MAHTE 5:18 - Jinghpaw Hanson Version Bible

¹⁸ Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

Jinghpaw Common Language Bible 2009

¹⁸ Nanhte hpe ngai teng teng tsun made ga, lamu hte aga she anga nga dingsa gaw, dai jep ai tara hta na ga kanu langai mi hte kaji dik ai ga madin langai mi pyi n dik n tup ai sha lai mat wa lu na n rai.

MAHTE 5:18 ပူးပေါင်းရင်းမြစ်များ

SHAKAWN KUNGDAWN 102:26

Dai ni hten wa ma timung, nang agrin nga ndai; Yawng gaw hpun nba zawn dingsa mat ma ai; Nang dai hte hpe nba zawn galai kau nna, Dai ni galai mat ma ai.

SHAKAWN KUNGDAWN 111:8

Dai ni gaw htani htana agrin nga ai rai nna, Sadi sahka hte malang ai hku hkan nna a byin nga ai.

SHAKAWN KUNGDAWN 119:152

Na a sakse ga htani htana agrin nga ai hpe, Moi kaw nna ngai chye nga nngai.

ESAIA 40:8

Tsingdu hkraw mat nna, nampan nyui mat nga ai; anhte a Karai Kasang a mungga chyawm gaw, htani htana grin nga na ra ai.

ESAIA 44:26

shi shangun ma ni a ga hpe shagrin da ai hte, shi kasa ni a hpaji daw ai lam shabyin ya ai wa; Yerusalem mare hta masha bai nga nna, Yuda mare ni gaw dè da ai hkrum ai hte, marawng marang re ai htingra ni hpe ngai bai lajang na we ai, nga nna tsun ai wa;

ESAIA 51:6

Sumsing lamu hpe mada yu mu, ginding aga hpe gum yu mu: sumsing lamu gaw wan hkut zawn hkoi mat nna, ginding aga gaw hpun nba zawn dingsa mat na ra ai; dai hta shanu nga ai ni mung jigrawng zawn si mat na mara ai: nye a hkye hkrang la ai lam chyawm gaw, prat dingsa nga nga nna, nye a dinghpring ai lam mat mat na n rai.

MAHTE 10:15

Nanhte hpe ngai teng teng tsun made ai gaw, tara dara ai nhtoi hta e, Sodom hte Gomora mung gaw, dai mare hta yubak nhkyi na ra ai.

MAHTE 10:23

Mare langai mi hta nanhte hpe zingri zingrat myit yang gaw, kaga de hprawng sa mu: nanhte hpe ngai teng teng tsun made ai gaw, Israela a mare ni hpe garai n htum lu yang, dai Masha Kasha gaw du na ra ai.

MAHTE 10:42

Masha langai ngai gaw, sape a myi man hpe tau nna, ndai ma kaji langai ngai hpe, ntsin katsi htinggap mi sha jaw wu yang, dai wa gaw shi a shabrai n lu la na nu ai n rai, nga nna ngai nanhte hpe teng teng tsun nngai,” ngu mu ai.

MAHTE 11:11

Nanhte hpe ngai teng teng tsun made ai gaw, Numsha kaw shangai ai ni hta, Baptisma Sara Yawhan hta grau kaba ai marai langai mi muk n paw pru ai: rai timung, sumsing lamu a mungdan hta kaji ai wa gaw, shi hta grau kaba nga ai.

MAHTE 13:17

Nanhte hpe ngai teng teng tsun made ga, nanhte mu lu ai arai ni hpe myihtoi hte dinghpring ai masha law law wa, mu mayu timung, n mu ma ai; nanhte na lu ai lam ni hpe mung, na mayu timung, n na lu ma ai.

MAHTE 16:28

Ngai nang hpe teng teng tsun made ga, nang e tsap nga ai ni nkau mi, dai Masha Kasha gaw shi a mungdan hta du wa ai hpe, garai n mu mu gaw, si ai n hkrum na ma ai,” ngu mu ai.

MAHTE 17:20

Shi gaw, “Nanhte ai n kam myit dai majaw, n di lu mu ai; nanhte hpe ngai teng teng tsun made ai gaw; Kamsham ai myit chyinghkrang tum daram nanhte rawng nga myit yang gaw, ndai bum hpe, Wora de htawt sit mat u, ngu nna nanhte tsun mu yang, dai htawt sit mat na ra ai: nanhte n di lu na amu hpa mung n nga na re ai,” ngu nna shanhte hpe tsun mu ai.

