MAHTE 4:23 - Jinghpaw Hanson Version Bible

²³ Bai, shi gaw Galile mung ting hta kawan hkawm let, shanhte a tara jawng ni hta shi sharin shaga nga nna, dai mungdan a kabu gara shiga hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

Jinghpaw Common Language Bible 2009

²³ Yesu gaw Galile mung ting hta kawan hkawm let, tara jawng ni hta sharin shaga nga nna, dai Mungdan a lam Kabu Gara Shiga ni hpe hkaw dan ai hte, mung masha ni a machyi makaw amyu myu hte ana ahkya amyu myu hpe shamai shatsai ya wu ai.

MAHTE 4:23 ပူးပေါင်းရင်းမြစ်များ

SHAKAWN KUNGDAWN 103:3

Na a yubak yawng mayawng, shi raw kau ya ai, Na a ana ahkya mahkra hpe shamai ya nga ai.

SHAKAWN KUNGDAWN 74:8

Shanhte gaw, “Yawng hte hpe jahten kau gaw,” nga nna kraw lawang e, tsun ma ai. Mung ting na Karai Wa a tara jarawp nlang hte hpe, shanhte nat kau mu ai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 12:9

Bai, dai shara kaw nna shi sat sa wa nhtawm, shanhte a tara jawng hta shang ai:

MAHTE 13:19

Kadai mung, dai mungdan lam hpe na ninglen n chye la yang gaw, dai n hkru ai wa sa du nna, shi a myit hta gat ai nli hpe shaw la kau wu ai: dai gaw lam makau e gat ai nli hpe rai nga ai.

MAHTE 13:54

Shi a buga de sa du wa yang shanhte a tara jawng ni hta shanhte hpe sharin shaga ya nga ai; dai rai nna, shanhte gaw myit amau nga ai hte, “Ndai wa gaw, ning re ai hpaji byeng-ya hte daru magam atsam gaw, kanang na lu la wu hka?

MAHTE 14:14

Pru wa yang, masha wunawng wuwa kaba hpe shi mu hkrup nna, shanhte hpe matsan dum ai hte shanhte a machyi makaw hkrum ai ni hpe shamai shatsai ya mu ai.

MAHTE 24:14

Dai mungdan a kabu gara shiga gaw, masha amyu baw shagu a matu mara sakse tai lu u ga, mungkan ting hta e hkaw dan lu na rai nga ai; dai hpang e dai jahtum ai gaw du na ra ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 9:35

Dai hpang Yesu gaw, mare kahtawng shagu hkan e kawan hkawm nna, shanhte a tara jawng ni hta e sharin shaga ya ai hte sumsing lamu mungdan a kabu gara shiga hpe hkaw dan let, ana ahkya amyu myu hte machyi makaw amyu myu hpe shamai shatsai ya mu ai.

MARKU 1:14

Yawhan gaw ap kau hkrum ai hpang, Yesu gaw Galile mung de sa du nna,

MARKU 1:21

Dai hpang shanhte Kaperna-um mare de shang ma ai. Shaloi jang laban nhtoi e shi shanhte a tara jawng hta shang nna sharin shaga nga ai.

MARKU 1:39

Shaloi, Galile mung ting na shanhte a tara jawng ni hta e, shi sa hkaw dan nna, nat ni hpe shaden kau mu ai.

MARKU 3:10

kaning rai nme law, masha law law hpe shi shamai ya mu ai majaw, ana ahkya hkrum ai ni nlang hte, shi hpe ahtawk lu hkra, nga nna shi kaw anin shang wa ma ai.

MARKU 6:2

laban nhtoi du yang, tara jawng hta e, shi sharin shaga hpang nga ai. Ga na lu ai ni law law wa, myit na kahpra nga ma ai rai nna, “Ndai wa gaw, ndai hte hpe kanang na lu la wu hka? Dai wa lu la ai hpaji byeng-ya gaw hpa baw rai nga a ta? Shi a lata hta byin ai, ndai magam amu gaw, hpa wa rai nga a ta?

MARKU 6:6

Shanhte a n kam n sham ai myit majaw, shi amau nga ai. Dai hpang, grup yin hkan na kahtawng ni hta e, shi kawan hkawm nna, sharin shaga nga ai.

LUKA 10:9

dai yang na machyi ai ni hpe shamai ya nna, Karai Kasang a mungdan gaw nanhte hte ani sha du ra ai, ngu nna shanhte hpe tsun dan mu.

LUKA 13:10

Laban nhtoi hta e tara jawng langai mi hta shi sharin shaga nga ai.

LUKA 16:16

Jep ai tara hte myihtoi ni a ga gaw, Yawhan du ai du hkra rai nga ai: dai kaw nna gaw Karai Kasang a mungdan a kabu gara shiga hkaw tsun nga ai rai nna, nlang hte gaw dai hta anin katut shang wa ma ai.

