MAHTE 6:13 - Jinghpaw Hanson Version Bible

¹³ Agung alau nga ai de, anhte hpe n sa shangun ai sha, N kaja ai lam hta na, shaw la mi law.

Jinghpaw Common Language Bible 2009

¹³ Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

MAHTE 6:13 ပူးပေါင်းရင်းမြစ်များ

NINGPAWT NINGHPANG 22:1

Ya dai hte a hpang e Karai Kasang gaw Abraham hpe chyam yu na nga, “Abraham e,” ngu nna shaga wu ai; shi gaw, “Ngai nang nga nga nngai,” ngu nna htan wu ai.

1 HKAWHKAM 1:36

Shaloi Yehoiada kasha Benaia gaw, “Amen: nye a madu hkawhkam a Karai Kasang Yehowa mung dai lam hkan ya u ga.

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

1 HKAWHKAM LABAU 29:11

Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai.

1 HKAWHKAM LABAU 4:10

Yabet mung, Israela Karai Kasang hpe, “Nang ngai hpe shaman ya nna, nye a lamu ga jarit dam lada di ya e! Ngai yawn hkyen ai hta lawt lu n ga na a lahpum hte n hkru n hkra ai hta na ngai hpe magawp maga la e!” ngu nna hpyi jahtau wu ai. Karai Kasang mung shi hpyi ai ga madat mara ya wu ai.

SHAKAWN KUNGDAWN 10:16

Yehowa gaw htani htana hkawhkam rai nga ai; Maigan amyu ni shi a mung hta na hkoi mat wa masai.

SHAKAWN KUNGDAWN 106:48

Israela Karai Kasang Yehowa gaw, Htani htana prat dingsa e, a nga u ga law! Masha amyu shagu, Amen, nga mu ga. Halelu-Yah.

SHAKAWN KUNGDAWN 22:28

Dai mungdan gaw Yehowa a mungdan rai nga ai; Masha amyu baw shagu ni hpe shi Madu nga mu ai.

SHAKAWN KUNGDAWN 41:13

Israela a Karai Kasang Yehowa gaw, Htani htana prat dingsa e, a nga u ga law. Amen, rai sa, Amen.

SHAKAWN KUNGDAWN 47:2

Kaning rai nme law, Yehowa gaw, Tsaw htum ai hte hkrithpa wa rai nga ai: Mungkan ting a hkawhkam kaba mung, shi rai nga ai.

SHAKAWN KUNGDAWN 47:7

Karai Kasang gaw ga ting a hkawhkam rai nga ai, Hpaji ga hte mahkawn mangoi mu.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 89:52

Yehowa gaw htani htana e, a nga u ga law. Amen, rai sa, Amen.

PRU MAT 15:18

Yehowa gaw htani htana prat dingsa a up nga na ra ai, nga ma ai.

GA SHAGAWP 30:8

Kaman lila hte masu magaw ai, ngai hte tsan nga u ga; Matsan mayan mung, sutgan mung, ngai hpe n jaw u ga: Ngai hkru kat nna, Yehowa kadai rai nga a ta? nga nna n tsun u ga mung,

YEREMIA 15:21

n hkru n hkra ai ni a lata na ngai nang hpe mawai la nna, gumshem ai ni a lata na hkrang la na nngai, nga nna Yehowa tsun ai.

YEREMIA 28:6

myihtoi Yeremia gaw, Amen, Yehowa dai lam galaw u ga; Yehowa nta na arai ni hte hpawn, Babelon mare e bawng dung ai ni nlang hte hpe ndai shara e bai woi wa nna, nang htoi ya ai myihtoi ga, Yehowa shadik u ga.

Daniela 4:25

Tsaw Htum ai Wa gaw masha mungdan hpe up nga nna, shi jaw mayu ai wa hpe, dai jaw kau nga ai, nang chye matsing ai du hkra, nang gaw masha kaw na shapraw kau ai hkrum nna, na a shanu shara pa ga na ashu ashan ni hte rau rai na ra ai: aten sanit na a ntsa e lai wa hkra, usu hte maren nang tsingdu sha nna, sumsing lamu na mari hte madi mat ai hkrum na rin dai.

Daniela 7:18

Rai timung, Tsaw Htum ai Wa a chyoi pra ai ni gaw, dai prat dingsa e madu nga lu na mara ai,’ nga nna ngai hpe lachyum shapraw dan nngai.

BU HKAWM 5:22

nga nna hkinjawng wa machyai jaw yang numsha gaw, dagam dala ai ga hkan tsun ngut jang, Amen, Amen,” ngu nna yin la na rai wu ai.