MAHTE 18:18

Ngai nanhte hpe teng teng tsun made ai gaw, Dinghta ga hta nanhte gyit da mada gaw, sumsing lamu hta mung, gyit da ai hkrum na mara ai: dinghta ga hta nanhte raw maraw gaw, sumsing lamu hta mung, raw kau ai hkrum na mara ai.

MAHTE 18:3

“Nanhte hpe ngai teng teng tsun made ai gaw, nanhte myit n kayin nna, ma kaji zawn n tai myit yang gaw, sumsing lamu a mungdan hta, nanhte n shang lu na myit dai.

MAHTE 19:23

Dai rai nna Yesu gaw shi a sape ni hpe, “Ngai nanhte hpe teng teng tsun made ga, sut su ai wa gaw, sumsing lamu a mungdan hta nachying wa shang yak nga ai.

MAHTE 19:28

Yesu gaw, “Nanhte hpe ngai teng teng tsun made ga, dai Masha Kasha gaw shi a arawng sadang a tingnyang hta e dung nga yang, bai shangai wa ai aten hta e ngai kaw hkan nang nga ai ni, nanhte mung, tingnyang shi lahkawng hta dung lawm na marin dai rai nna, Israela a amyu shi lahkawng hpe tara dara lu na maru ai.

MAHTE 21:21

Yesu gaw, “Nanhte hpe ngai teng teng tsun made ga, Nanhte kamsham ai myit rawng nna, kam shut ai hpa mung n lawm yang gaw, ndai maihpang hpun hta byin wa ai hta n-ga, nanhte galaw lu na hte, ndai bum hpe, Nang baw mat nna, nawng hta e htawt bang mat u, ngu nna nanhte tsun mu yang gaw, dai byin na ra ai.

MAHTE 21:31

“Dai yan hta na kadai wa mahtang kawa a myit hkan shatsup lu a ta?” ngu nna san wu ai. Shanhte gaw, “Kasha shadoi mahtang rai nga ai,” ngu mu ai. Yesu gaw, “Ngai nanhte hpe teng teng tsun made ai gaw, Kang hta ai ni hte shawa num ni, nanhte a shawng e, Karai Kasang a mungdan hta shang shang rai ma ai.

MAHTE 23:36

Ngai nanhte hpe teng teng tsun made ai gaw, ndai lam nlang hte gaw, ndai amyu a ntsa e du na ra ai.

MAHTE 24:2

Shi mahtang shanhte hpe, Ndai yawng hpe nanhte mada mu ai, n rai ni? Ngai nanhte hpe teng teng tsun made ga, Dai hpe e n run n hpya ai sha nlung langai mi a ntsa e langai mi muk n mara hkra rai mat na ra ai, ngu nna shanhte hpe tsun wu ai.

MAHTE 24:47

Nanhte hpe ngai teng teng tsun made ga, Dai madu gaw shi a arai mahkra a ntsa e shi hpe san tawn da na wu ai.

MAHTE 25:12

Shi mahtang htan nna, Nanhte hpe ngai teng teng tsun made ga, ngai nanhte hpe n chye made ai, ngu wu ai.

MAHTE 25:40

Dai rai nna Hkawhkam wa gaw, “Nanhte hpe ngai teng teng tsun made ga, ‘Ndai ngai nau ni hta na kaji htum ai wa hpe nanhte galaw ai gaw, nanhte ngai hpe galaw manit dai, rai nga ai,’ ngu nna shanhte hpe htan na mu ai.

MAHTE 25:45

Dai rai nna, Ngai nanhte hpe teng teng tsun made ga, “Ndai ni hta na kaji htum ai wa hpe nanhte n galaw myit dai majaw, ngai hpe n galaw myit dai rai nga ai,” ngu nna shanhte hpe htan na mu ai.

MAHTE 5:26

nang hpe ngai teng teng tsun de ai gaw, gumhpraw prai hkra nang garai n wa wa gaw, dai kaw nna nang pru lu na ndai n rai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

MAHTE 6:2

Nang alu jaw n-yang gaw, masha ni a shakawn ai ga lu la lu u ga, tara jawng ni hta, lam hkan e mung, sawt ai masha ni galaw ai zawn, na a man e pahtau hkum dum shangun u: nanhte hpe ngai teng teng tsun made ai gaw, shanhte gaw, tinang a shabrai lu la manu ai.

MAHTE 8:10

Dai ga Yesu na yang shi mau nna shi kaw hkan nang ai ni hpe tsun mu ai gaw, “Nanhte hpe ngai teng teng tsun made ga, Israela amyu hta pyi, dai hte wa kamsham ai gaw ngai n mu hkrup nngai;

MARKU 10:15

Nanhte hpe ngai teng teng tsun made ga, Kadai rai timung Karai Kasang a mungdan hpe ma kaji zawn n hkap la ai wa gaw, dai hta e gaja wa n shang lu na ra ai,” ngu nna shanhte hpe tsun mu ai.

MARKU 10:29

Yesu gaw, Nanhte hpe ngai teng teng tsun made ga, Nye a matu mara hte, dai kabu gara shiga a matu mara, nta, kahpu kanau, kajan, kanu kawa, kashu kasha hte yi hkauna hte hpe kau da ai wa kadai rai timung,

MARKU 11:23

nanhte hpe ngai teng teng tsun made ai gaw, kadai rai timung, ndai bum hpe, Nang baw mat nna nawng hta htawt bang mat u, nga nna kam shut ai myit n rawng ai sha, tinang tsun ai hte maren byin na ra ai, kamsham nga ai rai yang gaw dai lam byin na ra ai.

MARKU 12:43

De a majaw, shi a sape ni hpe shi shaga la nna, “Nanhte hpe ngai teng teng tsun made ga, ndai matsan mayan re ai gaida jan gaw, alu sumpu hta e bang da ai ni mahkra hta, grau nna bang dat nu ai.

MARKU 13:30

Nanhte hpe ngai teng teng tsun made ga, Ya pra nga ai ndai amyu masha ni garai n lai mat ma yang, dai lam yawng mayawng hte byin mat na ra ai.

MARKU 14:18

Shanhte shat sha dung nga ma yang, Yesu gaw, “Ngai nanhte hpe teng teng tsun made ga, ngai hte rau sha nga ai, nanhte hta na marai langai mi, ngai hpe ap kau na ring ngai,” ngu mu ai.

MARKU 14:25

Nanhte hpe ngai teng teng tsun made ga, Karai Kasang a mungdan hta e tsabyi nnan hpe ngai lu lu na nhtoi du hkra, ndai tsabyi ru a asi hta na, ngai kalang mi muk bai lu lu na n rai,” ngu mu ai.

MARKU 14:30

Yesu mahtang, “Nang hpe ngai teng teng tsun de ga, Dai na pyi, u lahkawng lang garai n goi yang, nang ngai hpe masum lang nyet kau na rin dai,” ngu wu ai.

MARKU 14:9

Nanhte hpe ngai teng teng tsun made ai gaw, Dai kabu gara shiga hpe mungkan ga ting shara shagu hkan e hkaw dan nga yang, shi a masat dingsat tai na matu, shi galaw ai amu ngu nna hkai dan na maru ai,” ngu mu ai.

MARKU 3:28

Ngai nanhte hpe teng teng tsun made ga, Shinggyim masha ni a yubak yawng hte hte, shanhte a shatan nhkan ai ga amyu myu hpe, raw dat kau na ahkang lu ma ai:

MARKU 6:11

Gara shara hta e rai timung, nanhte hpe n hkap la nna, nanhte hpe n madat mara nga ma yang gaw, dai yang na pru wa let, shanhte hpang maga de sakse tai u ga, nanhte a lagaw lahpan hta kap ai ga nhpu hpe, ahpu sharun kau da mu,” ngu nna shanhte hpe tsun dat mu ai.

MARKU 8:12

Shing rai shi a wenyi hta shi grai madai nna, “Ndai amyu gaw hpa majaw lamik kumla hpe hpyi nga ma hka? ngai nanhte hpe teng teng tsun made ga, ‘Ndai amyu hpe lamik kumla hpa mung, shapraw dan na mawe ai n rai,” ngu mu ai.

