MAHTE 4:8 - Jinghpaw Hanson Version Bible

⁸ Bai, Nat gaw, nachying tsaw ai bum ntsa de shi hpe woi lung wa da nna, mungkan ga na mungdan nlang hte hte dai ni a arawng sadang hpe, shi hpe madun dan nhtawm,

Jinghpaw Common Language Bible 2009

⁸ Bai, Nat gaw, nachying tsaw la ai bum ntsa de shi hpe woi lung wa da nna, mungkan ga na mungdan ni hte dai ni a hkik hkam ai arawng sadang hpe, shi hpe madun dan nhtawm,

MAHTE 4:8 ပူးပေါင်းရင်းမြစ်များ

ESHTA 1:4

Dai shaloi e shi gaw, nhtoi na na ngu ai, nhtoi latsa e matsat shi ya tup, shi a galu kaba ai mungdan a sutgan hpe mung, shi a daru magam kaba htum ai arawng sadang hpe mung, shanhte hpe madun dan mu ai.

ESHTA 5:11

Shing rai, Haman gaw, shi sutgan kaba ai lam mung, kashu kasha law ai lam mung, hkawhkam wa shi hpe kaba shangun nna, hkawhkam a du salang ni hte ali ama ni a ntsa e, shi hpe shagrau shatsaw da ai lam mahkra mung, shanhte a man e hkai dan mu ai.

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

BU HKAWM 23:3

Bai Balam gaw, “Nang jaw ai wan nat hkungga makau e naw tsap nga la; ngai kaga de naw sa na nngai; Yehowa ngai hpe hkap tau ra nhten; shi ngai hpe madun ai made ngai nang e wa shana na de ai,” nga nna Balak hpe tsun da nhtawm, krin ai kawng langai mi de lung wa wu ai.

MAHTE 16:26

Bai, masha gaw nga yawng nga pra kawm dawm amyat lu la ninglen, tinang asak sum mat yang gaw, shi a matu hpa akyu nga lu ta? masha gaw, hpa gawng malai hkungga hte wa tinang a asak hpe shaw la lu na a ta?

MAHTE 4:5

Shaloi Nat gaw dai chyoi pra ai mare de, shi hpe woi wa nna, nawku Htingnu a nchyun e shadun da nhtawm,

YAWHAN 5:20

Kawa gaw Kasha hpe tsawra wu ai rai nna, shi hkum dai galaw ai lam yawng mayawng Kasha wa hpe madun wu ai: nanhte mau mahka hkra, ya na hta grau kaba ai lam ni hpe mung, Kasha wa hpe madun na ru ai.

1 PETRU 1:24

Kaning rai nme law, “Ashan yawng gaw tsingdu zawn rai nga ai, Dai ni a hpung shingkang ting, tsingdu a apu zawn rai nga ai; Dai tsingdu gaw nywi mat wa ai rai nna, Apu ni mung, run hkrat mat wa ma ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.