MAHTE 5:22 - Jinghpaw Hanson Version Bible

²² Ngai mahtang nanhte hpe tsun made ai gaw, tinang a kahpu kanau wa hpe masin pawt ai wa kadai rai timung jeyang ai hte ging dan nga ai: tinang a kahpu kanau wa hpe, Raka, nga ai wa gaw, dai salang hpawng a dawdan ai hte ging dan nga ai: bai, Mana ndai, nga ai wa gaw, ngarai a wan hte ging dan nga ai.

Jinghpaw Common Language Bible 2009

²² Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MAHTE 5:22 ပူးပေါင်းရင်းမြစ်များ

NINGPAWT NINGHPANG 37:4

Shanhte a kawa gaw shi kasha ni mahkra hta Yawsep hpe grau tsaw da wu ai gaw kahpu ni mu mu yang, shanhte gaw shi hpe n dawng nga ma ai rai nna, shi hpe ga ngwi ga sau hkaw mi muk n tsun kam ma ai.

NINGPAWT NINGHPANG 37:8

Shi a kahpu ni gaw, Gaja wa, anhte a ntsa e, nang wa hkawhkam tai na rai nga n ni? anhte a ntsa e, gaja wa, up lu na rin ni? nga nna shi a yup mang hte shi a ga majaw, shi hpe grau nna n dawng mu ai.

2 SAMUELA 16:7

Shimi matsa ai ga gaw, “Masha sat ai, n hkru ai wa e, hprawng u, hprawng u;

2 SAMUELA 6:20

Bai Dawi gaw shi a hkaw nhku na ni hpe shaman ya na nga, wa nna du jang, Shawlu a kasha Mihkala gaw hkap tau hkra rai nna, Dawi hpe, “myit n rawng ai, kaya kahpa n chye hkra hkra, tinang hpun palawng pyi n mazang ai, tinang a ali ama ni a mayam num ni a man e labu hpaw rawng ai, Israela a hkawhkam wa, dai ni arawng gade wa kaba sahka!” Ngu wu ai.

1 HKAWHKAM 21:4

Shing rai, Ngai ji wa ni a Sali wunli ga nang hpe n jaw na de ai, nga nna Yezrela masha Nabot gaw Ahab hpe tsun wu ai majaw, shi gaw myit ru nna nji nmu let shi a nta de bai wa nhtawm, yup ku hta kaleng taw let, myi man makoi kau nna, shat n sha hkraw ai.

2 HKAWHKAM LABAU 16:10

Dai ga majaw Asa gaw myihtoi wa hpe masin pawt nna, htawng hta e rawng da wu ai: shi gaw dai lam majaw shi hpe n-yun bu nna, dai aten e, mung masha nkau mi hpe mung sharu shatsang mu ai.

2 HKAWHKAM LABAU 19:5

Dai hta kaga shi gaw Yuda mung ting na bunghku kum ai mare ni langai hte langai hta tara agyi ni hpe tawn da mu ai rai nna,

NEHEMIA 5:8

“Maigan masha ni a lata hta yamnga ai, anhte a hpunau Yuda masha ni hpe, anhte dang lu ai hte maren shaw la nhtawm, ya, nanhte gaw, hpunau ni hpe bai dut kau nga myit ni? shanhte gaw hpunau ni kaw yamnga lu na rai ma ni?” ngu nna tsun mu yang, shanhte hpa mung n htan ai, atsin sha nga nga ma ai.

SHAKAWN KUNGDAWN 109:3

Shanhte gaw n dawng n yawt ai ga hte, ngai hpe kawan da mi ai rai nna, mara n nga timung, ngai hpe hpyen galaw ma ai.

SHAKAWN KUNGDAWN 14:1

Mana ai wa gaw, “Karai Kasang n nga ai,” nga nna shi a kraw e a tsun nga ai. Shanhte tsam mat nga ma ai rai nna, Matsat shabat lailen hkan nang ma ai: Kadai mung kaja ai amu n galaw ma ai.

SHAKAWN KUNGDAWN 25:3

Rai sa, nang hpe myit mada ai ni nlang, kaya kahpa n hkrum lu ma ai. Myit magaw ai ni mahtang, kaya kahpa hkrum na mara ai.