MARKU 9:1

Nanhte hpe ngai teng teng tsun made ai gaw, Nang e tsap nga ai ni nkau mi, Karai Kasang a mungdan gaw hpung shingkang hte du ra ai hpe, garai n mu mu gaw, si ai n hkrum na ma ai,” ngu mu ai.

MARKU 9:41

Nanhte hpe ngai teng teng tsun made ai gaw, Hkristu a amying hte nanhte seng nga myit dai, nga nna ntsin htinggap mi nanhte hpe jaw ai wa kadai mung, shi a shabrai hpe gaja wa gawm kaw lu na wu ai n rai.

LUKA 11:51

rai sa, ngai nanhte hpe tsun made ga, dai bunglat gaw ndai aprat na amyu hpe shagun lu na rai nga ai.

LUKA 12:37

Dai madu du wa yang, maja nga ma la ai mayam ni gaw, a lu ma ai: ngai nanhte hpe teng teng tsun made ga, dai madu gaw shi hkum dai shingkyit kyit nna, shanhte hpe lu sha shangun na shadun tawn nhtawm, shi nan shanhte hpe sa galaw jaw na mu ai.

LUKA 13:35

Yu mu, nanhte a nta gaw a katsi katsang kram nga ai. Nanhte hpe ngai tsun made ai gaw, nanhte nan, Madu a amying ningsang hte du sa ai wa gaw, a nga ai law, n nga nga gaw, nanhte ngai hpe n mu lu na manit dai, ngu nna shanhte hpe tsun mu ai.

LUKA 16:17

Jep ai tara hta na madin langai mi hten loi ai hta, lamu hte aga hten lai na grau loi nga ai.

LUKA 18:17

Nanhte hpe ngai teng teng tsun made ga, Kadai rai timung, Karai Kasang a mungdan hpe, ma kaji zawn n hkap la ai wa gaw, dai hta e gaja wa n shang lu na ra ai,” ngu mu ai.

LUKA 18:29

Dai rai nna Yesu gaw, “Nanhte hpe ngai teng teng tsun made ga, Karai Kasang a mungdan majaw, tinang nta, madu jan, kahpu kanau, kanu kawa, kashu kasha, kau da ai wa kadai mung,

LUKA 23:43

Shaloi Yesu gaw, “Ngai nang hpe teng teng tsun de ga, Dai ni jang nang ngai hte rau Hparadisu e nga na rai nga ai,” ngu nna shi hpe htan wu ai.

LUKA 4:24

Bai shi gaw, “Nanhte hpe ngai teng teng tsun made ga, Kadai myihtoi mung tinang buga e arawng n lu ga ai.

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

YAWHAN 10:1

Ngai nanhte hpe gaja wa teng teng tsun made ai gaw, Sagu lawng de chyinghka lam hku n shang ai, kaga kaw nna shingtawt shang ai wa gaw, lagut, damya rai nga ai.

YAWHAN 10:7

Dai re ai majaw Yesu shanhte hpe bai tsun mu ai gaw, “Ngai nanhte hpe gaja wa teng teng tsun dan made ga, Ngai gaw sagu ni shang ai chyinghka hku rai nga nngai.

YAWHAN 12:24

Nanhte hpe ngai gaja wa teng teng tsun made ai gaw, Mam nhkyep gaw ga hta hkrat nna, n hten mat yang gaw, langai sha a rai nga ai: hten mat yang she, asi law law si wa ai.

YAWHAN 13:16

Ngai nanhte hpe gaja wa teng teng tsun made ga, Mayam wa gaw madu hta grau ai n rai, kasa mung shangun dat ai wa hta grau ai n rai.

YAWHAN 13:38

Bai Yesu gaw, “Nang wa nye a majaw, na asak nawng kau na wu ni? Nang hpe ngai gaja wa teng teng tsun de ga, U garai n goi yang, nang ngai hpe masum lang nyet kau na rin dai,” ngu nna shi hpe htan wu ai.

