MAHTE 6:34 - Jinghpaw Hanson Version Bible

³⁴ Dai rai nna, hpawt ni na matu myit hkum tsang myit; hpawt ni gaw shi a matu ru tsang na ra ai. Dai ni na ru tsang ai gaw, dai ni na matu ram nga ai.

Jinghpaw Common Language Bible 2009

³⁴ Dai rai nna, hpawt ni na matu myit hkum tsang myit; hpawt ni na hte seng ai myit tsang ai lam ni gaw hpawt ni na matu law nga ai. Lani mi na ru tsang ai gaw, dai shani na matu ram nga ai.

MAHTE 6:34 ပူးပေါင်းရင်းမြစ်များ

SHARUNG SHAYAWT 3:23

Dai gaw jahpawt shagu ningnan rai nga ai; na a kangka myit galu kaba nga ai.

MAHTE 6:11

Anhte hta ra ai lusha, dai ni anhte hpe jaw mi;

MAHTE 6:25

Dai rai nna ngai nanhte hpe tsun made ai gaw, hpa lu sha na hpa lu lu na asak a matu, kaning rai lu hpun na nanhte a hkum a matu, hkum tsang nga myit; dai asak gaw ashat hta, hkumhkrang gaw hpun palawng hta grau nga ma ai, n rai ni?

MAHTE 6:27

Nanhte hta kadai rai timung, myit tsang ai hte, tinang a aprat galu u ga, dawng mi daram jat la lu na myit ni?

LUKA 10:41

Shaloi dai Madu gaw, “Marhta, Marhta, nang gaw amu lam law law a majaw myit ru nna tsang nga ndai:

LUKA 11:3

Anhte ra ai lusha gaw, shani shagu anhte hpe jaw mi.

LUKA 12:11

masha ni gaw nanhte hpe tara jawng ni de mung, agyi salang ni hte ahkang aya lu ai ni a man de mung, dun wa myit jang gaw, hpa hte kaning ngu htan na mung, gara hku tsun na mung, hkum tsang myit:

LUKA 12:22

Bai shi a sape ni hpe, “Dai re ai majaw ngai nanhte hpe tsun made ga, ‘Hpa lu hpa sha na, nga nna asak a matu, hpa bu hpa hpun na, nga nna a matu hkum tsang nga myit:

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

TARA JAHPRANG 33:25

Na a htinggrang ni gaw hpri hte magri rai na ra ai; Nang pra nga prat dingsa, na n-gun atsam mung ja nga na nit dai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

1 PETRU 5:7

shi nanhte hpe myit dum ya nga ai majaw, nanhte a myit ru myit tsang ai nlang hte nan, shi a ntsa e kabai mara da mu.