SHAKAWN KUNGDAWN 35:19

Masu ai lam hkan nna ngai hpe gumlau ai ni, n kabu lu mu ga, Mara n nga ai mi, ngai hpe n dawng ai ni, myi kunglau n rai lu mu ga.

SHAKAWN KUNGDAWN 37:8

Masin pawt ai kau u, n-yun hkum bu et. Myit hkum kahtet et, yubak sha pru na ra ai.

SHAKAWN KUNGDAWN 49:10

Gaja wa, hpaji hparat rawng ai wa si mat ai hte, Mana ai wa hte angawk ai wa rau hten mat nna, Tinang a sutgan hpang na ni hpe htawng da ya ma ai gaw, shi a mu lu nga ai.

SHAKAWN KUNGDAWN 69:4

Mara n nga timung, ngai hpe n dawng ai ni, Nye baw a kara hta grau law nga ma ai: Ngai hpe jahten mayu ai, masu ai gumlau ni, n-gun ja nga ma ai. Ngai n kashun la ai arai hpe pyi, Ngai bai ya lu nga nngai.

SHAKAWN KUNGDAWN 7:4

Ngai hte hku ai wa hpe n kaja ai lam bai tai nna, Ngai hpe gumlau ai wa hpe pyi, pagawn di taw gaw:

SHAKAWN KUNGDAWN 92:6

Dai gaw karing karang masha n chye na lu ai, Angawk ai wa mung n myit hkawn lu ai.

GA SHAGAWP 14:16

Hpaji rawng ai wa gaw, yubak hpe hkrit ai hte koi kau nga ai; Angawk ai wa chyawm gaw, gumrawng nna share nga ai.

GA SHAGAWP 18:6

Angawk ai wa a n-gup gaw ga law chye nga ai; Shi a n-gup gaw shingna hpyi nga ai.

YEREMIA 17:11

N tara ai sutgan hpe mahkawng da ai wa gaw, tinang n di ai udi hpum ai u preng hte bung nga ai: shi prat hpungngang garai n du yang, dai sutgan shi hte hka wa nna, shi a jahtum ai gaw angawk ai rai nga ai.

SHARUNG SHAYAWT 3:52

Mayu lakdik e ngai hpe hpyen ai ni gaw, u hpe zawn, ngai hpe hkan tam ma ai.

Daniela 3:13

Shaloi Nebuhkadneza gaw masin pawt nna n-yun bu let, Shadrak, Meshak, Abed-nego hte hpe, Shaga mu, ngu nna hkang dat wu ai. Shaloi shanhte gaw, dai ni hpe hkawhkam wa man de jashawn mu ai.

Daniela 3:19

Dai rai nna Nebuhkadneza n-yun bu ai hte, Shadrak, Meshak, Abed-nego majaw myi man hten nna, dai wan htung hpe shawng na hta, htam sanit kahtet shangun na matu, ga hkang dat mu ai.

OBEDIA 1:10

Na nnau Yaku hpe adip arip di kau wu ai majaw, kaya kahpa nang hpe htinggrum nna, htani htana jahtum kau ai nang hkrum na rin dai.

OBEDIA 1:12

Na nnau wa tsin-yam tsindam hkrum ai shani e, hkum yu sharawng et; Yuda kashu kasha ni hten byak hkrum ai nhtoi hta, hkum yu kabu et; shi ru tsang hkrum ai nhtoi hta, myit kaba ai ga hkum tsun et.

MAHTE 10:17

Rai timung, masha ni hpe sadi nga mu: kaning rai nme law, shanhte gaw salang hpawng ni a lata hta nanhte hpe ap kau na mara ai rai nna, shanhte a tara jawng ni hta e nanhte hpe anu kayat na marin dai.

MAHTE 10:28

Hkum tsawp hpe sha sat kau nna, myit masin hpe n sat kau lu ai ni hpe hkum hkrit mu: myit masin hte hpawn hkum tsawp hpe ngarai mung hta e jahten kau lu ai wa hpe grau nna hkrit nga mu.

