MAHTE 5:44 - Jinghpaw Hanson Version Bible

⁴⁴ Ngai mahtang nanhte hpe tsun made ai gaw, nanhte a hpyen ni hpe tsawra mu: nanhte hpe zingri zingrat ai ni a matu mara akyu hpyi mu:

Jinghpaw Common Language Bible 2009

⁴⁴ Rai ti mung, ya ngai nanhte hpe tsun made ai gaw: nanhte a hpyen ni hpe tsaw ra mu; nanhte hpe zingri ai ni a matu mara akyu hpyi ya mu.

MAHTE 5:44 ပူးပေါင်းရင်းမြစ်များ

2 HKAWHKAM 6:22

Shi gaw, “Nang shanhte hpe sat kau lu na, nrai; na a ri nhtu ndan pala ni hte rim la lu ai ni hpe, sat kau mai na, rai ni? shanhte lusha nna tinang a madu hpang de bai wa lu hkra, shanhte hpe muk hte ntsin daw jaw mu,” ngu nna htan wu ai.

SHAKAWN KUNGDAWN 7:4

Ngai hte hku ai wa hpe n kaja ai lam bai tai nna, Ngai hpe gumlau ai wa hpe pyi, pagawn di taw gaw:

GA SHAGAWP 19:11

Sadi sahka re ai wa gaw, myit galu kaba nga ai rai nna, Masha wa shut ai hpe, hkam mana ai gaw, shi a arawng rai nga ai.

LUKA 23:34

Shaloi Yesu gaw, “Wa e, shanhte a mara dat kau ya mu: shanhte galaw ai lam hpe shanhte n chye nga ma ai,” nga ai. Shanhte gaw shi a hpun palawng ni hpe mung, hpaida da nna karan la ma ai.

YAWHAN 13:34

Nanhte shada da tsawra nga mu, ngu nna tara ningnan ngai nanhte hpe jaw da made ai: ngai nanhte hpe tsawra made ai zawn, nanhte mung shada da tsawra nga na rai myit dai.

KASA 16:28

Pawlu chyawm gaw, “Nang dai, na hkum hpe hkum shaza et, anhte nlang ahkum sha rai nga ga ai law,” ngu nna aja awa jahtau tsun wu ai.

KASA 7:60

Bai, hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai: dai tsun ngut jang shi yup mat wa ai.

ROMA 12:14

Nanhte e zingri zingrat ai ni hpe shaman ya mu; shaman ya mu, dagam dala hkum rai myit.

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

1 PETRU 2:23

Shi aroi arip hkrum yang, bai roi htang ai n rai; nni nkri hkrum yang, ahkrim nga ai n re ai sha, dingman ai hku dawdan ai wa a lata hta e, shi a hkum hpe ap da nu ai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 SAMUELA 24:17

Bai shi gaw, “Nang mahtang ngai hta grau ding nga nit dai; ngai nang hpe n hkru ai hku galaw nit dai; ngai nang hpe kaja ai hku htang nit dai.