lu la nna, Shanhte a sutdek ni hpe sutgan hte jahpring ya lu hkra,

ESAIA 30:21

Dai hta kaga, nanhte gaw hkra de pai de yit wa yang, ‘Ndai gaw lam rai nga ai, ndai hku hkan mu,’ nga nna na a shingdu de tsun ai ga, na a na hte na lu na rin dai:

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

MAHTE 20:16

Dai hte maren, hpang hkrat ai ni, shawng na mara ai; shawng nga ai ni mahtang, hpang hkrat na mara ai, ngu wu ai.

MAHTE 22:14

“Kaning rai nme law, shaga la hkrum ai ni law nga ma timung, lata la hkrum ai ni mahtang n law ma ai,” ngu wu ai.

MAHTE 7:13

Dai gyip ai chyinghka hku shang wa mu: kaning rai nme law, hten bya ai de hkrang ai lam gaw, dam lada rai maden nga ai rai nna, dai hta shang mat wa ai ni law la ma ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

MARKU 8:34

Bai shawa masha ni hte shi a sape ni hpe shi shaga la nna shanhte hpe tsun mu ai gaw, “Ngai hpang de hkan sa mayu ai wa kadai rai timung, tinang hkum hpe ndang kau nna, shi a wudang hpai let, ngai kaw hkan nang ru ga.

LUKA 12:32

Sagu hpung kaji e, hkum hkrit et; dai mungdan nanhte hpe jaw na, nanhte a Kawa myit sharawng nga ai.

YAWHAN 16:2

Shanhte gaw tara jawng ni hta nna, nanhte hpe shapraw kau na mara ai: gaja wa nan, nanhte hpe sat kau lu ai wa kadai mung, Karai Kasang a magam hpe gun hpai nngai, nga nna myit la ai aten du wa ra ai.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 9:32

Hpa majaw law nga yang, kamsham ai hte n re ai sha, magam bungli hte sha hkan shachyut ma ai majaw n dep lu ma ai.