MAHTE 12:24

Hparishe ni mahtang dai hpe na jang, “Nat ni a du Bezebula hte n rai yang gaw, ndai wa nat ni hpe shaden kau lu na n rai,” nga ma ai.

MAHTE 17:5

Dai ga shi naw tsun nga yang, yu mu, htoi tu ai sumwi gaw shanhte hpe ka-up mu ai hte dai sumwi hta na nsen pru nna, “Ndai wa gaw ngai sharawng awng ai, ngai tsawra ai ngai Sha rai nga ai: shi a ga madat mara mu,” nga ai.

MAHTE 18:21

Shaloi Petru shi kaw sit sa nna, “Madu e, nye hpunau wa ngai hpe bai shut shut rai yang gaw, ngai gade lang shi a mara raw kau nga lu na rai ta? sanit lang du hkra rai ni?” ngu wu ai.

MAHTE 18:35

Shing rai nanhte hta na kadai wa rai timung, tinang a hpunau wa mara hpe myit masin yawng hte n raw kau ya myit yang gaw, sumsing lamu na nye Wa mung, nanhte hpe tai na marin dai,” ngu wu ai.

MAHTE 23:15

Hpyi hpun ai laika ka ai sara ni hte Hparishe ni e, nanhte dingnye lu myit dai: sape langai mi shatai la na, nga nna nanhte gaw nammukdara hte hkarang lam grup grup kahkrang hkawm myit dai rai timung, shi hpe shatai la ngut yang, nanhte hta htam lahkawng grau hkra, ngarai mung na kasha tai shangun mu ai.

MAHTE 23:33

Lapu ni e pu htum a amyu e, Ngarai mung a ari hta na, nanhte kaning rai lawt lu na myit ta?

MAHTE 25:41

Bai, pai maga de nga ai ni hpe, ‘Dagam dala hkrum ai ni e, ngai hte hka wa nna nat gumlau hte shi a salung sala ni a matu lajang da ai n htum n mat ai wan de shang wa mu:

MAHTE 26:59

Shaloi hkinjawng agyi ni hte, salang hpawng ting gaw, Yesu hpe sat kau lu hkra, shi a lam masu ai sakse tam nga nna, masu ai sakse hkam na ni law law wa dawng pru ma timung, shanhte mara n mu mu ai.

MAHTE 3:17

dai hta n-ga, “Ndai wa gaw ngai sharawng awng nga ai, ngai tsawra ai Kasha rai nga li ai,” nga nna lamu de na nsen ngoi pru wa ai.

MAHTE 5:34

Ngai mahtang nanhte hpe tsun made ai gaw, nanhte hpa mung dagam dala rai lu na myit dai n rai: lamu hpe dagam lu na myit dai n rai; dai gaw Karai Kasang a tingnyang rai nga lu ai:

MAHTE 5:44

Ngai mahtang nanhte hpe tsun made ai gaw, nanhte a hpyen ni hpe tsawra mu: nanhte hpe zingri zingrat ai ni a matu mara akyu hpyi mu:

MARKU 14:55

Shaloi dai hkinjawng agyi ni hte, salang hpawng ting gaw, Yesu hpe sat kau lu hkra, sakse tam nga ma timung, n mu mu ai:

MARKU 15:1

Dai jahpawt manap e pyi, hkinjawng agyi ni, agyi salang ni, laika ka ai sara ni hte dai salang hpawng ting gaw bawng hkut masai rai nna, Yesu hpe gyit nhtawm, shi hpe dun wa nna, Pilat kaw ap ya mu ai.

LUKA 12:5

Kadai hpe sha hkrit mai ai gaw, ngai nanhte hpe shadum made ga; Hkum tsawp hpe sat kau ngut jang, ngarai kata de jahkrat kau na ahkang lu ai wa hpe chyawm gaw, hkrit nga mu: rai sa, ngai nanhte hpe tsun made ai gaw, Dai wa hpe hkrit nga mu.

