MAHTE 4:24 - Jinghpaw Hanson Version Bible

²⁴ Dai majaw, shi a kajai gumhkawng ai shiga gaw, Suri mung ting hta e pri rai wa sai rai nna, shanhte gaw, hkum n pyaw ai, machyi makaw amyu myu hte kawa machyi hkrum ai ni hte, nat kap ai, mamu mu ai hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya wu ai.

Jinghpaw Common Language Bible 2009

²⁴ Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 4:24 ပူးပေါင်းရင်းမြစ်များ

2 SAMUELA 8:6

Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

1 HKAWHKAM 10:1

Ya Sheba hkawhkam jan gaw, Yehowa a mying nsang hte seng ai Shawlumon a kajai gumhkawng wa ai lam hpe na wu yang, shi hpe gumwai ga hte chyam yu na matu, sa du wu ai.

1 HKAWHKAM 4:31

Kaning rai nme law, shi gaw masha mahkra hta hpaji byeng-ya grau rawng nga ai; Ezrahi masha Ehtan hte, Mahola kasha Heman, Hkalahkola, Darda hta grau rawng nga ai rai nna, grup yin na mungdan shagu hta shi a kajai gara lam dan hkung nga ai.

1 HKAWHKAM LABAU 14:17

Shing rai Dawi a kajai gumhkawng ai lam mung shagu hta dan hkung wa nna, amyu shagu shi hpe hkrit mu ga nga, Yehowa shabyin wu ai.

1 HKAWHKAM LABAU 29:2

Ya ngai gaw nye a n-gun lagaw mahkra hte nye a Karai Kasang a nta matu, aja rai ni a matu aja, gumhpraw rai ni a matu gumhpraw, magri rai ni a matu magri, hpri rai ni a matu hpri, hpun rai ni a matu hpun; unuk nlung hte, tawk hkrep na matu ahpraw nsam amyu myu pru ai lungseng baw shagu mung, lunghpraw law law mung, ngai mahkawng hkyen da se ai.

PRU MAT 15:26

shi gaw, “Na a Karai Kasang Yehowa a nsen hpe nang azin ayang madat nna, shi a man e dingman ai hku galaw ndai hte, shi hkang da mada hpe nang madat mara ya nna, shi a ga matsun nlang hte hpe hkan nang n yang gaw, Egutu masha ni hta ngai shakap ai ana ahkya langai mi mung nang hta shakap na n rai: ngai gaw nang hpe shamai ya ai Yehowa rai nga nngai,” ngu wu ai.

MAHTE 12:22

Dai shaloi jang, myi kyaw ai hte n chye shaga ai nat kap ai wa langai mi hpe, shi kaw woi bang mu ai: shi gaw dai wa hpe shamai ya nu ai rai nna, n chye shaga ai wa gaw shaga lu ai hte myi mu lu nu ai.

MAHTE 14:1

Dai aten hta e Herod munggyi Yesu a kajai gumhkawng shiga hpe na lu nna,

MAHTE 15:22

Shaloi, Yu mu, Hkanan amyu numsha langai mi, dai mung a ga jarit de na pru sa nna, “Dawi a Kasha, Madu e, ngai hpe matsan dum e law; nye a shayi sha nat e zingri ai grai hkrum nga ai,” nga nna jahtau let tsun wu ai.

MAHTE 17:15

law law lang wa wan hta mung, law law lang wa hka hta mung, shi kataw bang bang re ai:

MAHTE 17:18

Shaloi Yesu shi hpe daru kau wu ai rai nna, dai nat gaw shi kaw na pru mat wa ai; dai ahkying kaw nna dai ma gaw mai mat lu ai.

MAHTE 4:23

Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 8:28

Ya, wora hkran Gadare ginwang hkan e sa du jang, lupwa e sa nga ai nat kap ai masha lahkawng, shi hpe sa tau ma ai: shan gaw nachying n hkru la nga ma ai majaw, dai lam hta e kadai mung n lai hkawm lu ma ai.

MAHTE 8:33

Wa rem ai ni chyawm gaw hprawng wa ma ai hte, dai mare de shang nna, byin mabyin hte hte, nat kap ai yan a lam hpe tsun dan mu ai.

