MAHTE 5:48 - Jinghpaw Hanson Version Bible

⁴⁸ Dai majaw, sumsing lamu na nanhte a Kawa gaw kup nga ai hte maren, nanhte mung kup kup rai nga mu.

Jinghpaw Common Language Bible 2009

⁴⁸ Dai majaw sumsing lamu na nanhte a Kawa gaw kup tsup nga ai hte maren, nanhte mung kup tsup nga mu.

MAHTE 5:48 ပူးပေါင်းရင်းမြစ်များ

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

2 SAMUELA 22:31

Karai Wa a lam ni chyip chyip rai nga ai; Yehowa a ga kangka rai nga ai: Shi hta shingbyi ai ni nlang hte a ngang shi rai nga ai.

SHAKAWN KUNGDAWN 37:37

Mara n rawng ai wa hpe matsing u, Myit malang ai wa hpe mada yu u: Ngwi ai lam hkan ai wa a aru arat pra nga ai.

JAW JAU 11:44

Kaning rai nme law, Ngai nanhte a Karai Kasang Yehowa rai nga nngai: Ngai chyoi pra nga nngai majaw, nanhte mung tinang hkum hpe shachyoi shapra nna, chyoi pra nga mu: ga e gumrawt hkawm ai hpa baw dusat amyu hte muk nanhte a hkum hpe hkum wu kau myit.

JAW JAU 19:2

Israela kashu kasha ni a shawa hpung ting hpe ning ngu tsun u: Nanhte a Karai Kasang, ngai Yehowa, chyoi pra nga nngai majaw, nanhte mung chyoi pra nga mu.

JAW JAU 20:26

Ngai Yehowa chyoi pra nga nngai rai nna, nanhte nye a ni tai na matu, amyu kaga ni hte jahka da masade ai majaw, nye a chyoi pra ai ni nanhte tai nga lu na rai myit dai.

MAHTE 5:16

Dai rai nna, masha ni gaw nanhte a kaja ai bungli mu lu nna, sumsing lamu e nga ai nanhte a Kawa hpe shagrau sha-a lu mu ga, shanhte a man e nanhte a nhtoi hpe htoi tu shangun da mu law.

MAHTE 5:45

shing rai yang gaw, sumsing lamu hta nga ai nanhte a Kawa a kashu kasha ni gaw, nanhte tai na marin dai; kaning rai nme law, n kaja ai ni hte kaja ai ni a ntsa e, shi a jan hpe shi pru shangun nga ai rai nna, dinghpring ai ni hte n ding n hpring ai ni a ntsa e, marang jahtu ya mu ai.

MAHTE 5:47

Nanhte a nhpu nnau ni hpe sha hkrum shaga myit yang gaw, hpa grau shara nga na myit ta? tara maigan ni mung, dai hte maren galaw ma ai, n rai ni?

LUKA 6:36

Nanhte a Kawa matsan dum chye ai hte maren, nanhte mung matsan chye dum mu.

LUKA 6:40

Sape gaw sara hta grau ai n rai: hkum hkra sharin la sai wa kadai mung, tinang a sara zawn rai na ra ai.

2 KORINHTU 13:11

Dai hta kaga gaw, hpunau ni e, kabu gara nga mu; hkum hkum tsup tsup rai nga mu; shangwi shapyaw ai hkam la mu; myit mang langai sha rai nga mu; ngwipyaw ai lam hkan nna, tsawra myit rawng ai hte ngwipyaw shangun ai Karai Kasang gaw nanhte hte rau anga nga na ra ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

EHPESU 3:1

Ndai lam a majaw, nanhte maigan masha ni a matu mara, Hkristu Yesu a lam bawng dung ai wa, ngai Pawlu gaw;

TARA JAHPRANG 18:13

Nang gaw na a Karai Kasang Yehowa man e hkum tsup nga na rai ndai.

TARA JAHPRANG 27:10

Dai re ai majaw na a Karai Kasang Yehowa a ga madat nga nu; dai ni ngai htawn tsun ai hkang da ai ga hte matsun maroi hpe hkan shatsup nga u,” ngu nna tsun mu ai.

KOLOSE 1:28

Masha shagu hte hpe Hkristu a man e hkum tsup ai hte jashawn lu u ga, shi a lam anhte hkaw dan nna masha shagu hpe shadum jahprang ai hte, masha shagu hpe hpaji byeng-ya amyu myu hte sharin shaga nga ga ai.

KOLOSE 4:12

Nanhte kaw na rai nga ai Hkristu Yesu a mayam Epahpra gaw nanhte hpe shakram dat myit dai: nanhte gaw Karai Kasang a myit mang ai hku nlang hte hta hkum tsup ai hte dinggrin nga let lahpran tsap nga lu myit ga, dai akyu hpyi ai hta shi nanhte a matu mara tutnawng e shingjawng hkat nga ai.

YAKU 1:4

Dai hta n-ga, nanhte hkum hkum chyip chyip rai lu nna, hpa hta mung n kadawn myit ga, shakut sharang ai myit gaw tinang a atsup nga ai bungli hpe, shangut kau lu u ga.

1 YAWHAN 3:3

Shi hta e, dai zawn myit mada lu ai masha gaw, shi hkum nan chyoi pra nga ai hte maren, tinang hkum hpe mung shachyoi shapra nga ai.