MAHTE 6:27 - Jinghpaw Hanson Version Bible

²⁷ Nanhte hta kadai rai timung, myit tsang ai hte, tinang a aprat galu u ga, dawng mi daram jat la lu na myit ni?

Jinghpaw Common Language Bible 2009

²⁷ Nanhte hta na kadai rai ti mung, myit tsang ai hte tinang a prat hpe loi mi galu jat shangun lu myit ni?

MAHTE 6:27 ပူးပေါင်းရင်းမြစ်များ

HPAJI NINGLI 3:14

Karai Kasang galaw ai lam yawng mayawng htani htana prat dingsa agrin nga ai hpe, ngai chye nngai: dai hta hpa mung galaw jat lu ai, n rai, hpa mung shayawm lu ai, n rai; shinggyim masha ni shi a man e hkrit gari nga na lam, Karai Kasang dai hpe galaw da nu ai.

MAHTE 5:36

Na a baw hta mung dagam lu na ndai n rai: nang gaw kara singgawng langai mi hpe pyi, hpraw u ga chyang u ga n galaw lu ndai.

MAHTE 6:25

Dai rai nna ngai nanhte hpe tsun made ai gaw, hpa lu sha na hpa lu lu na asak a matu, kaning rai lu hpun na nanhte a hkum a matu, hkum tsang nga myit; dai asak gaw ashat hta, hkumhkrang gaw hpun palawng hta grau nga ma ai, n rai ni?

MAHTE 6:28

Bai, hpun palawng a matu nanhte hpa rai myit tsang nga myit ta? Prang na hkalaw pan ni, kaning rai kaba wa ma ai hpe, myit dum nga mu: dai ni gaw, makan mung n galaw, ari mung n ri ma ai:

MAHTE 6:31

Dai re ai majaw nanhte gaw myit ru myit tsang let, Anhte hpa sha na, hpa lu na, hpa bu hpun na i? nga nna hkum tsun nga myit;

MAHTE 6:34

Dai rai nna, hpawt ni na matu myit hkum tsang myit; hpawt ni gaw shi a matu ru tsang na ra ai. Dai ni na ru tsang ai gaw, dai ni na matu ram nga ai.

LUKA 10:41

Shaloi dai Madu gaw, “Marhta, Marhta, nang gaw amu lam law law a majaw myit ru nna tsang nga ndai:

LUKA 12:11

masha ni gaw nanhte hpe tara jawng ni de mung, agyi salang ni hte ahkang aya lu ai ni a man de mung, dun wa myit jang gaw, hpa hte kaning ngu htan na mung, gara hku tsun na mung, hkum tsang myit:

LUKA 12:22

Bai shi a sape ni hpe, “Dai re ai majaw ngai nanhte hpe tsun made ga, ‘Hpa lu hpa sha na, nga nna asak a matu, hpa bu hpa hpun na, nga nna a matu hkum tsang nga myit:

1 KORINHTU 12:18

Ya chyawm gaw, Karai Kasang gaw shi ra ai hte maren, daw shan ni langai hte langai hte hpe dai hkumhkrang hta shachyaw tawn mu ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

1 PETRU 5:7

shi nanhte hpe myit dum ya nga ai majaw, nanhte a myit ru myit tsang ai nlang hte nan, shi a ntsa e kabai mara da mu.