LUKA 22:66

Nhtoi htoi yang, mung masha ni a salang hpung rai nga ai, hkinjawng agyi ni hte laika ka ai sara ni, zuphpawng ma ai rai nna, dai ni a salang hpawng de shi hpe woi wa nhtawm,

YAWHAN 11:47

Dai rai nna hkinjawng agyi ni hte Hparishe ni gaw, du salang ni hpe shaga jahpawng nhtawm, “Anhte kaning re ai rai nga ga ta? dai wa gaw lamik kumla law law madun dan nga ai.

YAWHAN 15:25

Rai timung dai gaw, Mara n nga nga timung, shanhte ngai hpe n dawng n yawt ma ai, nga nna shanhte a tara laika hta ka da ai ga dik wa na matu, rai nga ai.

YAWHAN 7:20

Shaloi hpawng nga ai masha ni gaw, “Nang hta nat rawng nga ai: nang hpe sat kau na kadai tam a ta?” ngu nna htan mu ai.

YAWHAN 8:48

Shaloi Yuda masha ni gaw, “Nang Samari masha rai ndai, nat shang ai wa mung rai ndai, ngu nna anhte tsun ai ga gaw, jaw la nga ai n rai ni?” ngu nna shi hpe bai htan mu ai.

KASA 17:18

Dai rai nna, Epikuri lam hte Sto-i lam hkan ai hpaji sara ni nkau mi, shi hte dangrang hkat ma ai rai nna, nkau mi gaw, “Ndai baw law ai wa hpa tsun mayu nga ai kun?” nga nna mung, nkau mi gaw, “Hpara kaga ni a lam tsun dan ai wa rai sam ai,” nga nna mung, tsun shajang ma ai: dai gaw, shi Yesu a lam hte bai hkrung rawt wa ai lam tsun dan ai majaw rai nga ai.

KASA 22:30

Hpang jahpawt e, Yuda masha ni Pawlu hpe shagun ai mara hpa re ai, teng teng chye lu hkra, shi hpe raw dat nna, hkinjawng agyi ni hte salang bawng ting hpe shaga jahpawng tawn nhtawm, Pawlu hpe shanhte a ka-ang e jashawn ya wu ai.

KASA 23:1

Shaloi Pawlu gaw dai salang bawng hpe azi yu da let, “Hpunau ni e, dai ni du hkra Karai Kasang a man e, hkum tsup ai myit mang hte ngai hkan sa ni ai,” ngu mu ai.

KASA 24:20

Shing n rai, dai salang bawng a man e ngai tsap nga yang, Si ai ni a bai hkrung rawt wa ai lam a majaw, dai ni nanhte ngai hpe jeyang nga myit dai,

KASA 4:15

Rai timung, shan hpe dai salang hpawng na shapraw tawn nhtawm, shanhte shada bawng ma ai gaw,

KASA 5:21

Ga dai na jang, jahpawt manap hpawa e dai Htingnu de shanhte shang wa nna sharin shaga nga ma ai. Hkinjawng agyi wa hte shi a manang ni mung sa du nna, tara agyi ni hte Israela kashu kasha ni a salang nlang hte hpe shaga jahpawng tawn nhtawm, kasa ni hpe shapraw la na htawng de masha shangun dat mu ai.

KASA 5:27

Shing di shanhte hpe woi la nna, salang hpawng a man e tawn da ngut jang, hkinjawng agyi wa gaw,

KASA 6:12

Shing rai shanhte gaw mung masha ni hte, agyi salang ni, laika ka ai sara ni hpe masin sharawt ya nna, shi hpe sa rim la nhtawm, salang hpawng a man e woi tawn mu ai:

KASA 6:15

Shaloi dai hpawng shingra e dung nga ai ni nlang, shi hpe jawm azi yu mu yang, shi a myi man lamu kasa myi man zawn rai nga lu ai gaw, shanhte mu ma ai.

KASA 7:37

Dai Mawshe nan, ‘Nan hpu nan nau ni hta na, nanhte a matu ngai zawn re ai myihtoi langai mi Karai Kasang paw pru shangun ya na ra ai,’ nga nna Israela kashu kasha ni hpe tsun da ai wa mung, rai nga ai.

