MAHTE 6:1 - Jinghpaw Hanson Version Bible

¹ Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

Jinghpaw Common Language Bible 2009

¹ Nanhte hpa galaw ai hpe masha ni mada mu lu mu ga, shawa a man e sha nanhte a nawku htung hte seng nna galaw daw ra ai amu ni hpe n galaw myit ga, sadi nga mu; shing n rai yang gaw, sumsing lamu hta nga ai nanhte a Kawa kaw na hpa shabrai mung nanhte n lu na myit dai.

MAHTE 6:1 ပူးပေါင်းရင်းမြစ်များ

2 HKAWHKAM 10:16

“Ngai kaw hkan rit; ngai gaw Yehowa a lam nja nhpra myit gade wa rawng nga ai gaw sa yu rit,” ngu nna shi a leng hta e jawn shangun wu ai.

2 HKAWHKAM 10:31

Rai timung Yehu gaw, Israela Karai Kasang Yehowa a tara hpe, shi a myit masin mahkra hte hkan shatup wu ai, n rai: Israela masha ni hpe shut shangun ai, Yeroboam a arawn alai hpe koi kau wu ai, n rai.

SHAKAWN KUNGDAWN 112:9

Shi gat hkai nna matsan mayan ni hpe gam jaw mu ai, Shi a dinghpring ai gaw htani htana anga nga ai; Shi a nrung arawng hte rawt nga lu ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

ZEHKARIA 13:4

Dai shani e myihtoi htoi ai wa kadai mung, tinang mu ai shingran majaw, kaya dum na ra ai: shanhte gaw hkalem hkalau sha na matu, mazut ai nba lawai na n rai:

ZEHKARIA 7:5

Mung masha ni mahkra hte, hkinjawng ni hpe ning ngu tsun mu: “Nanhte gaw, ndai sanit shi ning tup, shata manga hte shata sanit hta, lusha gam nna hkrap ngu hkrap ngoi nga yang, gaja wa, ngai ra ai hte maren, lusha gam nga myit ni?

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 16:6

Shaloi Yesu gaw, “Hparishe ni hte Saduke ni a matsi hpe matsing da nna koi kau mu,” ngu nna shanhte hpe tsun wu ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 23:5

Shanhte galaw ai amu bungli mahkra hpe, masha ni mu lu mu ga, galaw ma ai: tinang a lakhpoi ni hpe shanhte kaba wa di mu ai hte, tinang a banbyau ni hpe mung myin jahkram mu ai rai nna,

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

MAHTE 5:46

Nanhte hpe tsawra ai ni hpe sha tsawra myit yang gaw, nanhte hpa shabrai lu la na myit ta? kang hta ai ni mung, dai hte maren galaw ma ai, n rai ni?

MAHTE 5:48

Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:9

Dai rai nna, nanhte gaw ning ngu akyu hpyi mu, Sumsing lamu na anhte a Wa e, Na a amying nsang chyoi pra nga lit ga;

MARKU 8:15

Shaloi shi shanhte hpe, “Hparishe ni a matsi hte Herod a matsi hpe koi kau lu myit ga, sadi nga mu,” ngu nna shanhte hpe ginhtim da mu ai.

LUKA 11:35

Dai re ai majaw, nang hta rawng ai ahtoi gaw, sin mat ai n sin mat ai, a yu nga u.

LUKA 12:1

Dai shaloi masha hkying mun wa zuphpawng nga nna, shada da kabye hkra rai nga ma yang, shi a sape ni hpe shi shawng tsun hpang mu ai gaw, “Sawt ai myit ngu ai, Hparishe ni a matsi hpe koi kau mu.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 16:15

Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

YAWHAN 12:43

kaning rai nme law, Karai Kasang kaw na arawng sadang lu la na hta, masha kaw na arawng sadang lu la na hpe, grau ra ma ai.

YAWHAN 5:44

Shada da jaw ai arawng sadang hkam la nna, langai sha rai nga ai Karai Kasang e jaw ai arawng sadang hpe n tam ai ni, nanhte wa mi, kaning rai kamsham lu na myit ta?

KASA 3:12

Petru dai mu jang, shawa masha ni hpe, “Israela masha ni e, ndai wa a lam hpe hpa rai mau myit ta? an lala a myit tsup ai hte ndai wa hpe hkawm sa lu shangun ai zawn rai nna, an hpe hpa rai azi yu nga myit ta?

GALATI 6:12

Hkum shan a ahpraw nsam hpe tau yu ai ni kadai mung, Hkristu Yesu a wudang a majaw zingri zingrat ai n hkrum mu ga, nanhte hpe matu gadoi hkam na, adip arip di myit dai.

TARA JAHPRANG 24:13

shi gaw tinang a hpun nba hpun let yup pyaw lu nna, nang hpe shaman ya n ga, shi tang tawn ai arai hpe jan garai n du yang teng teng bai ya lu na rai ndai: dai gaw na a Karai Kasang Yehowa a man e dinghpring ai amu rai na ra ai.

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.

HEBRE 2:1

Dai re ai majaw na la sai lam hta na anhte n yit mat wa u ga, dai hte hpe grau nna madat mara shara rai nga ai.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

2 YAWHAN 1:8

Anhte galaw da ai amu hpe nanhte n shamat kau myit dai sha, nanhte hkum hkum re ai shabrai hpe hkam la lu myit ga, tinang dai sadi nga mu.