MAHTE 8:6

“Madu e, nye a ma katsing si ai ana hte nye a nta e a taw nga nna, aja awa aju machyi nga ai,” ngu nna shi hpe hpyi nem wu ai.

MAHTE 9:26

Dai rai nna, shi a kajai gumhkawng ai ga dai mung ting hta pri rai wa ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta e sharin shaga ya ai hte sumsing lamu mungdan a kabu gara shiga hpe hkaw dan let, ana ahkya amyu myu hte machyi makaw amyu myu hpe shamai shatsai ya mu ai.

MARKU 1:28

Shaloi jang, Galile mung ting na shara shagu hkan e, shi a lam kajai gara gumhkawng pri rai wa sai.

MARKU 1:32

Ya, jan shang nna shana ahkying du jang, shanhte machyi makaw hkrum ai ni hte nat kap ai ni nga manga hte hpe, shi hpang de sa hpai tawn mu ai:

MARKU 2:3

Shaloi hkum katsing si ai masha langai mi hpe, marai mali hpai nna shi hpang de tawn da mu ai.

MARKU 2:4

Masha wunawng chyat nga ma ai majaw, dai wa hpe shi hpang de n jashawn lu jang shi rawng nga ai nta magap hpe shanhte kayen kau mu ai rai nna, dai hpe tawk waw nhtawm, katsing si ai wa hpe yup rai hte nawng shayawn dat mu ai.

MARKU 2:9

Dai katsing si ai wa hpe, ‘Na a yubak dat kau ya sade ai;’ shing n rai, ‘Rawt u, na a yup ku hpe la nna hkawn wa nu,’ ning ngu tsun ai ga yan hta gara mahtang grau tsun loi a ta?

LUKA 2:2

Dai jahpan la ai gaw, Suri mung hta Kureni munggyi tai nga yang, shawng la ai jahpan rai nga ai.

LUKA 4:14

Yesu chyawm gaw Wenyi a atsam hte Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

LUKA 4:38

Dai tara jawng na shi rawt wa nna, Simun a nta de shang wa ai. Simun a kani gaw hkali ja ja bu nga ai rai nna, shanhte shi a matu shi hpe hkap hpyi ma ai.

LUKA 5:15

Rai timung, shi a shiga gaw grau nna kajai gumhkawng pri rai wa ai hte, shawa masha wunawng wuwa gaw, ga madat na matu mung, Shanhte a machyi makaw mai na matu mung, sa hpawng ma ai.

LUKA 5:24

Rai timung, Masha Kasha gaw ga ntsa e yubak dat kau ya ai ahkang aya lu ai gaw nanhte chye nga myit ga, dai hkum katsing si ai wa hpe, Nang hpe ngai tsun de ga, ‘Rawt u, na a yup ra la nna, nta de wa nu,” ngu nna shanhte hpe htan wu ai.

LUKA 7:17

Dai rai nna shi lam a shiga gaw, Yuda mung ting hte grup yin shara shagu hkan e kajai gumhkawng mat wa ai.

YAWHAN 10:21

Nkau mi gaw, “Shi a ga gaw nat shung ai wa a ga n rai: nat gaw myi n mu ai wa a myi hpe hpaw ya lu a ni?” nga ma ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 15:23

shan a lata hta ka ya dat mu ai ga gaw, “Anhte kasa ni, salang ni, hpunau ni gaw, Antioki mare hte Suri mung, Kiliki mung hkan e nga ai maigan amyu hpunau ni hpang de ngwipyaw ga shana dat ga ai.

KASA 15:41

Shing rai Pawlu gaw, Suri mung, Kiliki mung hku ga sa wa nna, Hpung masha ni hpe shadaw shangang mu ai.

KASA 28:9

Shing rai byin ai majaw, zunlawng na machyi ai ni kaga mung du ma ai rai nna, shamai shatsai lu la ma ai:

KASA 8:7

Kaning rai nme law, nat shung ai ni law law hta na, n seng ai nat ni jahtau marawn let pru mat shajang ma ai; hkum katsing si ai ni hte lagaw hten ai ni law law mung, mai mat shajang ma ai.

YAWSHU 6:27

Shing rai Yehowa Yawshu hte rau nga nga ai rai nna, shi a lam mung ting kajai gumhkawng wa ai.