MAHTE 26:41

agung alau ai kaw n du myit ga, maja nga ai hte akyu hpyi nga mu: wenyi gaw let nga ai, hkum shan mahtang n-gun kya nga ai,” ngu mu ai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

MAHTE 5:37

Na a ga gaw, Rai sa nga yang, rai u ga, N rai, nga yang, n rai u ga; dai hta lai ai ga nlang hte gaw n kaja ai wa hte seng nga ai.

MAHTE 6:10

Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

YAWHAN 17:15

Ndai ni hpe mungkan ga na htawt la na, ngai hpyi nngai n rai, n shawp n kap ai hta na shanhte hpe makawp maga na she, ngai hpyi nngai.

1 KORINHTU 10:13

Masha n jan lu ai agung alau gaw nanhte hkrum hkra myit dai n rai; Karai Kasang mung sadi sahka nga ai rai nna, nanhte n jan lu ai agung alau hkrum na ahkang n jaw nga ai sha, nanhte jan lu myit ga, dai agung alau hte rau pru wa na hkat shi hkat da na ru ai.

1 KORINHTU 14:16

Shing n rai, wenyi hte sha nang shaman n yang gaw, karing karang re ai wa gaw na a ga n chye na ai majaw, nang chyeju dum ai ga tsun ai shaloi, shi gaw kaning rai, Amen, nga nna hkan sharau lu na a ta?

2 KORINHTU 1:20

Karai Kasang a ndat ga gade law nga rai timung, shi hta e, Rai sa, hkrai rai nga ai; dai rai nna, anhte a lata e Karai Kasang a hpung shingkang pru u ga, shi a jaw e, Amen, ngu ai mung rai nga ai.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

TARA JAHPRANG 8:16

nang hpe shagrit chyam yu nna, hpang jahtum e nang hpe chyeju madun na nga, na a nji nwa ni pyi n chye ai manna hte dai nam mali kata e nang hpe bau maka ai na Karai Kasang Yehowa hpe nang malap kau nhtawm,

TARA JAHPRANG 8:2

Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

1 HTESALONI 1:10

sumsing lamu de na shi a Kasha hpe ala nga ai lam, tsun hkat nga ma ai: dai Kasha gaw si mat ai ni kaw na sharawt la nna, du na ra ai pawt sindawng ai hta na anhte hpe mawai la sai Yesu nan rai nga ai.

2 HTESALONI 3:3

Dai Madu chyawm gaw kangka rai nga ai rai nna, shi nanhte hpe shangang jahkang ya nna, n hkru n hkra ai hta na, bau sin na marin dai.

1 TIMOHTI 1:17

Ya, htani htana re ai, n hten n mat chye ai, myi e n mu lu ai Hkawhkam ngu ai, Karai Kasang langai sha kaw, arawng sadang hte hpung shingkang gaw, htani htana prat dingsa e, anga nga u ga law. Amen.

HEBRE 11:36

Bai kaga nkau mi gaw, asawng asang, anu kayat re ai hta n-ga, gyit hkang sharen ai hte htawng hta bang da ai di nna chyam yu dinglik ai hkrum ma ai:

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.

SHINGRAN 1:18

ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 19:1

Dai hte a hpang e sumsing lamu kata e wunawng wuwa law law a wu ai nsen kaba gaw, “Haleluya: Hkye hkrang la ai lam, hpung shingkang hte n-gun atsam gaw anhte a Karai Kasang hte seng nga ai:

SHINGRAN 19:4

Shaloi dai salang hkun mali hte dai dusat amyu mali hte gaw, dingnyawm dagup nna, tingnyang hta dung nga ai Karai Kasang hpe nawku let, “Amen, Haleluya,” nga ma ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.

SHINGRAN 3:10

Ngai hte seng ai shakut sharang ai lam a mungga hpe nang hkan nang ndai majaw, ga ntsa e nga ai ni hpe chyam dinglik yu na matu, dinghta ga hproi hkra du na ra ai chyam dinglik yu ai nhtoi hta na, ngai nang hpe makawp maga na de ai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

SHINGRAN 5:13

Dai hta n-ga, lamu lahta tang na mung, ginding aga ntsa na mung, aga lawu tsang na mung, nammukdara kata na mung, de a shara magup hkan e rawng nga ma ai hpan tawn da ai arai yawng mayawng hte gaw, Tingnyang hta dung nga ai wa hte, dai Sagu Kasha gaw, htani htana prat dingsa, shakawn kungdawn ai, arawng sadang, hpung shingkang hte daru magam, anga nga u ga law, nga nna shanhte tsun ma ai mung, ngai na nngai.