MAHTE 6:7 - Jinghpaw Hanson Version Bible

⁷ Nanhte akyu hpyi nga myit yang, tara maigan na ni zawn, ga bai kahtap htap hkum rai nga myit: kaning rai nme law, ga galu galang tsun nga ma ai majaw, shanhte hpe madat mara la ya na ra ai, nga nna shanhte myit nawn ma ai.

Jinghpaw Common Language Bible 2009

⁷ Nanhte akyu hpyi ai shaloi maigan masha ni zawn lachyum n pru ai ga ni tsun kahtap htap hkum rai myit, dai maigan masha ni gaw shanhte galu galang akyu hpyi ai majaw, shanhte a hpara ni madat ya na zawn nawn nga ma ai.

MAHTE 6:7 ပူးပေါင်းရင်းမြစ်များ

HPAJI NINGLI 5:7

Yup mang law law mu ai mung, ga law law tsun ai mung, kaman lila rai nga ai: nang chyawm gaw Karai Kasang hpe hkrit hkungga nga u.

MAHTE 18:17

Shanhte a ga n madat hkraw a yang gaw, dai Hpung hpe sa shana ya mu: dai Hpung hpe mung n madat hkraw a yang gaw, tara maigan wa hte kang hta ai wa zawn, na a man e shi rai u ga.

MAHTE 26:39

Shaloi dai yang na shi loi mi lai sa nhtawm, ga de myi man gum dagup let akyu hpyi nna, “Wa e, ndai gawm hpe ngai kaw na shalai kau lu yang gaw, shalai kau ya e; rai timung, nye a myit n rai, na a myit she rai u ga,” ngu nna tsun wu ai.

MAHTE 26:42

Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

MAHTE 26:44

Bai shi shanhte hpe kau da nhtawm, shawng na ga hte maren masum lang ningdaw hpyi wu ai.

MAHTE 6:32

kaning rai nme law, tara maigan ni dai nlang hte hpe tam nga ma ai: dai yawng mayawng hte hpe nanhte ra nga myit dai gaw, sumsing lamu na nanhte a Kawa gaw chye nga ai.

KASA 19:34

Rai timung shi Yuda masha re ai chye jang, yawng hte ting, “Ehpesu masha ni a Artemi she galu kaba ai law,” nga nna lang lata hkying lahkawng daram na hkra marawn bu ma ai.