MAHTE 5:12 - Jinghpaw Hanson Version Bible

¹² kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

Jinghpaw Common Language Bible 2009

¹² “Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

MAHTE 5:12 ပူးပေါင်းရင်းမြစ်များ

NINGPAWT NINGHPANG 15:1

Dai hpang Yehowa a ga gaw Abram kaw shingran hta du nna, “Abram e, hkum hkrit et; ngai gaw na a makawp ninggang rai nga nngai; nang lu la na shabrai kaba la nga lit dai,” ngu wu ai.

1 HKAWHKAM 18:13

Yezebela gaw Yehowa a myihtoi ni hpe sat kau nga yang, ngai chyawm Yehowa a myihtoi latsa hpe manga shi shi di karan nhtawm, lungpu hta makoi da ai hte, shanhte hpe muk mung ntsin mung jaw nna bau da ai gaw, nye a madu hpe n shana ya ma ni?

1 HKAWHKAM 18:4

Yezebela gaw Yehowa a myihtoi ni hpe sat kau mu yang, Obedia gaw myihtoi latsa woi la nna, shanhte hpe manga shi shi di karan nna, lungpu hta e makoi da nhtawm, muk hte ntsin jaw nna bau da mu ai.

1 HKAWHKAM 19:2

Shing rai Yezebela gaw Elia hpang de kasa shangun dat nna, “Hpawt de ndai aten e, na a asak hpe shanthe hta na langi mi a asak hte maren ngai n di yang gaw, Hpara ni ngai hpe dai hta grau na di mi ga law,” nga ai.

1 HKAWHKAM 21:20

Dai rai nna Ahab gaw, “Ngai hpe hpyen ai wa e, nang ngai hpe mu da n ni?” ngu nna Elia hpe tsun wu ai. Elia gaw, “Nang Yehowa man e n kaja ai amu galaw na nga, na hkum hpe dut kau nu ai majaw, ngai nang hpe mu de ai.

1 HKAWHKAM 22:8

Israela hkawhkam wa gaw, “Yehowa hpe san yu lu na, Imla a kasha Mihkaia ngu ai wa langai mi naw nga ai: rai timung, dai wa hpe ngai n dawng we ai; shi nye a lam n kaja ai hku hkrai hkaw ya ya re ai,” ngu nna Yehosahpat hpe tsun wu ai. Yehosahpat chyawm gaw, “Hkawhkam wa dai lam n tsun u ga,” ngu wu ai.

2 HKAWHKAM 1:9

Ya hkawhkam wa gaw hpyen ma manga shi up ai du hte shi a hpyen ma manga shi hpe shangun dat mu ai: shi gaw Elia hpang de du sa nna, yu u, Elia gaw kawng ntsa e dung nga ai. Hpyen du wa mung, “Karai Kasang a masha wa e, hkawhkam wa gaw, Yu wa rit da, nga ai,” ngu wu ai.

2 HKAWHKAM LABAU 16:10

Dai ga majaw Asa gaw myihtoi wa hpe masin pawt nna, htawng hta e rawng da wu ai: shi gaw dai lam majaw shi hpe n-yun bu nna, dai aten e, mung masha nkau mi hpe mung sharu shatsang mu ai.

2 HKAWHKAM LABAU 36:16

Shanhte gaw Karai Kasang a kasa ni hpe aroi arip di nna, shi a myihtoi ni hpe n kaw n law di kau ai hte, shi aga hpe n kaw n law di nna, shi a myihtoi ni hpe asawng asang di kau mu ai; dai rai nna, hkye hkrang la na lam n hku hkra, Yehowa a pawt sindawng ai gaw dai amyu masha ni a ntsa e ka htet bu nga ai.

NEHEMIA 9:26

“Rai timung, shanhte n madat nga ma ai hte, nang hpe gumlau let, na a tara hpe shingdu kayin kau ai hte, nang hpang de kayin wa na matu, na a lam sakse hkam ya ai, na a myihtoi ni hpe, sat kau nna, grai wa shut hpyit nga ma ai.

SHAKAWN KUNGDAWN 19:11

Na a mayam wa mung, de a majaw myit dum myit hprang nga nna, Dai hte hpe hkan nang ai majaw, akyu kaba lu la nga ai.

SHAKAWN KUNGDAWN 58:11

Shing rai masha ni gaw, “Gaja wa, dinghpring ai ni a matu, sali wunli nga nga nna, Karai Kasang nan ga ting hta e, gaja wa tara dara nga ai,” nga nna tsun na mara ai.

GA SHAGAWP 11:18

Tara n lang ai wa gaw, maw sha map sha ai shabrai lu la nga ai; Dinghpring ai nli gat ai wa chyawm gaw, grin nga ai shabrai lu la na ra ai.

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 26:8

Ya, mung masha ni mahkra hpe htawn tsun na matu, Yehowa htet da ai ga yawng, Yeremia tsun ngut jang, hkinjawng ni, myihtoi ni hte mung masha ni gaw, shi hpe rim la nna, Nang teng teng si lu na ndai.

