MAHTE 6:10 - Jinghpaw Hanson Version Bible

¹⁰ Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

Jinghpaw Common Language Bible 2009

¹⁰ Na a mungdan du wa ru ga, Lamu tang hta na a myit dik nga ai hte maren, ga ntsa e mung dik lit ga law;

MAHTE 6:10 ပူးပေါင်းရင်းမြစ်များ

NEHEMIA 9:6

Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

SHAKAWN KUNGDAWN 2:6

“Ngai gaw, nye a chyoi pra ai Ziun bum hta e Nye a hkawhkam wa hpe tawn da ni ai,” ngu na mu ai.

SHAKAWN KUNGDAWN 40:8

Nye a Karai Kasang e, na a myit hkan nang na ngai ra nga nngai; Nye a kraw lawang hta na a tara rawng nga ai,” nga nna ngai tsun ni ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

YEREMIA 23:5

Yehowa ning nga ai: yu u, Dawi a matu dinghpring ai Makrung ngai shatut ai aten du na ra ai: dai wa gaw, nyan rawng nna hkawhkam zawn up na hte, mungdan hta dinghpring ai hku dawdan na ra ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 4:35

mungkan masha ni yawng mayawng shi a man e hpa mi n rai nga ai: sumsing lamu na luksuk laba ni hta mung, mungkan ga e shanu ai ni hta mung, shi galaw mayu ai hte maren galaw nna, shi a lata hpe hkum da ai wa n nga ai: “Nang hpa galaw nga n ta?” nga nna shi hpe tsun lu ai wa kadai mung n nga ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

Daniela 7:27

Mungdan hte up ai ahkang aya, sumsing lamu ting npu na mungdan ni a daru magam hpe, Tsaw Htum ai Wa a chyoi pra ai masha ni lu la na mara ai: shi a mungdan gaw htani htana mungdan rai nga nna, up ai ahkang aya lu ai ni yawng, shi hpe daw jau let, madat mara na mara ai, nga nna ngai hpe ga lachyum shapraw dan ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 12:50

“Ngai nu hte ngai nau ni hpe yu mu: sumsing lamu hta nga ai nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 26:42

Lang mi bai bat nna, “Wa e ngai dai hpe n lu ai sha, ngai kaw na n shalai kau lu yang gaw, na a myit dik lit ga law,” ngu nna akyu hpyi nga ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 4:17

Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

MAHTE 7:21

Ngai hpe, ‘Madu e, Madu e,’ nga ai hte yawng mayawng gaw, sumsing lamu na mungdan hta shang lu na ma ai n rai: sumsing lamu hta nga ai, nye Wa a myit hkan ai wa sha, shang lu na ra ai.

MARKU 11:10

“Anhte a wa Dawi a du ra ai mungdan gaw, a nga ai law;” “Tsaw htum ai shara e, Hawsanna, rai wa u ga,” nga nna jahtau garu ma ai.

MARKU 3:35

Karai Kasang a myit hkan nga ai ni, kadai rai timung, ngai nau, ngai jan, ngai nu, rai nga ma ai,” ngu mu ai.

LUKA 19:11

Dai lam ni hpe shanhte madat nga ma yang, Yesu gaw Yerusalem mare de du na ni sai majaw mung, Karai Kasang a mungdan gaw alawan dan pru magang ra ai, nga nna myit shajang nga ma ai majaw mung, shi ga shadawn hte bai tsun bungjat wu ai gaw,

LUKA 19:38

“Madu a amying ningsang hte Du sa ai Hkawhkam wa gaw, a nga ai law; Sumsing lamu e ngwipyaw ai hte, Tsaw htum ai shara e hpung shingkang rawng u ga law,” nga ma ai.

LUKA 22:42

“Wa e, nang ra n yang gaw, ndai gawm hpe ngai kaw na shalai kau ya e; rai timung ngai ra ai hku n rai, nang ra ai hku she rai u ga,” ngu nna hpyi wu ai.

YAWHAN 4:34

Dai rai nna Yesu gaw, “Ngai e shangun dat ai wa a myit hku hkan galaw na hte, shi a magam bungli shangut lu na gaw, nye a shahpa rai nga li ai.

YAWHAN 6:40

Hpa rai nga yang, Kasha wa hpe mu nna, kamsham ai wa kadai mung htani htana asak lu la na gaw, nye Wa a myit ra ai hku rai nga ai: ngai mung hpang jahtum na nhtoi hta, dai wa hpe sharawt na we ai,” ngu nna shanhte hpe tsun mu ai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 13:22

Dai wa hpe jahkrat kau nhtawm, Dawi hpe, shanhte a hkawhkam tai na sharawt ya wu ai: dai wa a lam shi nan sakse hkam ai gaw, ‘Nye a myit hte tup ai Yese a kasha Dawi hpe ngai mu se ai; dai wa gaw, ngai ra ai hku yawng shadik ya na ra ai,’ nga ai.

