MAHTE 6:2 - Jinghpaw Hanson Version Bible

² Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

Jinghpaw Common Language Bible 2009

² “Dai rai nna ra kadawn nga ai masha langai mi hpe lama ma alu jaw n-yang gaw, masha ni zawn, tara jawng ni hte lam hkan e tinang hkum dan dawng hkra pahtau hkum dum myit. Ngai nanhte hpe teng teng tsun made ga, shanhte gaw tinang a shabrai yawng lu la manu ai,

MAHTE 6:2 ပူးပေါင်းရင်းမြစ်များ

SHAKAWN KUNGDAWN 112:9

Shi gat hkai nna matsan mayan ni hpe gam jaw mu ai, Shi a dinghpring ai gaw htani htana anga nga ai; Shi a nrung arawng hte rawt nga lu ai.

SHAKAWN KUNGDAWN 37:21

Tara n lang ai wa, hkoi la nna bai n wa lu ai; Dingman ai wa chyawm gaw matsan dum chye nna, jaw lu ai.

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

GA SHAGAWP 20:6

Masha law law wa tinang galaw ai chyeju hpe tsun shana ma timung, Kangka re ai wa hpe, kadai tam mu lu a ta?

HPAJI NINGLI 11:2

Marai sanit sha n rai, marai matsat hpe karan jaw u; kaning rai nme law, ga ntsa e n hkru ai hpa byin na hpe nang n chye ndai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 58:7

kawsi hkrum ai wa hpe lusha jaw nna, shapraw kau hkrum ai matsan mayan wa hpe na nta de woi jashawn na hte, hpun palawng n lu ai wa hpe shabu jahpun nna, tinang manang ni hpe n koi kau na gaw, ngai sharawng awng ai lusha gam ai lam rai nga ai, n rai ni?

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

HOSEA 8:1

Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

MAHTE 15:7

Sawt ai ni e, “Ndai amyu gaw, tinang a nten hte ngai hpe hkungga lara rai ma timung, Tinang a myit gaw, ngai hte tsan gang malu ai.

MAHTE 16:3

bai, jahpawt e rai jang gaw, lamu hkyeng ai hte n san nga ai majaw, Laru marang wa na ra ai, nanhte nga ga myit dai. Shing rai, lamu a man hpe nanhte chye ginhka lu mu ai rai timung ndai prat na kumla ni hpe, n chye ginhka myit dai.]

MAHTE 22:18

Yesu mahtang shanhte a n hkru ai myit hpe hten ya da mu ai rai nna, “Sawt ai ni e, nanhte hpa rai ngai hpe chyam yu nga myit ta? dai hkansi dingsen ngai hpe dan yu mi,” ngu mu ai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

MAHTE 23:6

poi hkan na grau reng ai dung shara ni hte, tara jawng ni hta grau reng ai tingnyang ni, gat hkan e hkungga lara shachyen ai hte,

MAHTE 24:51

shi hpe katawng daw kau nhtawm, shi a daw hpe hpyi hpun ai ni hte rau tawn da na ru ai: dai yang e hkrap ngu hkrap ngoi ai hte wa udik ai rai na ra ai.

MAHTE 5:18

Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:3

Nang mahtang, alu jaw n-yang gaw, na a hkra lata galaw ai amu hpe na a pai lata n chye lu u ga;

MAHTE 6:5

Nanhte akyu hpyi nga myit yang gaw, sawt ai masha ni zawn hkum rai myit: kaning rai nme law, masha ni shanhte hpe mu lu mu ga, tara jawng ni hta, mare lam nshe ni hta tsap nga nna akyu hpyi nga na shanhte tsaw nga ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 7:5

Sawt ai wa e, na a myi hta na hpuntawng hpe shawng lai kau u; dai hpang, na a nhpu nnau a myi na nbun hpe lai kau ya na, nang asan sha mu lu na rin dai.

MARKU 12:39

tara jawng ni hta e grau ai tingnyang ni hpe mung, poi hkan e grau ai dung shara ni hpe mung, ra nga ma ai:

MARKU 7:6

Shi gaw, “Sawt ai ni e, laika hta ka da nga ai hte maren, Ndai amyu gaw tinang a nten hte ngai hpe hkungga lara ma timung, Shanhte a myit masin ngai hte tsan gang malu ai:

LUKA 11:41

Rai timung, kata de rawng ai arai hpe alu jaw mu; shaloi, yu mu, nanhte a matu nlang san pra nga na rai malit dai.

LUKA 11:43

Hparishe ni e, nanhte dingnye lu myit dai! tara jawng ni hta grau reng ai dung shara ni hpe mung, gat hkan e hkungga shachyen ai ga hpe mung, nanhte sharawng la myit dai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 12:56

Sawt ai masha ni e, lamu hte ga a man hpe gaw nanhte chye ginhka lu myit dai: dai re ai mi, ndai prat a kumla hpe, hpa rai n chye ginhka lu myit ta?

LUKA 13:15

Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

LUKA 20:46

“Laika ka ai sara ni hpe sadi nga mu: shanhte palawng galu bu hpun let hkawm sa mayu nna, gat hkan shachyen ai hte, tara jawng hkan na reng grau ai tingnyang ni, poi hkan na reng grau ai dung shara ni hta dung na sharawng ai hta n-ga,

LUKA 6:24

“Rai timung, sut su ai ni nanhte dingnye lu myit dai: kaning rai nme law, nanhte gaw tinang a shalan shabran ai lu la manit dai.

