MAHTE 5:39 - Jinghpaw Hanson Version Bible

³⁹ Ngai mahtang nanhte hpe tsun made ai gaw, N hkru ai wa hpe hpa mung hkum tai mu; na a hkra shabyi bye ai wa hpe, maga mi naw ja ya u.

Jinghpaw Common Language Bible 2009

³⁹ Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

MAHTE 5:39 ပူးပေါင်းရင်းမြစ်များ

1 HKAWHKAM 22:24

Dai rai nna Hkenana kasha Zedekia sit sa nhtawm, Mihkala hpe kahpret nna, “Yehowa Wenyi gaw nang hta shung lu hkra, gara lam hku ngai kaw na pru wa sata?” ngu wu ai.

YOBA 16:10

Masha ni gaw ngai hpe n-gup mahka nga ma ai: kaya kahpa jahkrum let nye shabyi kahpret ya mi ai; ngai hpe htim na rau zuphpawng nga ma ai.

GA SHAGAWP 20:22

“Ngai matai dawp na nngai,” nga nna hkum tsun et; Yehowa hpe ala nga u, shi nang hpe hkye la na ra ai.

GA SHAGAWP 24:29

“Shi ngai hpe di ai hte maren, ngai shi hpe di na we ai; Shi galaw ai hte maren ngai tai na we ai,” nga nna hkum tsun e.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

SHARUNG SHAYAWT 3:30

Tinang a shabyi kayat ai wa hpe ja ya nna, shatan nhkan hte shi hpring chyat nga u ga.

JAW JAU 19:18

Na a amyu masha ni hpe nang hkum nan matai htang lu na n rai: masin n si ai myit mung rawng nga lu na n rai: na a htingbu wa hpe na a hkum hte maren nang tsawra lu na ndai: ngai gaw Yehowa rai nga nngai.

MIHKA 5:1

Ya chyawm gaw, luksuk laba ni a kanu e, na a luksuk laba ni hpe hkyen tawn u: hpyen wa gaw anhte hpe wang tawn sai; shanhte gaw, Israela tara agyi wa a shabyi hpe, ri tawng hte kayat na mara ai.

MAHTE 5:40

Nang hpe tara dara nna na a lawnghkoi la kau mayu ai wa hpe, na a palawng hpe mung hkum ndang u;

LUKA 22:64

shi a myi man magap kau ya nhtawm, “Myihtoi htoi yu u; nang hpe htwi ai gaw, kadai wa rai ta?” ngu nna san mu ai.

LUKA 6:7

Dai rai nna, laika ka ai sara ni hte Hparishe ni gaw, shi hta mara shagun lu hkra, “Laban nhtoi hta shamai ya na ra ai kun?” nga nna shi hpe gyam yu ma ai:

YAWHAN 18:23

Yesu gaw, “Ngai tsun ai ga n kaja yang gaw, n kaja ai ngu nna sakse hkam u; ga kaja she ngai tsun ai rai yang me, nang hpa rai ngai hpe kahpret n ta?” ngu nna htan wu ai.

1 KORINHTU 6:7

Shing rai, ya nanhte shada da shawk hkat ai amu rawng nga myit dai gaw, nanhte a shut ai lam majing rai nga malit dai. Hpa majaw sharu shatsang ai mahtang n hkam myit ta? Map lu map sha ai hpe hpa majaw n hkam myit ta?

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

HEBRE 12:4

Nanhte gaw yubak hpe katut gasat na matu asai pru hkra garai n hkap daw yu myit dai:

YAKU 5:6

Dai dinghpring ai wa hpe nanhte dawdan nna, sat kau manu ai; shi gaw nanhte hpe ban hkum nga ai n rai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.