LUKA 20:1

Dai nawku Htingnu hta, mung masha ni hpe sharin shaga nga ai hte kabu gara shiga hkaw tsun nga ai nhtoi langai mi hta, hkinjawng agyi ni, laika ka ai sara ni hte agyi salang ni gaw, shi kaw sit sa nna,

LUKA 4:14

Yesu chyawm gaw Wenyi a atsam hte Galile mung de bai wa ai. Dai ginwang shara magup hkan e shi a lam kajai gumhkawng mat wa ai.

LUKA 5:17

Lani mi hta shi sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe hte tara sara ni sa du dung nga ma ai: machyi shamai na matu mung dai Madu a atsam gaw shi a ntsa e nga nga ai.

LUKA 6:17

Shanhte hte rau yu wa nna layang e tsap nga yang, shi a sape hpung kaba mung, Yuda mung ting hte Yerusalem mare na mung, nammukdara makau na Turu hte Sidun kaw na mung, masha wunawng wuwa kaba gaw shi a ga madat la na hte tinang a machyi makaw shamai la na matu, rau hpawng nga ma ai:

LUKA 6:6

Laban nhtoi kaga hta mung tara jawng hta shi shang nna sharin shaga nga ai: dai yang e hkra lata katsing si ai masha langai mi nga ai.

LUKA 7:21

Dai ahkying e nan shi gaw masha law law hpe machyi makaw, ana ahkya hte n hkru ai nat hta na shamai kau ya mu ai: myi kyaw ai masha law law hpe mung, myi bai mu ai chyeju jaw mu ai.

LUKA 7:22

Shaloi htan let shi shan hpe, Na mana mu mamu hte maren Yawhan hpe wa tsun dan mu: myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai, matsan mayan ni a matu kabu gara shiga hkaw dan nga ai:

LUKA 8:1

Dai hpang gade n na yang, shi gaw Karai Kasang a mungdan lam hkaw dan ai hte, kabu gara shiga tsun shana ya let, mare mi kaw nna mare mi, kahtawng mi kaw nna kahtawng mi de, du hkawm sa wa ai: sape shi lahkawng hte mung shi hte rau rai nga ma ai;

LUKA 9:11

Shawa masha ni mung dai hkan chye jang, shi hpang de hkan sa ma ai rai nna, shanhte hpe hkaw dan nna, machyi mai mayu ai ni hpe shamai ya mu ai.

LUKA 9:60

Yesu gaw, “Masha chyasi ni gaw tinang a chyasi ni hpe makoi mu ga: nang gaw Karai Kasang a mungdan lam sa hkaw dan su,” ngu nna shi hpe tsun wu ai.

YAWHAN 18:20

Yesu gaw, “Ga ntsa e ngai dan dan leng leng hkaw tsun ni ai: Yuda masha nlang zuphpawng ai Tara jawng ni hta mung, nawku Htingnu hta mung ngai tut tut sharin shaga ni ai: makoi magap nna ngai hpa mung n hkaw n tsun nngai.

YAWHAN 6:59

Ndai gaw, Kaperna-um mare na tara jawng hta, shi sharin shaga nga yang, tsun ai ga rai lu ai.

YAWHAN 7:1

Dai hpang Yesu gaw Galile mung hkan e jawt hkawm nga ai: Yuda masha ni shi hpe sat kau na tam ma ai majaw, Yuda mung e n hkawm mayu wu ai.

KASA 10:38

dai gaw Nazaret wa Yesu a lam rai nga ai; Karai Kasang gaw Chyoi pra ai Wenyi hte mung, n-gun atsam hte mung, shi hpe chya ya wu ai; Karai Kasang shi hte rau rai nga ai majaw, mai kaja ai amu shi galaw nna, nat gumlau e zingri zingrat hkrum ai ni yawng mayawng hpe shamai ya let, kawan katsan hkawm nga ai.

KASA 18:4

Laban nhtoi shagu, tara jawng hta Yuda masha hpe mung, Heleni masha hpe mung, tsun hkat let awn da mu ai.

KASA 20:25

Ya bai yu mu, ndai mungdan lam ngai hkaw hkawm yang na hkrum kanawn yu ai ni, nanhte nlang, nye a myi man htawm hpang de bai n mu lu na manit dai, ngai chye nga nngai.

KASA 28:31

Karai Kasang a mungdan lam, hkaw dan ai hte, Madu Yesu Hkristu hte seng ai lam hpe nden ja ai myit hte sharin shaga nga nna, kadai mung shi hpe hkum shadang ai n rai.

ROMA 10:15

n shangun dat yang gaw, shanhte kaning rai hkaw tsun dan lu na ma ta? Dai hte maren, Mai kaja ai lam kabu gara shiga hkaw tsun dan ai ni a sat lagaw ni gaw, gade wa tsawm nga malu hka! nga nna ka da nga ai.