KASA 21:14

Shing rai n shabai lu gaw yang, “Karai Kasang a myit rai nu ga,” ngu nna anhte mung atsin sha nga ga ai.

KASA 22:14

Bai shi gaw, ‘Anhte a ji wa ni a Karai Kasang gaw, nang hpe shi a myit mang ai lam shachye u ga, nga nna mung, Dingman ai Madu hpe mu lu na hte shi a n-gup na mungga na la lu u ga, nga nna mung, nang hpe san da nit dai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

EHPESU 6:6

Myi man pa mayu ai hte masha a myit shapyaw na zawn n rai; Hkristu a mayam ni zawn, myit masin ting hte Karai Kasang a ra ai hku galaw nga mu:

KOLOSE 1:13

Dai Kawa gaw, nsin a ahkang aya kaw na anhte hpe mawai la nna, shi a tsawra ai Kasha a mungdan hta jashawn mi ai:

KOLOSE 1:9

Dai re ai majaw, anhte mung na yu lu ai shani kaw nna, nanhte a matu mara akyu hpyi na, n sim n sa rai nga ai hte: Wenyi hte seng ai hpaji byeng-ya hte nyan amyu myu hta shi a myit mang ai a chye chyang ai lam hte nanhte hpring chyat lu nna,

1 HTESALONI 4:3

Kaning rai nme law, nanhte gaw hpye ai amu hpe koi gam nna, Karai Kasang hpe n chye n chyang ai maigan masha ni a ngang kayut ai hte n hkawm ai sha,

1 HTESALONI 5:18

kaning rai nme law, dai gaw Hkristu Yesu hta e nanhte a lam Karai Kasang a myit ra ai hku rai nga ai.

HEBRE 1:14

Shanhte yawng mayawng gaw, hkye hkrang la ai Sali wunli hkam la na ni a matu mara, amu gun hpai shangun ai wenyi ni rai nga ma ai, n rai ni?

HEBRE 10:36

Kaning rai nme law, Karai Kasang a myit ra ai hku hkan shachyen ngut jang, ga ndat a akyu hkam la lu hkra, shakut sharang ai myit nanhte naw ra nga myit dai.

HEBRE 10:7

Shaloi e, Laika shabawn hta nye a lam ka da nga ai gaw, Yu u, Karai Kasang e, nang myit ra ai hku hkan galaw na, ngai du sa ring ngai, ngu we ai,” nga nna tsun ai.

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

1 PETRU 2:15

kaning rai nme law, kaja ai bungli shachyen let, myit n gring ai ni a n chye n chyang ai ga hpe nanhte jasim lu na gaw, Karai Kasang myit da ai hku rai nga ai.

1 PETRU 4:2

ndai hkum tsawp hta e naw ahkrung nga ai aprat e, masha a myit marin ai hku n hkan ai sha, Karai Kasang a myit hpe hkan nang lu myit ga, nanhte mung dai myit hpe nan, hpyen palawng zawn ahpun da nga mu.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 12:10

Shaloi sumsing lamu kata na nsen kaba gaw, Ya gaw anhte a Karai Kasang a hkye hkrang la ai lam, hpung shingkang hte mungdan mung, shi a Hkristu a ahkang aya mung, rai wa sai: kaning rai nme law, anhte a Karai Kasang a man e, anhte a hpunau ni hpe shani shana mara shagun ai, jahte tam wa gaw, jahkrat kau ai hkrum nu ai.

SHINGRAN 19:6

Bai wunawng wuwa law law a nsen zawn, hka law law kadu ai a nsen zawn, mu ngoi kaba ai a nsen zawn, “Haleluya: Chyahtum chyalai n-gun rawng ai Madu anhte a Karai Kasang gaw, a up nga ai:

SHINGRAN 20:4

Bai, magam tingnyang ni ngai mu nngai: dai tingnyang ni hta dung nga ai ni gaw tara dara na ahkang lu ma ai: dai hta kaga, Yesu a lam sakse hkam ai majaw mung, Karai Kasang a mungga majaw mung htau sat kau hkrum ai ni hte, dai matse labye hpe mung, shi a hkrang sumla hpe mung n naw n ku ai hte, shi a masat dingsat hpe tinang a lahtan hte lata hta n hkam la ai ni a tsu ni hpe, ngai mu nngai: shanhte gaw hkrung nga let, shaning hkying mi tup Hkristu hte rau up nga ma ai: