MAHTE 5:32 - Jinghpaw Hanson Version Bible

³² Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, shi hpe la shaw shangun nu ai; (dai jahka kau ai num hpe hkungran ai wa mung, num shaw ai amu galaw nu ai.)

Jinghpaw Common Language Bible 2009

³² Ngai mahtang nanhte hpe tsun made ai gaw, la shaw ai majaw sha n rai yang gaw, tinang a num hpe jahka ai wa gaw, madu jan kaga la hte bai hkungran ai hte rau la shaw ai amu galaw shangun nu ai. Dai num hpe hkungran la ai wa mung num shaw ai amu galaw nu ai.

MAHTE 5:32 ပူးပေါင်းရင်းမြစ်များ

YEREMIA 3:9

Shing rai, shi ladu lai ai shawa num amu hte mungdan hpe awu asin di kau nna, nlung hte mung, hpuntawng hte mung, shut hpyit nga ai.

MAHTE 5:28

Ngai mahtang nanhte hpe tsun made ai gaw, myit madu hte numsha hpe yu yu nna ra ai wa gaw, shi a myit hta, dai numsha hte, num shaw ai amu galaw nu ai.

LUKA 16:18

Tinang a madu jan hpe jahka kau nna, num kaga la ai wa kadai mung, num shaw ai rai nga ai: madu wa jahka kau ai num hpe la ai wa mung, num shaw ai rai nga ai.

LUKA 9:30

Shaloi, yu mu, Mawshe yan Elia ngu ai masha lahkawng, hpung shingkang hte dan pru nna,

LUKA 9:35

Dai sumwi hta nna mung nsen ngoi pru wa ai gaw, Ndai wa gaw, ngai Sha, ngai lata la ai wa rai nga ai: shi a ga madat mara mu, nga ai.

ROMA 7:3

Dai re ai majaw, madu wa garai n si yang, la kaga kaw wa a yang gaw, la shaw ai num shi hpe ngu na rai nga ai; madu wa si mat sayang chyawm gaw, tara hta na shi lawt lu sai rai nna, la kaga kaw wa timung, la shaw ai num tai na n rai.

1 KORINHTU 7:4

Madu jan gaw tinang hkum hpe n up lu ai sha, dai madu wa she up nga ai; dai hte maren, dai madu wa mung tinang hkum hpe n up lu ai sha, madu jan she up nga ai.

TARA JAHPRANG 24:2

shaloi dai numsha gaw madu wa a nta na pru wa ai hpang, lasha kaga kaw wa lu na ahkang nga nga ai.