MAHTE 5:25 - Jinghpaw Hanson Version Bible

²⁵ Nang hpe hka galaw ai wa hte rau, lam e naw sa wa yang, shi hte myit alawan jahkrum u; shing n rai, dai hka galaw ai wa gaw, tara agyi a lata hta nang hpe ap kau na ra ai; tara agyi gaw mang galang kaw nang hpe ap kau na ndai rai nna, htawng hta jahkrat kau ai nang hkrum na rin dai:

Jinghpaw Common Language Bible 2009

²⁵ Marai langai ngai tara rung e nang hpe hka jun a yang gaw, tara rung de garai n du yang aten naw nga ai laman alawan pyaw hkra jahkrum kau u. Dai hku n galaw jang, shi hte tara rung de du ai hte rau hka jun ai wa gaw tara agyi a lata de nang hpe ap kau na ra ai; tara agyi gaw palik ni a lata de bai ap kau nna nang hpe htawng bang da na mara ai.

MAHTE 5:25 ပူးပေါင်းရင်းမြစ်များ

YOBA 22:21

Shi hte hkau chyap nna, ngwipyaw nga u; shing rai yang, ngamu ngamai hkrum na ndai.

SHAKAWN KUNGDAWN 32:6

Dai re ai majaw nang hpe hkrum lu ai aten hta e, Chyoi pra ai ni nlang nang kaw hpyi mu ga; Gaja wa, hka kaba tung wa timung, Shanhte kaw du lu na n rai.

GA SHAGAWP 25:8

Alawan hkum ga law et; Htingbu wa nang hpe kaya jahkrum kau yang, nang kaning rai na n ta?

MAHTE 26:58

Petru chyawm gaw, hkinjawng agyi a wang du hkra shi a hpang e tsan tsan e hkan nang nna, dai hta e shang nhtawm, dai amu htum na hpe yu yu na, ali ama ni hte rau dung nga ai.

LUKA 18:3

Dai mare hta gaida jan langai mi mung nga ai; shi gaw dai tara agyi wa kaw sa nna, ‘Ngai hte amu rawng ai wa hpe mara hte maren tai ya e,’ nga nna a tsun nga ai.

2 KORINHTU 6:2

Kaning rai nme law, Ang wa ai aten e ngai na a ga madat ya de ai, Hkye hkrang la ai nhtoi e ngai nang hpe karum de ai, nga nna shi tsun nga ai; yu mu, ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

HEBRE 12:17

kaning rai nme law, hpang e dai shaman ya ai akyu lu la mayu yang, shi shinggan kau ai hkrum nga ai hpe, nanhte chye nga myit dai: myi prwi pru ai hte myit malai shara nhtang tam katu timung, kanang na n mu la nu ai.

HEBRE 3:13

yubak e hkalem hkalau kau ai hte nanhte hta na langai mi muk myit n shaja malit ga, Dai ni, ngu nna, naw tsun lu ai laman hte made hta, shani shagu shada da shadum jahprang nga mu;

HEBRE 3:7

Dai re ai majaw, dai Chyoi pra ai Wenyi tsun ai hte maren, “Nanhte dai ni shi a nsen na myit yang gaw,