MAHTE 7:11 - Jinghpaw Hanson Version Bible

¹¹ Dai rai nna, nanhte pyi n hkru nga myit dai mi, tinang a kasha ni hpe kaja ai kumhpa chye jaw myit yang gaw, dai hta grau n-ga, sumsing lamu na nanhte a Kawa gaw, shi hpe hpyi ai ni hpe kaja ai kumhpa jaw na n rai hka!

Jinghpaw Common Language Bible 2009

¹¹ Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

MAHTE 7:11 ပူးပေါင်းရင်းမြစ်များ

NINGPAWT NINGHPANG 6:5

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

2 SAMUELA 7:19

Dai hta n-ga Madu Yehowa e, dai chyeju hpe naw n ram ai zawn, nawn wu ai majaw, na mayam a amyu matu ni a mara, ju majat prat janat, shinggyim masha a tsun ai hku hta, nang Yehowa Madu e, tsun ya ni hka!

YOBA 15:16

Dai rai yang, matsat shabat hta galu nga nna, yubak hpe ntsin zawn lu ai wa hpe, grau nna n kam ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

SHAKAWN KUNGDAWN 85:12

Yehowa gaw mai kaja ai lam jaw ya nna, Anhte a lamu ga, de a nsi naisi jaw na mi ai.

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

ESAIA 49:15

Numsha gaw tinang shangai ai kasha hpe matsan n dum ai hte, chyu chyu ai ma hpe malap kau lu na rai ni? gaja wa malap kau timung, ngai nang hpe malap kau lu na n rai.

ESAIA 63:7

Yehowa gaw anhte hpe chyeju galaw dan ai hte, shi a n-gaw nwai ai myit hte galu kaba ai matsan dum ai myit majaw, Israela nta dap ni hpe chyeju madun dan ai hte maren, ngai gaw Yehowa a n-gaw nwai myit hte shi hpe shakawn kungdawn mai ai lam ni hpe shana ya na nngai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

YEREMIA 33:14

Yu mu, Israela dap hte Yuda dap hpe lakap nna, ngai tsun ai ga kaja mahkra hpe, ngai shadik na aten du na ra ai, nga nna Yehowa tsun ai.

HOSEA 14:2

Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

MALAHKI 1:6

Kasha gaw kawa hpe, mayam gaw madu hpe, hkungga ga ai: ngai kawa rai yang, ngai hpe hkungga ai, kanang? Ngai madu rai yang, ngai hpe hkrit ai, kanang? Nga nna Zaw nawng zaw wa up ai Yehowa gaw, nye a amying hpe nhpu nru di ai hkinjawng ni hpe, san nga ai. Nanhte mahtang, Na a amying hpe anhte kaning rai nhpu nru di ga ta? nga nna bai htan myit dai.

MAHTE 23:9

Nanhte gaw, ga ntsa e kadai hpe mung, ‘Wa e,’ hkum nga myit: nanhte a Nwa gaw sumsing lamu na Wa hkrai rai nga ai.

MAHTE 7:10

nga hpyi yang, lapu jaw na wu ni?

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai:

ROMA 3:9

Shaloi kaning kun? Anhte je jan nga ga ni? N rai law; kaning rai nme law, Yuda ni rai timung, Heleni ni rai timung, yawng yubak kap ai ni rai nga ma ai hpe, anhte shawng de kadeng dan saga ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

GALATI 3:22

Ya chyawm gaw, Yesu Hkristu hta e rai nga ai makam masham hte seng ai ga ndat gaw, kamsham ai ni hpe jaw ya lu mu ga, Chyum laika gaw yawng mayawng hte hpe yubak a npu e rawng da nu ai.

YAKU 1:17

Kaja ai kumhpaw nlang hte hte, hkum hkum re ai kumhpa yawng hte gaw, ntsa de nna rai nga ai hte, nhtoi hkum ni a Kawa kaw na yu hkrat wa ai rai nna, shi hta e gale galau re ai hte kayin kaye re ai shingnip rawng nga lu ai n rai.

1 YAWHAN 3:1

Yu mu, Karai Kasang a kashu kasha ni anhte hpe ngu shamying mi ai majaw, dai Kawa gaw anhte hpe kade wa tsawra da mi hka: shi a kashu kasha ni mung anhte rai nga ga ai. Dai rai nna, mungkan ga gaw shi hpe n chye wu ai majaw, anhte hpe mung n chye mi ai.

1 YAWHAN 4:10

Anhte gaw, Karai Kasang hpe tsawra nga ga ai n rai, shi hkum nan anhte hpe tsawra nga ai hte, anhte a yubak a matu mara gawng malai hkungga tai u ga, shi a Kasha hpe shangun dat ai lam gaw, tsawra ai lam madung rai nga ai.