MAHTE 6:19 - Jinghpaw Hanson Version Bible

¹⁹ Manut hte nhkan e sha jahten nna, lagu lagut ni tawk htu nna lagu la lu ai, dinghta ga a ntsa e, nanhte a sutgan hpe hkum mahkawng da mu.

Jinghpaw Common Language Bible 2009

¹⁹ “Manut hte nhkan e sha jahten nhtawm, lagu lagut ni tawk htu nna lagu la lu ai, dinghta ga ntsa e, nanhte a matu sutgan hpe hkum mahkawng da mu.

MAHTE 6:19 ပူးပေါင်းရင်းမြစ်များ

YOBA 24:16

Shing re ai ni gaw shana e rai yang, masha nta hpe tawk waw ma ai: shani e rai yang makoi up nga ma ai; shanhte nhtoi galoi n mu ma ai.

YOBA 31:24

Ngai gaw aja hpe hpa nna, ja jet hpe, “nang nye a kam hpa shara rai nga ndai,” nga nna tsun ai hte,

SHAKAWN KUNGDAWN 39:6

Gaja wa, masha wa gaw shingnip zawn hkawm nga ai, Nbung a matu sha, shanhte tsang nga ma ai: Shi mahkawng da nga timung, Kadai lu la na ru ai gaw n chye wu ai.

SHAKAWN KUNGDAWN 62:10

Kashun kashe ai hpe hkum machyu myit, Shanyen la lu ai majaw myit hkum gumrawng myit. Sut su yang dai hta myit hkum noi myit.

PRU MAT 22:2

Lagut wa nta tawk waw nga yang, masha mu hkrup nna si hkra anu kau timung, bunglat hka nga na n rai.

GA SHAGAWP 11:4

Sindawng kahtet ai shani e sutgan gaw hpa akyu n nga ai; Dinghpring ai lam chyawm gaw, si ai kaw na mawai la nga ai.

GA SHAGAWP 16:16

Aja lu la ai hta, hpaji lu la ai gaw, gade grau a hka! Gumhpraw hta hpaji lata la ai gaw, grau mai nga ai.

HPAJI NINGLI 2:26

Kaning rai nme law, Karai Kasang, shi sharawng awng ai hpe hpaji byeng-ya, chye chyang ai hte kabu gara ai jaw ya let, shi sharawng awng ai wa hpe jaw na matu, lahkawn la nna mahkawng da na nga, shi gaw yubak kap ai wa hpe amu makan galaw shangun nga ai. Dai mung kaman lila hte nbung hpe shachyut ai hkrai rai nga ai.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.

MAHTE 19:21

Shaloi Yesu gaw, “Nang dinghpring mayu nga n yang gaw, wa su, na a arai ni hpe dut kau nna, matsan mayan ni hpe karan jaw u; shing rai jang, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

MAHTE 6:20

Manut hte nhkan n sha jahten lu nna, lagu lagut ni mung n tawk htu lu ai hte n lagu la lu ai, sumsing lamu hta e, nanhte a matu sutgan hpe mahkawng da mu:

LUKA 12:21

Tinang a matu sutgan mahkawng da nhtawm, Karai Kasang hta n lu n su ai wa gaw, shing re ai wa rai nga ai, ngu nna shanhte hpe tsun mu ai.

LUKA 12:33

Nanhte lu ai arai dut kau nna alu jaw mu; tinang a matu dingsa n chye ai gumhpraw jan galaw nna, lagut mung n du, manut e mung n sha lu ai, sumsing lamu e n htum n ma chye ai sutgan, kyem da mu.

LUKA 12:39

Da ndai dum chye mu: gara ahkying aten hta lagut sa na hpe, nta madu wa chye wu taw gaw, shi a maja nga nna, shi a nta hpe tawk waw lu hkra, kau da na wu ai n rai.

LUKA 18:22

Yesu gaw dai ga na jang, Lam langai mi nang naw ra nga ndai: nang lu malu dut kau nna matsan mayan ni hpe karan jaw u; shing rai jang she, sumsing lamu ntsa e nang sutgan lu na rin dai: ngai kaw mung sa hkan nang rit,” ngu nna shi hpe tsun wu ai.

LUKA 18:24

Yesu gaw dai wa shing re ai mu jang, “Sut su ai ni gaw Karai Kasang a mungdan hta nachying shang yak la ahka gaw!

1 TIMOHTI 6:17

Ndai prat e sutgan lu ai ni gaw, gumrawng gumtawng n re ai hte, n grin ai sutgan hpe n shamyet nga ai sha, ngamu ngamai nga na matu, arai yawng mayawng anhte hpe n daw n hta jaw ai Karai Kasang hpe shamyet shanat nga na hte,

HEBRE 13:5

Gumhpraw marin ai lam hkum hkan myit; nanhte lu ai made hte myit dik nga mu: kaning rai nme law, Ngai nang hte teng teng n hka na nngai, gaja wa teng teng n kau da na nngai, nga nna shi nan tsun nga ai.