LUKA 6:42

Tinang myi hta rawng ai hpuntawng hpe pyi, n mu ai wa mi, ‘Hpunau wa e, na myi hta rawng ai nbun hpe ngai naw lai kau ya de ga,’ nga nna nhpu nnau wa hpe kaning rai tsun lu n ta? Sawt ai wa e, na a myi hta na hpuntawng hpe shawng lai kau u; dai hpang, na nhpu nnau wa a myi hta rawng ai nbun hpe lai kau ya na, nang asan sha mu na rin dai.

YAWHAN 13:29

Kaning rai nme law, Yuda gaw gumhpraw jan jum ai wa rai nga ai majaw, Yesu gaw shi hpe, Poi na matu anhte lang ra ai sa mari u, nga sam ai, nga nna mung, shing n rai, Matsan mayan ni hpe lama ma sa jaw u, nga sam ai, nga nna mung, shanhte hta nkau mi myit ma ai.

YAWHAN 5:41

Masha jaw ai arawng sadang gaw ngai n hkam la nngai:

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

YAWHAN 7:18

Tinang a myit hte tsun ai wa gaw, tinang a arawng sadang tam ai rai nga ai: tinang hpe shangun dat ai wa a arawng sadang tam ai wa chyawm gaw, tengman nga ai rai nna, shi hta n ding n man ai n rawng lu ai.

KASA 10:2

dai wa gaw tara hkungga myit rawng nna, shi a nta na ni nlang hte rau Karai Kasang hpe hkrit hkungga ai hte, masha ni hpe alu law law jaw let, Karai kasang hpe tut tut a hpyi nga ai.

KASA 10:31

‘Korneli e, na a akyu hpyi ai ga madat mara nu ai; na alu jaw ai mung Karai Kasang matsing da nu ai.

KASA 10:4

Shi gaw dai wa hpe azi yu nna, “Madu e, hpa lam rai ta?” ngu nna hkrit let shi hpe san wu ai. Dai wa chyawm gaw, “Na a akyu hpyi ai hte alu jaw ai lam, Karai Kasang a man e, masat dingsat matu hkrang salit dai.

KASA 11:29

Dai rai nna, sape ni gaw, Yuda mung na kahpu kanau ni hpang de langai hte langai rai lu ai made karum dat na nga, myit shatawng da ma ai:

KASA 24:17

Shing rai, tsawmra ning lai wa ai hpang, nye amyu masha ni kaw, majaw maya kumhpa hte shawang alu wa jaw na ngai wa nngai:

KASA 9:36

Ya, Yopa mare hta Tabihta mying ai numsha sape langai mi nga ai; mying de a ga lachyum gaw Dorka ngu ai rai lu ai: dai numsha gaw kaja ai bungli hte alu jaw ya ai lam hta, myit tsup ai jan rai nga ai.

ROMA 12:8

shadum jahprang chye ai wa gaw, shadum jahprang ai amu hpe, shachyen u ga; alu jaw ai wa gaw n daw n hta jaw u ga; up hkang ai wa gaw, kasang kalang hte up nga u ga; matsan dum chye ai wa gaw, kabu gara ai myit hte galaw u ga.

1 KORINHTU 13:3

Nye a arai ni yawng hte hpe ngai gam kau nna, nye a hkum hpe pyi nat kau na matu ap kau rai timung, tsawra ai myit n rawng yang gaw; hpa akyu nga na n rai.

GALATI 2:10

Matsan mayan ni hpe anhte dum na shanhte ra ma ai hte, ngai nan dai lam hta grai shakut sharang mayu nga nngai.

EHPESU 4:28

Lagu ga ai wa gaw, bai hkum lagu u ga; kadawn nga ai ni hpe karan jaw lu hkra, tinang a lata hte mai kaja ai shachyen let, magam bungli galaw nga u ga.

1 HTESALONI 2:6

dai hta kaga, Hkristu a kasa ni rai nga ga ai majaw, nanhte hpe lit shagun mayu yang shagun lu ga ai rai timung, nanhte kaw na rai timung, masha gale kaw na rai timung, masha a hpung shingkang hpe anhte n tam saga ai.

1 TIMOHTI 6:18

shanhte mai kaja ai galaw nga na, mai kaja ai bungli hta sut su let, karan kachyan jaw ai hte, jaw jahproi ai myit rawng nga nna,

HPILEMON 1:7

Kaning rai nme law, hpunau wa e, na a marang e chyoi pra ai ni a myit masin shalan shabran hkrum lu ai majaw, na tsawra myit hta ngai grai wa kabu gara ai hte shangwi shapyaw hkrum nngai.

HEBRE 13:16

Mai kaja ai amu galaw na hte gam jaw gam ya ai lam, hkum malap kau myit; shing re ai hkungga hpe, Karai Kasang gaw sharawng awng nga ai.

1 PETRU 4:11

Yesu Hkristu a marang e, lam shagu hta e, Karai Kasang gaw shagrau shatsaw ai hkrum wa u ga, marai langai ngai ga tsun nga a yang gaw, Karai Kasang a mungga hte maren tsun nga u ga; langai ngai galaw daw nga a yang gaw, Karai Kasang jaw da ai n-gun lagaw hte maren, galaw daw nga u ga. Yesu Hkristu nan, hpung shingkang hte n-gawn tawa hpung shingkang, htani htana prat dingsa e anga nga ai law. Amen.

1 SAMUELA 15:30

Bai Shawlu gaw, “Ngai shut kau ni ai; rai timung, nye a amyu agyi salang ni hte Israela man e, ngai e hkungga lam naw madun dan ya nna, ngai na a Karai Kasang Yehowa hpe nawku lu hkra, ngai hte rau wa ga,” ngu nna hpyi wu ai.