MAHTE 4:18 - Jinghpaw Hanson Version Bible

¹⁸ Ya, Galile nawng makau e garet hkawm wa yang, shan nau rai nga ai Petru ngu ai Simun hte, shi a kanau Andre yan gaw, shan a sumgawn nawng hta e kabai bang nga ai hpe, shi mu hkrup mu ai: kaning rai nme law, shan lahkawng nga hkan ai masha rai nga ma ai:

Jinghpaw Common Language Bible 2009

¹⁸ Ya, Yesu Galile nawng makau e garet hkawm nga yang, shan nau rai nga ai nga hkan sha ai masha marai lahkawng, Petru ngu ai Simun hte shi a kanau Andre yan gaw, shan a sumgawn langai mi hte nawng hta e nga hkan nga ma ai hpe shi mu hkrup wu ai.

MAHTE 4:18 ပူးပေါင်းရင်းမြစ်များ

PRU MAT 3:1

Ya Mawshe gaw shi a katsa Yehtru ngu ai Midian hkinjawng a sagu bainam hpung rem nna nga nga ai: dai hpung ni hpe nam jahtum de shi gawt sa wa wu ai rai nna, Horeb ngu ai Karai Kasang a bu de sa du ai.

PRU MAT 3:10

Dai majaw, ya sa wa su, nye a amyu Israela a kashu kasha ni hpe Egutu mung na sa shapraw la lu na, ngai nang hpe Hpara-u hpang de shangun dat de ga,” ngu nna tsun wu ai.

EZEKELA 47:10

Nga hkan ai ni gaw, dai nawng makau e tsap nga nna, Engedi shara kaw nna, Engalim du hkra, sumgawn lam ai shara tai na ra ai: nga amyu myu mung, nammukdara nga zawn, grai law na mara ai.

BU HKAWM 34:11

bai Shehpam kaw nna Ain shara na sinpraw hku hprang, Ribla de byawn; bai dai kaw nna Genesaret ngu ai nawng a sinpraw hkran hku garet nhtawm,

MAHTE 10:2

Ya dai kasa shi lahkawng a amying, ndai rai nga malu ai: shawng na wa Petru ngu ai Simun hte shi a kanau Andre; Zebedi a kasha Yaku hte shi a kanau Yawhan;

MAHTE 15:29

Bai Yesu gaw dai shara kaw na sat sa wa nna, Galile nawng makau de sa du ai: dai bum ntsa de shi lung wa nna, dai yang e dung nga ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

MAHTE 4:19

Shaloi shi gaw, “Ngai kaw hkan marit; masha hpe hkan hkwi na masha, ngai nan hpe shatai na made ai,” ngu nna shan hpe tsun mu ai.

MARKU 7:31

Bai, Turu a ga jarit kaw nna pru wa yang, Sidun hpe lai ga wa nna, Dekapoli ginwang ka-ang hku ga sa wa nhtawm, Galile nawng de sa du ai.

LUKA 6:14

dai ni gaw, Petru ngu nna shi e shamying ai Simun hte shi a kanau Andre; Yaku yan Yawhan; Hpilip yan Barhtolume;

YAWHAN 21:1

Dai hpang Yesu gaw Tiberi nawng makau e, sape ni hpe shi hkum bai madun dan mu ai; dai shaloi na madun dan ai lam gaw, ning rai nga ai:

YAWHAN 6:1

Dai hpang Yesu gaw, Tiberi ngu ai Galile nawng wora hkran de rap sa wa ai.

YAWHAN 6:8

Shaloi, shi a sape ni hta na Simun Petru a kanau Andre gaw,

TARA JAHPRANG 3:17

Genesaret nawng kaw nna, layang ga ting ngu na Yawdan hka kau dingyang hte layang ga na Jum Nawng, sinpraw hkran Pisga bum manep du hkra, Rubin matu ni hte Gad matu ni hpe ngai jaw mase ai.