YEREMIA 37:14

Yeremia chyawm gaw, N rai law; Hkalde masha ni hpang de n rap wa nngai, ngu wu timung, Iriya gaw shi a ga n madat ai, Yeremia hpe rim la nna, du salang ni hpang de jashawn wu ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 6:16

Bai, nanhte lusha gam nga myit yang, sawt ai masha ni zawn, nanhte a myi man hpe hkum kabyi myit; masha ni a man e shanhte a lusha gam ai dan lu u ga, shanhte gaw tinang a myi man hpe jasum ma ai: nanhte hpe ngai teng teng tsun made ai gaw, shanhte tinang a shabrai lu la manu ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

LUKA 6:23

Dai nhtoi hta e kabu gumlawt nga mu; kaning rai nme law, yu mu, nanhte a shabrai gaw sumsing lamu hta e kaba nga malit dai: shanhte a kaji kawa ni mung dai zawn myihtoi ni hpe di yu manu ai.

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

KASA 16:25

Rai timung, yuptung hpawa e Pawlu yan Sila gaw akyu hpyi ai hte, Karai Kasang hpe mahkawn mangoi nga ma ai rai nna, bawng dung ai ni shan a ga madat nga ma ai.

KASA 5:41

Shanhte chyawm gaw, Amying ningsang de a majaw she, kaya hkrum na gaw, ging nga ga ai, nga nna myit la ai majaw, kabu gara ai myit hte dai salang hpawng na pru wa ma ai.

ROMA 5:3

Dai hta n-ga, tsin-yam tsindam hta e mung anhte kabu gumrawng ga ai; tsin-yam tsindam mahtang gaw shakut sharang ai,

1 KORINHTU 3:8

Dai hta kaga hkai da ai wa hte ntsin jaw ai wa gaw langai sha rai nga ma ai; rai timung, tinang a shakut sharang ai hte maren, langai hte langai gaw tinang a shabrai lu la na mara ai.

2 KORINHTU 4:17

Kaning rai nme law, dandawng nga ai arai ni gaw ndai aprat na sha, n dan n dawng nga ai arai ni gaw htani htana na arai rai nga ai majaw, dandawng nga ai arai ni hpe anhte n tau yu ai sha, n dan n dawng ai arai ni hpe tau yu let,

HPILIPI 1:29

kaning rai nme law, Hkristu hta e kamsham lu na chyeju sha n rai, shi a matu mara nni nkri hkrum na chyeju hpe mung, nanhte hkam la manit dai;

HPILIPI 2:17

Dai hta n-ga nanhte a makam masham a hkungga hte daw jau ai a ntsa e, ngai hpe dumhpung zawn ru jaw ma timung, ngai kabu nga nna, nanhte mahkra hte rau a kabu nga nngai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

KOLOSE 3:24

dai Madu a matu zawn galaw nga nna, myit masin yawng hte a shaja nga mu: dai Madu Hkristu kaw nanhte yamnga myit dai.

1 HTESALONI 2:15

Yuda ni chyawm gaw dai Madu Yesu hpe sat kau ai hte, myihtoi ni hpe mung, anhte hpe mung, zingri zingrat di mi ai rai nna, Karai Kasang a tsawra ai hku n tam ma ai hte, masha yawng mayawng hte nhtan shai nga ma ai:

HEBRE 10:34

Dai hta n-ga, bawng dung ai ni hpe mung nanhte matsan dum manit dai; nanhte a arung arai kashun kashe la ya ai hpe mung, nanhte kabu gara ai myit hte hkam mana kau nna, dai hta grau reng ai dinggrin anga nga ai arung arai nanhte lu nga ai gaw, gaja wa chye dum myit dai.

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.

HEBRE 11:33

dai ni gaw, kamsham ai hte masha mungdan ni hpe dang kau lu ma ai, dinghpring ai lam shachyen lu ma ai, ga ndat ni hkam la lu ma ai, hkanghkyi a n-gup pat tawn lu ma ai:

HEBRE 11:6

makam masham n rawng yang gaw, shi a man e sharawng awng ai lu la na n rai; kaning rai nme law, Karai Kasang kaw sit shang ai wa gaw, Karai kasang nga nga ai mung, shi e hkan tam ai ni hpe chyeju htang jaw lu ai mung, kamsham lu na rai nga ai.

YAKU 1:2

Nye a hpunau ni e, nanhte a kamsham ai myit hpe dinglik yu ai hkrum yang, shakut sharang chye ai myit jat nga ai hpe, nanhte chye nga myit dai majaw,

YAKU 5:10

Hpunau ni e, dai Madu a amying nsang hte hkaw tsun dan ai myihtoi ni a nni nkri hkrum ai hte, shakut sharang nga ai myit gaw, nanhte a ningli tai wa malit ga.

1 PETRU 4:13

Hkristu gaw shi a hpung shingkang hta paw pru ai shaloi, kabu gara ai kaba hte nanhte kabu gara wa lu myit ga, shi a nni nkri hkrum ai lam hta, nanhte lawm lu myit dai majaw, kabu gara nga mu.