YAWHAN 14:12

Nanhte hpe ngai gaja wa teng teng tsun made ai gaw, Ngai hpe kamsham ai wa gaw, ngai galaw ai amu lu galaw na ra ai; dai hta grau kaba ai amu mung, lu galaw na ra ai: kaning rai nme law, ngai gaw Wa hpang de wa na nngai.

YAWHAN 16:20

Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.

YAWHAN 16:23

Dai nhtoi hta nanhte ngai hpe hpa mung n san ra na myit dai: ngai nanhte hpe gaja wa teng teng tsun made ga, Wa kaw na lama ma hpyi myit yang, nye amying a marang e shi nanhte hpe jaw na ra ai.

YAWHAN 21:18

Nang hpe ngai gaja wa teng teng tsun de ga, Nang shabrang nga ai hte yang, na a hkum hpe nang dai shingkyit kyit nna, sa mayu ai shara shagu de sa lu ndai: rai timung, nang dingla jang chyawm gaw, na a lata yan hpe nang lalam nna, masha kaga gaw nang hpe kyit ya nhtawm, nang n ra ai shara de woi sa wa na rin dai,” ngu nna shi hpe tsun wu ai.

YAWHAN 3:11

Ngai nang hpe gaja wa teng teng tsun de ga, Anhte gaw tinang chye ai lam tsun ga ai, mu yu saga ai hte maren sakse hkam ga ai; rai timung anhte a sakse ga hpe, nanhte n hkap la myit dai.

YAWHAN 3:3

Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

YAWHAN 3:5

Yesu gaw, “Ngai nang hpe gaja wa teng teng tsun de ga, Hka hte Wenyi e n shangai ai masha gaw, Karai Kasang a mungdan hta shang lu na n rai;

YAWHAN 5:19

Dai re ai majaw Yesu gaw, “Ngai nanhte hpe gaja wa teng teng tsun made ga, Kasha gaw tinang a myit hte hpa mung n galaw lu ai; Kawa galaw ai lam mu mamu hpe sha hkan galaw lu ai: Kawa galaw ai lam shagu, Kasha mung hkan galaw lu na rai nga ai.

YAWHAN 6:26

Yesu gaw, “Ngai nanhte hpe gaja wa teng teng tsun made ga, Lamik kumla mu myit dai majaw, nanhte ngai hpe tam ai n rai myit dai; muk lusha nna hkru kat ai majaw sha, tam ai rai nga myit dai.

YAWHAN 6:32

Shaloi Yesu gaw, “Ngai nanhte hpe gaja wa teng teng tsun made ga, Nanhte hpe sumsing lamu de na muk jaw ai gaw Mawshe n rai; nye Wa she sumsing lamu de na dai tengman ai muk nanhte hpe jaw myit dai:

YAWHAN 6:47

Nanhte hpe ngai gaja wa teng teng tsun made ga, Kamsham ai wa gaw htani htana asak lu la lu ai.

YAWHAN 6:53

Dai rai nna Yesu gaw, “Ngai nanhte hpe gaja wa teng teng tsun made ga, Masha Kasha a ashan nanhte n sha, shi a asai hpe mung n lu myit yang gaw, nanhte hta asak n rawng lu ai.

YAWHAN 8:34

Yesu gaw, “Ngai nanhte hpe gaja wa teng teng tsun made ga, Yubak galaw ai wa kadai mung, yubak a mayam rai nga ai.

YAWHAN 8:51

Nanhte hpe ngai gaja wa teng teng tsun made ga, Nye ga hku hkan ai wa gaw galoi mung n si na ra ai,” ngu nna bai htan mu ai.

YAWHAN 8:58

Shaloi Yesu gaw, “Nanhte hpe ngai gaja wa teng teng tsun made ga, Abraham garai n nga yang nna ngai nga ni ai,” ngu nna shanhte hpe tsun mu ai.

1 PETRU 1:25

Dai Madu a matsun chyawm gaw, prat mi hte prat mi anga nga ai.” Dai gaw, nanhte hpe hkaw tsun dan ai kabu gara ai matsun rai nga ai.

SHINGRAN 20:11

Bai, galu kaba ai tingnyang ahpraw mung, dai hta e dung nga ai wa hpe mung, ngai mu nngai; shi a myi man kaw na aga hte lamu gaw hkoi mat wa nna, dai yan a matu nga shara n nga mat ai.