ROMA 12:10

Hpunau hpe tsawra ai hta, shinggyim nau na myit shada da rawng nga mu; hkungga lara ai hta shada da shagrau hkat mu;

1 KORINHTU 6:10

lagu lagut ni mung, nammak lawhpa ai ni mung, chyaru ya shang ai ni mung, shatan nhkan ai ni mung, dip lu dip sha ai ni mung, Karai Kasang a mungdan a sali wunli hpe hkam la lu n rai.

1 KORINHTU 6:6

Hpunau wa gaw hpunau wa hte n kam n sham ai ni a man e pyi, shawk hkat nga a hka?

TARA JAHPRANG 15:11

Na a mungdan hta matsan mayan htum lu na n rai! Dai re ai majaw, na a mungdan hte, na a hpunau, ruyak hkrum ai wa hte matsan chyaren ai wa a matu, na a lata hpe nang gaja wa teng teng dam lada hpyan da lu na ndai, nga nna nang hpe ngai hkang da de ai.

TARA JAHPRANG 16:18

Na a Karai Kasang Yehowa nang hpe jaw ai mare shagu hta, na a amyu e hkan nna, tara agyi hte du agyi tawn da na rai ndai; shanhte gaw amyu masha ni hpe dingman ai hku tara dara ya na rai mu ai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.

TITU 3:2

kadai hpe mung n shatan ai hte, ga law lam n tam ai sha, myit ngwi myit pyaw rawng nna, masha yawng hte hpe lam shagu hta sumnung ai myit madun dan mu ga, shanhte hpe shadum jahprang nga u.

HEBRE 12:25

Nanhte gaw dai mungga tsun dat ai wa hpe n ningdang kau myit ga, sadi nga mu; kaning rai nme law, ga ntsa na shadum jahprang ai wa hpe ndang kau ai ni yubak n lawt lu ma ai teng yang gaw, sumsing lamu de na shadum jahprang ai wa hpe nawng kau ai ni anhte gaw, dai hta grau nna n lawt lu na ga ai:

HEBRE 5:9

dai hte hkum tsup wa lu ngut jang, shi gaw, shi a ga madat mara ai ni yawng mayawng a matu, htani htana hkye hkrang la ai a npawt tai wa ai hte,

YAKU 2:20

Dai hta kaga, wa dan seng breng wa e, makam masham hta magam bungli n lawm yang gaw, kaman lila rai nga ai hpe, nang chye mayu da wu ni?

YAKU 3:6

Dai shinglet mung wan rai nga ai; anhte a daw shan ni hta e, dai shinglet gaw, yubak a mungkan tai wa nga ai rai nna, anhte a hkum ting hpe awu asin di kau wu ai hte, dai gawng shing-yan a hkrang hpe nat kau wu ai rai nna, ngarai mung gaw dai hpe nan shachyi wu ai.

1 PETRU 2:23

Shi aroi arip hkrum yang, bai roi htang ai n rai; nni nkri hkrum yang, ahkrim nga ai n re ai sha, dingman ai hku dawdan ai wa a lata hta e, shi a hkum hpe ap da nu ai.

1 PETRU 3:9

n hkru ai a matu n hkru ai bai n tai na hte, roi rip ai a matu roi rip ai bai n tai ai sha, shaman ya na mahtang gaw, a daw nga mu; kaning rai nme law, shaman ya da sai sali wunli hpe hkam la lu myit ga, nanhte hpe shaga da manit dai.

1 YAWHAN 2:9

Ngai dai nhtoi hta e de nga nngai, nga ninglen shi a kahpu kanau hpe n dawng n yawt ai wa kadai mung, dai nsin hta e ya du hkra naw alup nga ai.

1 YAWHAN 3:10

Dai lam hte Karai Kasang a kashu kasha ni hte, Nat a kashu kasha ni gaw dan ginhka pru ai: kadai rai timung, dinghpring ai amu n galaw ai hte, shi a kahpu kanau hpe n tsaw n ra ai wa gaw, Karai Kasang kaw nna, rai nga ai n rai.

1 YAWHAN 5:16

Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.

YUDA 1:9

Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

SHINGRAN 20:14

Shaloi si hkrung si htan hte katsan ga gaw, dai wan nawng hta jahkrat bang kau ai hkrum ma ai: dai wan nawng gaw lahkawng lang na si lam rai nga ai.