MAHTE 5:17 - Jinghpaw Hanson Version Bible

¹⁷ Dai jep ai tara hte myihtoi ni a ga hpe raw dat kau na, nga nna ngai sa du ai gaw, hkum nawn nga myit; raw dat kau na matu n rai, dai hpe shadik na she, ngai sa du ring ngai.

Jinghpaw Common Language Bible 2009

¹⁷ Mawshe a Jep ai Tara hte myihtoi ni a sharin shaga ai ga ni hpe run jahten kau na matu ngai sa du ai zawn hkum nawn nga myit. Dai ni hpe run jahten kau na matu n rai, shanhte a sharin shaga ai lam ni hpe shadik na matu she, ngai sa du ring ngai.

MAHTE 5:17 ပူးပေါင်းရင်းမြစ်များ

ESAIA 42:21

Yehowa gaw, shi a dinghpring ai myit majaw, sharin shaga ai lam hpe shagrau nna, dan hkung shangun wu ai.

MAHTE 3:15

Shaloi Yesu gaw, “Ya dai shabyin ya e; dingman ai lam shagu hpe shadik lu mu ga, an a matu sut nga mali ai,” ngu nna shi hpe htan wu ai: shaloi, shi hpe dai lam shabyin ya wu ai.

MAHTE 7:12

Masha ni nanhte hpe hkan galaw na, nanhte tsaw matsaw hte maren, nanhte mung dai hku shanhte hpe hkan galaw mu: dai gaw, jep ai tara hte myihtoi ni a ga kanu rai nga ai.

LUKA 16:17

Jep ai tara hta na madin langai mi hten loi ai hta, lamu hte aga hten lai na grau loi nga ai.

YAWHAN 8:5

ndai zawn re ai numsha hpe, nlung hte kabai sat kau lu na re ai, nga nna Mawshe gaw jep ai tara hta anhte hpe matsun jaw da ma ni ai: ya nang gaw kaning ngu na wu ta?” ngu nna shi hpe san mu ai.

KASA 18:13

“Ndai wa jep ai tara hte nhtan shai ai hku, Karai Kasang hpe nawku na nga, masha ni hpe woi gunglau nga ai,” ngu nna mara shagun mu ai.

KASA 21:28

ndai wa gaw shara shagu hkan e yawng mayawng hpe anhte a amyu hte jep ai tara hpe mung, ndai shara hpe mung, nhtan shai ai hku sharin achyin ai wa re ai law; dai hta n-ga, nawku Htingnu hta Heleni masha jashawn nna, ndai chyoi pra ai shara hpe awu asin di kau nu ai law,” nga nna jahtau ma ai.

KASA 6:13

sakse masu ni hpe mung jashawn dat mu ai rai nna, shanhte gaw, “Dai wa, ndai chyoi pra ai shara hte jep ai tara hpe jahpoi ai ga n sim n sa a tsun nga ai:

ROMA 10:4

Kaning rai nme law, dinghpring ai kaw du lu mu ga, Hkristu gaw kamsham ai ni mahkra a matu mara, jep ai tara a chyahtum rai nga ai.

ROMA 3:31

Dai rai yang gaw, kamsham ai hte anhte dai jep ai tara hpe gum-yu shatai kau sagaw ni? shing n rai law; anhte dai tara hpe shangang shagrin ga ai.

ROMA 8:4

Karai Kasang gaw yubak a matu mara, yubak a hkumhkrang hte bung ai gawng shing-yan hte, shi hkum nan a Kasha hpe shangun dat ru ai rai nna, shinggyim hkum shan hta e yubak hpe dawdan wu ai.