MAHTE 6:25 - Jinghpaw Hanson Version Bible

²⁵ Dai rai nna ngai nanhte hpe tsun made ai gaw, hpa lu sha na hpa lu lu na asak a matu, kaning rai lu hpun na nanhte a hkum a matu, hkum tsang nga myit; dai asak gaw ashat hta, hkumhkrang gaw hpun palawng hta grau nga ma ai, n rai ni?

Jinghpaw Common Language Bible 2009

²⁵ “Dai rai nna ngai nanhte hpe tsun made ai gaw, asak hkrung nga lu na matu hpa lu hpa sha na, shing n rai hkum hkrang a matu hpa bu hpa hpun na lam hkum tsang myit; dai asak gaw lu sha hta, hkum hkrang gaw hpun palawng ni hta grau hpu ging nga ai n rai ni?

MAHTE 6:25 ပူးပေါင်းရင်းမြစ်များ

SHAKAWN KUNGDAWN 55:22

Na a lit Yehowa hta mara da u. Shi nang hpe shadaw na re ai: Tutnawng e dinghpring ai ni hpe, Kataw shangun nga na n rai.

YEREMIA 45:5

Nang gaw galu kaba ai lam, na a matu tam n ni? hkum tam et; Yu u, hkrung mahkrung mahkra ntsa e ngai tsin-yam tsindam, shapraw na nngai; rai timung, nang sa wa ai shara shagu hta, na a asak hpe lanep zawn, ngai nang hpe jaw na nngai, nga nna Yehowa tsun ai, nga ai.

MAHTE 10:19

Nanhte hpe ap kau myit dai shaloi, kaning ngu nna, hpa hku tsun lu na hpe, myit hkum tsang myit: dai ahkying hta, hpa tsun mai na gaw, nanhte hpe shadum na marin dai:

MAHTE 13:22

Ju hpun hta gat ai nli a lam gaw, dai ga hpe na la timung, ndai prat na myit tsang ai hte hkalem kau ai sutgan gaw, dai mungga hpe lim kau nna, asi n si lu ai wa hpe rai nga ai.

MAHTE 6:31

Dai re ai majaw nanhte gaw myit ru myit tsang let, Anhte hpa sha na, hpa lu na, hpa bu hpun na i? nga nna hkum tsun nga myit;

MAHTE 6:34

Dai rai nna, hpawt ni na matu myit hkum tsang myit; hpawt ni gaw shi a matu ru tsang na ra ai. Dai ni na ru tsang ai gaw, dai ni na matu ram nga ai.

MARKU 13:11

Nanhte hpe tara agyi ni hpang de woi sa nna ap kau myit jang gaw, kaning ngu nna ga tsun na, myit hkum ru myit: dai ahkying hta e, nanhte hpe tsun shangun ai hte maren tsun dan mu: nanhte ga tsun nga ai ni n rai, dai Chyoi pra ai Wenyi mahtang tsun nga ai.

MARKU 4:19

ndai mungkan a myit tsang ai, sutgan a hkalem ai hte myit marin ai lam kaga ga shang wa nna, dai mungga hpe lim kau ai majaw, asi n si lu ai ni, rai nga ma ai.

LUKA 12:11

masha ni gaw nanhte hpe tara jawng ni de mung, agyi salang ni hte ahkang aya lu ai ni a man de mung, dun wa myit jang gaw, hpa hte kaning ngu htan na mung, gara hku tsun na mung, hkum tsang myit:

LUKA 8:14

Ju hpun hta hkrat ai nli gaw, mungga na la nna, tinang lam hkan nga yang, ndai prat a myit ru myit tsang ai, sut lu sut su ai, pyaw daw tam ai lam ni hta lim mat nna, ja kat ai asi n si ai ni rai ma ai.

ROMA 8:32

Shi kasha lala hpe lahpawt lama n di ai sha, anhte mahkra a matu mara shi hpe ap ya ai wa gaw, shi hte nawng yawng mayawng anhte hpe jaw na, n rai ni?

1 KORINHTU 7:32

Nanhte gaw myit ru myit tsang n nga myit ga, ngai ra nga nngai. Num n la ai wa gaw, dai Madu hte kaning rai myit hkrum lu na nga nna, Madu a lam hte hpe a tsang nga ai:

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.

2 TIMOHTI 2:4

Hpyen amu gun hpai ai wa kadai mung, tinang hpe hpyen hpung hta shalawm la ai wa a myit htuk lu hkra, ndai aprat na arai ni hta tinang hkum hpe ahkang abai shangun ma ai n rai.

1 PETRU 5:7

shi nanhte hpe myit dum ya nga ai majaw, nanhte a myit ru myit tsang ai nlang hte nan, shi a ntsa e kabai mara da mu.