MAHTE 5:7 - Jinghpaw Hanson Version Bible

⁷ Matsan chye dum ai ni gaw, a lu ma ai; kaning rai nme law, shanhte matsan dum la ai hkrum na mara ai.

Jinghpaw Common Language Bible 2009

⁷ “Masha kaga ni hpe matsan chye dum ai ni gaw a lu ma ai; hpa majaw nga yang, Karai Kasang shanhte hpe matsan dum la na ra ai!

MAHTE 5:7 ပူးပေါင်းရင်းမြစ်များ

2 SAMUELA 17:28

Hkan nang ai masha ni nam mali e kawsi hpang gara let hki ba nga ma hka, nga nna Dawi hte shi a masha ni sha na matu hkaulan mam, muk-yaw mam, shadung, mam npaw, shapre, nawkyu, san du kangau;

2 SAMUELA 22:26

Matsan dum chye ai wa hpe matsan dum ai myit, Myit dik ai wa hpe myit dik ai myit;

SHAKAWN KUNGDAWN 112:4

Matsan dum chye ai, n-gaw nwai ai hte dinghpring ai nhtoi, Myit malang ai ni a matu mara nsin hta e dan pru na ra ai.

SHAKAWN KUNGDAWN 112:9

Shi gat hkai nna matsan mayan ni hpe gam jaw mu ai, Shi a dinghpring ai gaw htani htana anga nga ai; Shi a nrung arawng hte rawt nga lu ai.

SHAKAWN KUNGDAWN 18:25

Matsan dum chye ai wa hpe nang matsan dum ai madun dan ndai; Myit dik ai wa hpe, myit dik ai myit madun dan ndai:

SHAKAWN KUNGDAWN 37:26

Shi tut tut matsan dum chye nna hkoi ya nga ai; shi a kashu kasha ni shaman ya ai hkrum nga ma ai.

GA SHAGAWP 11:17

Matsan dum chye ai wa gaw, shi hkum hpe lanu lahku nga ai; Sheng mareng re ai wa chyawm gaw, shi hkum shan hpe pyi sharu nga ai.

GA SHAGAWP 11:25

N daw n hta jaw ai wa gaw, hpum wa na ra ai; Ntsin jaw bun ai wa gaw, jaw bun ai bai hkrum na ra ai.

GA SHAGAWP 14:21

Tinang htingbu wa hpe n kaw n law di ai wa, mara nga ai; Matsan mayan ni hpe matsan dum ai wa chyawm gaw, a nga ai.

GA SHAGAWP 19:17

Matsan mayan wa hpe matsan dum ai wa gaw, Yehowa hpe hkoi ya ai rai nna, Shi galaw ai hte maren bai hkam la na ra ai.

ESAIA 57:1

Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

HOSEA 1:6

Bai, shi gaw, na-um nasin rai nna, shayi sha shangai wu ai: shaloi Yehowa gaw, “Shi a amying hpe, Lo-ruhama, shamying u: kaning rai nme law, Israela amyu a yubak hpe raw dat kau hkra, ngai htawm hpang e shanhte hpe hpa matsan dum na, n rai.

HOSEA 2:1

“Rai timung, Israela kashu kasha ni a nambat gaw n dang hti nna, n hteng yu lu ai Nammukdara zaibru daram law na ra ai, rai nna, ‘Nanhte gaw nye a amyu n rai,’ ngu nna shanhte hpe tsun ai shara e nan, Nanhte gaw ahkrung nga ai Karai Kasang a kashu kasha ni rai nga myit dai,” nga nna shanhte hpe tsun na mara ai.

HOSEA 2:23

Dai aten e ngai madat na nngai: sumsing lamu a ga hpe ngai madat nna, dai hte gaw lamu ga hpe madat na mara ai;

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

MARKU 11:25

Akyu hpyi let tsap nga ai shaloi, masha langai ngai nang hpe lama ma shut a yang gaw, sumsing lamu na nanhte a Nwa gaw, nanhte a mara hpe raw kau ya lu u ga, shi a mara hpe mung, raw kau ya mu.”

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

ROMA 11:30

Kaning rai nme law, nanhte gaw shawng e Karai Kasang hpe n madat n mara myit timung, shanhte a n madat mara ai a majaw, ya e chyeju hkam la lu myit dai hte maren;

1 KORINHTU 7:25

Ya, mahkawn ni a lam, dai Madu kaw na htet da ai ga ngai n lu nngai: rai timung, sadi sahka ai wa tai na she, dai Madu kaw na chyeju hkam la lu ai zawn, ngai jeyang ai lam shapraw nngai.

2 KORINHTU 4:1

Dai rai nna, chyeju lu la sagaw ai hte maren, ndai ahkang aya gun hpai lu ga ai majaw, anhte n hki n sang ga ai:

EHPESU 4:32

Nanhte shada da mai kaja ai, matsan dum ai myit madun hkat nna, Karai Kasang gaw Hkristu hta e nanhte a mara raw dat kau ya manit dai hte maren, nanhte mung shada da a mara raw dat kau nga mu.

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

1 TIMOHTI 1:13

Ngai chyawm gaw, shawng e shatan nhkan ai, zingri zingrat ai hte sheng mareng re ai wa rai nga nngai rai timung, n chye n chyang ai hte kamsham ai myit n rawng ai sha dai hpe galaw nngai majaw, matsan dum la ai ngai hkrum nngai:

1 TIMOHTI 1:16

Dai yubak kap ai ni hta ngai mahtang yubak kaba htum ai wa rai nga nngai rai timung, Hkristu Yesu gaw shi a matsan dum ai yawng mayawng, ngai yubak kaba htum ai wa hpe madun dan lu nna, htani htana asak lu la hkra, hpang de shi hpe kamsham na mara ai ni a matu mara kumla tai na majaw, ngai hkum nan chyeju lu la ni ai.

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

HEBRE 6:10

Kaning rai nme law, nanhte chyoi pra ai ni hpe galaw daw manit dai hta n ga, galaw daw dingyang rai nga let, Karai Kasang a mying nsang a matu magam bungli gun hpai nna tsawra ai myit madun ai lam hpe, malap kau ya na gaw, shi n ding n hpring nga ai, n rai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 2:10

Nanhte mung, shawng e amyu rai nga myit dai n rai, ya chyawm gaw, Karai Kasang a amyu rai wa manit dai; shawng e chyeju hkam la manit dai n rai, ya chyawm gaw, chyeju hkam la lu manit dai.