MAHTE 6:6 - Jinghpaw Hanson Version Bible

⁶ Nang mahtang akyu hpyi nga n yang gaw, na a kata gawk de shang nna, chyinghka hpe la da nhtawm, n dan n leng ai shara e, na a Nwa hpe hpyi u: n dan n leng ai shara hpe mu lu ai, na a Nwa gaw, nang hpe bai htang na rin dai.

Jinghpaw Common Language Bible 2009

⁶ Rai ti mung nanhte mahtang akyu hpyi ai shaloi, nta kata gawk de shang nna, chyinghka hpe la da nhtawm, myi hte n mu lu ai nanhte a Kawa kaw hpyi mu; n dan n leng ai hku galaw ai amu hpe mu lu ai nanhte a Kawa gaw, nanhte hpe bai htang jaw na marin dai.

MAHTE 6:6 ပူးပေါင်းရင်းမြစ်များ

2 HKAWHKAM 4:33

Dai re ai majaw shi shang nna, chyinghka hpe la da nhtawm, Yehowa hpe akyu hpyi wu ai.

SHAKAWN KUNGDAWN 34:15

Yehowa a myi gaw dinghpring ai ni hpe yu nga nna, Shanhte a jahtau ai ga hpe shi a na madat nga ai.

GA SHAGAWP 25:22

Shing rai yang, nang shi a baw ntsa e grung nga ai wan n-ga sumpum da nna, Yehowa nang hpe shabrai jaw na ra ai.

ESAIA 26:20

Nye a amyu masha ni e, sa marit; kata gawk de shang nna, chyinghka la da u: pawt sindawng ai lai mat ai du hkra, na hkum hpe chyahkring mi makoi da u.

ESAIA 65:24

Shanhte garai n shaga yang, ngai htan na nngai; ga naw tsun nga yang pyi, ngai madat na nngai.

MAHTE 14:23

Shawa masha ni hpe shabawn dat kau nhtawm, akyu hpyi na matu, bum ntsa de shi hkrai lung wa ai: nrim rim rai jang, shi chyu sha dai yang e hti nga ai.

MAHTE 6:18

Shing rai, masha a man e n rai, n dan n leng ai shara hta nga ai na a Nwa a man e sha, na a lusha gam ai dan nga na ra ai rai nna, n dan n leng ai shara hpe mu ai, na a Nwa gaw, nang hpe bai htang na rin dai.

MAHTE 6:4

shing rai, na a alu jaw ai amu n dan n leng ai hta rai nga lu na rai nna, n dan n leng ai shara hpe mu lu ai, na a Nwa gaw, nang hpe bai htang na rin dai.

YAWHAN 1:48

Nahtanela gaw, “Nang ngai hpe kanang nna chye n ta?” ngu nna shi hpe san wu ai. Yesu gaw, “Hpilip e nang hpe garai n shaga kaw nna, dai maihpang hpun npu e nang naw nga yang, ngai nang hpe mu de ai,” ngu nna shi hpe htan wu ai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

KASA 10:30

Shaloi Korneli gaw, “Dai ni mali ya rai sai, akyu hpyi ai ahkying jahku hta, nye a nta e ngai akyu hpyi nga yang, yu u, tu kabrim ai hpun palawng bu hpun ai wa langai mi nye a man e tsap pru nna,

KASA 10:9

Shanhte mung hpang shani e sa wa nna, Yopa makau du magang jang, Petru gaw ahkying kru daram e akyu hpyi na nga, nta ntsa de lung wa ai.

KASA 9:40

Petru chyawm gaw nlang hte hpe shapraw kau ai; shing rai dai mang de kayin let, “Tabihta e, rawt u,” ngu wu ai. Shaloi dai jan myi hpaw nna, Petru hpe mu jang, rawt dung nga ai.

ROMA 8:5

Kaning rai nme law, shinggyim hkum shan myit hkan ai ni gaw, hkum shan hte seng ai arai ni hpe myit nga ma ai; Wenyi hkan ai ni mahtang gaw, Wenyi a lam myit nga ma ai.

EHPESU 3:14

Ndai lam a majaw, sumsing lamu hta mung, ginding aga ntsa e mung, kawa ngu shamying ai,