MAHTE 6:21 - Jinghpaw Hanson Version Bible

²¹ kaning rai nme law, na a sutgan nga ai kaw, na a myit masin mung nga na lit dai.

Jinghpaw Common Language Bible 2009

²¹ Hpa majaw nga yang, na a sutgan nga ai kaw na myit masin galoi mung nga na ra ai.

MAHTE 6:21 ပူးပေါင်းရင်းမြစ်များ

GA SHAGAWP 4:23

Myit masin gaw asak a npawt nhpang rai nga ai majaw, Dai hpe tsam mari bau sin nga u.

ESAIA 33:6

N taw n tsang ai hkye hkrang la ai lam, hpaji byeng-ya hte chye chyang ai lam, na a prat dingsa e grin nga na ra ai; Yehowa hpe hkrit hkungga ai lam, na a sutgan rai nga ai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? kaning rai nme law, kraw hta hpring chyat nga ai kaw na, n-gup de tsun nga ai.

MAHTE 6:22

Dai myi gaw, hkum a pyengdin rai nga lu ai; na a myi asan sha rai nga yang gaw, na a hkum ting a htoi nga ai;

LUKA 12:34

Kaning rai nme law, nanhte a sutgan nga ai kaw, nanhte a myit masin mung nga na malit dai.

KASA 8:21

Na a myit Karai Kasang a man e n ding nga lit dai majaw, ndai lam hta nang hpa mung lawm lu ndai n rai.

2 KORINHTU 4:18

ya e sha hkrum ai atsang sha rai nga ai tsin-yam tsindam gaw, nachying kaba li la ai htani htana hpung shingkang hpe anhte a matu mara a shachyen nga ai.

HPILEMON 1:19

Ngai Pawlu gaw dai hka wa na, ngu nna nye a lata hte nan ka dat nngai: rai timung, na hkum nan pyi ngai hpe hka wa ra ndai, ngu nna ngai n tsun mayu nngai.

HPILEMON 1:3

anhte a Wa Karai Kasang hte Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

HEBRE 3:12

Hpunau ni e, ahkrung nga ai Karai Kasang kaw na htak mat wa hkra, n hkru n shawp ai kam shut ai myit gaw, nanhte hta na langai mi hta muk n rawng malit ga, sadi nga mu;