MAHTE 5:37 - Jinghpaw Hanson Version Bible

³⁷ Na a ga gaw, Rai sa nga yang, rai u ga, N rai, nga yang, n rai u ga; dai hta lai ai ga nlang hte gaw n kaja ai wa hte seng nga ai.

Jinghpaw Common Language Bible 2009

³⁷ Na ga gaw, ‘Re ai’ shing n rai, ‘N re ai,’ ngu nna sha tsun u. Dai hta jan nna nang tsun ai ga gaw n kaja ai wa kaw na pru ai ga rai nga ai.

MAHTE 5:37 ပူးပေါင်းရင်းမြစ်များ

MAHTE 13:19

Kadai mung, dai mungdan lam hpe na ninglen n chye la yang gaw, dai n hkru ai wa sa du nna, shi a myit hta gat ai nli hpe shaw la kau wu ai: dai gaw lam makau e gat ai nli hpe rai nga ai.

MAHTE 13:38

Kaja ai nli gaw, dai mungdan a kashu kasha ni rai nga ma ai; tsing gaw, dai n hkru ai wa a kashu kasha ni rai nga ma ai;

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

MAHTE 5:36

Na a baw hta mung dagam lu na ndai n rai: nang gaw kara singgawng langai mi hpe pyi, hpraw u ga chyang u ga n galaw lu ndai.

MAHTE 6:13

Agung alau nga ai de, anhte hpe n sa shangun ai sha, N kaja ai lam hta na, shaw la mi law.

YAWHAN 17:15

Ndai ni hpe mungkan ga na htawt la na, ngai hpyi nngai n rai, n shawp n kap ai hta na shanhte hpe makawp maga na she, ngai hpyi nngai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

EHPESU 4:25

Dai rai nna, masu matsa ga hpe kau da nhtawm, langai hte langai tinang a htingbu wa hpe tengman ai ga sha tsun nga mu: kaning rai nme law, anhte shada da a daw shan ni rai nga ga ai.

EHPESU 6:16

Dai hta n-ga, n hkru n hkra ai wa a wan pala nlang hte hpe sat dang kau lu na, makam masham ngu ai n-gang hpe lang kahtap nga mu.

KOLOSE 3:9

Shada da masu magaw ga hkum tsun myit: kaning rai nme law, dai gawng shing-yan dingsa hte tinang a arawn alai hpe, nanhte raw kau myit dai rai nna,

KOLOSE 4:6

Langai hte langai hpe kaning rai htan lu na chye lu u ga, nanhte a ga hta galoi mung chyeju lawm nga nna, jum hte a shum nga u ga.

2 HTESALONI 3:3

Dai Madu chyawm gaw kangka rai nga ai rai nna, shi nanhte hpe shangang jahkang ya nna, n hkru n hkra ai hta na, bau sin na marin dai.

YAKU 5:12

Ya mahkra hta n-ga nye a hpunau ni e, hpa hpe mung dagam dala hkum nga myit: sumsing lamu hte dinghta aga hpe dagam dala hkum nga myit: dagam dala ai ga kaga mung hkum tsun nga myit. Nanhte dawdan ai n hkrum myit ga, nanhte a aga gaw, Re ai gaw, re ai, N re ai gaw, n re ai, rai nga malit ga.

1 YAWHAN 2:13

Ji Wa ni e, shawng npawt kaw nna nga nga ai wa hpe, nanhte chye nga myit dai majaw, ngai nanhte hpe ka dat nngai. Shabrang ni e, ndai n hkru ai wa hpe, nanhte dang kau myit dai majaw, ngai nanhte hpe ka dat nngai.

1 YAWHAN 3:12

Dai n hkru ai wa hte seng ai Ka-in gaw, shi a kanau hpe sat kau wu ai zawn n rai. Shi hpe hpa re ai majaw, sat kau wu hka? Shi a amu bungli n kaja nga lu ai hte, shi kanau a amu bungli mahtang kaja nga ai majaw, shi hpe sat kau wu ai rai.

1 YAWHAN 5:18

Karai Kasang kaw na shaprat ai wa kadai rai timung, yubak n galaw ga ai, anhte chye ga ai; Karai Kasang kaw na shaprat ai wa gaw, shi hkum hpe hkang lu ai hte, dai n hkru ai wa gaw, shi hpe n kahtep lu ai.