MAHTE 5:4 - Jinghpaw Hanson Version Bible

⁴ Yawn hkyen hkrum ai ni gaw, a lu ma ai; kaning rai nme law, shanhte shalan shabran ai hkrum na mara ai.

Jinghpaw Common Language Bible 2009

⁴ “Yawn hkyen hkrum ai ni gaw a lu ma ai; hpa majaw nga yang, Karai Kasang shanhte hpe shalan shabran na maru ai!

MAHTE 5:4 ပူးပေါင်းရင်းမြစ်များ

ESAIA 12:1

Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

ESAIA 25:8

Shi gaw si hkrung si htan hpe mayu kau nu ai; Madu Yehowa gaw myi man shagu a myi prwi katsut kau na ra ai; shi a amyu hkrum ai kaya kahpa hpe mung, ga ntsa ting na shaprai kau na ra ai: dai lam Yehowa tsun da sai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 57:18

shi a arawn alai ngai mu se ai; ngai shi hpe shamai shatsai na nngai; ngai shi hpe woi wa nna, shi a matu mung, shi hte rau sharung shayawt ai ni matu mung, ngwipyaw lam bai shatai na nngai.

ESAIA 66:10

“Yerusalem hpe tsawra ai ni e, shi hte rau kabu gara ai hte myit pyaw nga mu; shi a lam sharung shayawt ai ni, yawng hte e, shi hte rau kabu gara ai myit hte awng sharawng nga mu:

ESAIA 66:2

Nye a lata dai lam yawng mayawng hpe galaw da nna, dai ni mahkra byin wa sai: rai timung ngai gaw, myit kyip ai hte gawng run nna, nye a ga majaw hkrit gari chye ai wa hpe, mada yu nngai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

EZEKELA 9:4

Yehowa gaw, “Yerusalem mare ka-ang hku lai wa nna, mare kata e galaw ai matsat shabat amu majaw madai nna, hkrap ngu hkrap ngoi ai ni a lahtan hpe, mahkret matsing u,” ngu nna shi hpe tsun wu ai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

LUKA 16:25

Shaloi Abraham gaw, “Sha e, nang gaw naw hkrung nga ai hte yang, na a ngamu ngamai lu la nit dai mung, Lazaru gaw dai hte yang tsin-yam tsindam hkrum nga ai mung, dum nga u; ya chyawm gaw shi nang e bran nga sai, nang mahtang gaw nji nmu hkrum nga nit dai.

LUKA 6:21

Ya kawsi nga ai ni, nanhte a lu myit dai: kaning rai nme law, nanhte hkru kat lu na marin dai. Ya hkrap nga ai ni, nanhte a lu myit dai: kaning rai nme law, nanhte mani na marin dai.

LUKA 6:25

Ya hkru kat nga ai ni nanhte dingnye lu myit dai: kaning rai nme law, nanhte gaw kawsi ai hkrum na marin dai. Ya mani nga ai ni nanhte dingnye lu myit dai: kaning rai nme law, nanhte gaw sharung shayawt ai hte hkrap ngu hkrap ngoi ai hkrum na marin dai.

LUKA 7:38

shingdu maga Yesu a lagaw nhpang e hkrap tsap nga let shi a lagaw hpe myi prwi hte madit ya wu ai rai nna, shi a kara hte katsut kau ya wu ai: shi a lagaw hpe mung shi pup nna, mura hte chya ya wu ai.

LUKA 7:50

Shi gaw, Na a kamsham ai gaw nang hpe hkye la nit dai; a pyaw sha wa nu, ngu nna dai numsha hpe tsun dat wu ai.

YAKU 1:12

Agung alau hkrum yang shakut sharang ai wa gaw, a nga lu ai: kaning rai nme law, dinglik yu ai hkrum ngut jang, Karai Kasang shi e tsawra ai ni hpe ndat da ai asak janmau gaw, shi lu la na ru ai.

SHINGRAN 21:4

shi gaw shanhte a myi hta na myi prwi pru mapru katsut kau ya na ra ai: htawm hpang e si hkrung si htan n nga lu na sai; sharung shayawt ai, hkrap ngu hkrap ngoi ai, hki si ba si ai mung, n nga lu na sai: shawng na lam nga manga hte gaw lai mat wa sai” nga nna tsun ai, ngai na nngai.