MAHTE 6:5 - Jinghpaw Hanson Version Bible

⁵ Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

Jinghpaw Common Language Bible 2009

⁵ Nanhte akyu hpyi myit yang, sawt ai masha ni zawn hkum rai myit! Shanhte gaw masha shagu shanhte hpe mu lu mu ga, tara jawng ni hta, mare lam mashe ni hta tsap nga nna akyu hpyi nga na tsaw nga ma ai. Nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:5 ပူးပေါင်းရင်းမြစ်များ

SHAKAWN KUNGDAWN 5:2

Nye a Hkawhkam hte Karai Kasang e, ngai jahtau ai nsen matsing da u; Kaning rai nme law, nang kaw ngai akyu hpyi nga nngai.

SHAKAWN KUNGDAWN 55:17

Shana e, jahpawt e, jan pungding ga ai aten e, Ngai myit aru yu let madai nga nna, Shi nye a nsen hpe madat ya na ra ai.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 16:5

Myit kaba ai ni yawng mayawng hpe, Yehowa matsat nga ai; Shanhte shada matut timung, mara lawt lu na, n rai.

ESAIA 1:15

Nanhte lata ladawn yang, ngai myi man makoi mat na nngai; gaja wa, nanhte akroi anoi akyu hpyi timung, ngai n madat na nngai: nanhte a lata sai hte hpring nga ai.

YEREMIA 29:12

Nanhte ngai hpe sa shaga nna, ngai hpang de akyu sa hpyi nga yang, ngai nanhte a ga madat na nngai.

Daniela 6:10

Dai laika hta amying dazik shakap nga ai hpe, Daniela chye jang, shi gaw shi a nta de shang wa sai; ya, shi a gawk hkuwawt chyinghka ni gaw, Yerusalem mare de ang nna hpaw nga ai: shing rai shi gaw shawoi galaw ai hte maren, lani mi hta masum lang lang, lahput hput di let akyu hpyi nna, shi a Karai Kasang hpe shakawn kungdawn nga ai.

MAHTE 21:22

Dai hta kaga, kamsham ai myit hte nanhte hpyi mahpyi mahkra hpe, nanhte lu la lu na maru ai,” ngu nna shanhte hpe htan wu ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

MAHTE 23:6

poi hkan na grau reng ai dung shara ni hte, tara jawng ni hta grau reng ai tingnyang ni, gat hkan e hkungga lara shachyen ai hte,

MAHTE 6:1

Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:2

Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

MAHTE 9:38

dai majaw, dai mam Madu gaw shi a nmut hta amu galaw na masha shang shangun dat ya mu ga, hpyi nga mu,” ngu wu ai.

MARKU 11:25

Akyu hpyi let tsap nga ai shaloi, masha langai ngai nang hpe lama ma shut a yang gaw, sumsing lamu na nanhte a Nwa gaw, nanhte a mara hpe raw kau ya lu u ga, shi a mara hpe mung, raw kau ya mu.”

MARKU 12:38

Bai sharin shaga nga let, shi tsun mu ai gaw, “Laika ka ai sara ni hpe sadi nga mu: shanhte palawng galu bu hpun let hkawm sa mayu nna gat hkan shachyen ai mung,

LUKA 11:43

Hparishe ni e, nanhte dingnye lu myit dai! tara jawng ni hta grau reng ai dung shara ni hpe mung, gat hkan e hkungga shachyen ai ga hpe mung, nanhte sharawng la myit dai.

LUKA 18:1

Tutnawng e akyu a hpyi nga mu ga hte myit n hten malu ga, shi shanhte hpe ga shadawn tsun mu ai gaw,

LUKA 18:13

Kang hta ai wa chyawm gaw, tsawmra naw tsan kaw tsap nna, lamu de pyi n wam mada ai; shi a sinda adup let, ‘Karai Kasang e, ndai yubak kap ai wa ngai hpe matsan dum la e law,’ ngu nna hpyi wu ai.

LUKA 20:47

gaida gaina ni a nta ni hpe hpya lu hpya sha nna, hpyi hpun ai hte galu galang akyu hpyi ma ai: dai ni gaw dawdan kau ai grau nna hkrum na mara ai,” ngu wu ai.

LUKA 6:24

“Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

YAWHAN 16:24

Ya du hkra nye a amying hta gang nna, nanhte hpa mung n hpyi yu myit dai: nanhte a kabu gara ai hpring tup wa hkra, lu la na matu, hpyi nga mu.

EHPESU 6:18

Ahkying ladaw shagu hte hta e, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu.

1 HTESALONI 5:17

n sim n sa akyu hpyi nga mu; lam shagu hta shakawn kungdawn nga mu:

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.