MAHTE 4:17 - Jinghpaw Hanson Version Bible

¹⁷ Dai aten kaw nna Yesu gaw, “Sumsing lamu a mungdan du magang ra ai rai nna, myit malai lu mu,” nga nna hkaw nga ai hte tsun hpang nga ai.

Jinghpaw Common Language Bible 2009

¹⁷ Dai aten kaw nna Yesu gaw, “Sumsing lamu a mungdan du magang ra ai rai nna, nanhte a yubak mara ni kaw na myit malai lu nna kayin wa marit!,” nga nna hkaw tsun hpang nga ai.

MAHTE 4:17 ပူးပေါင်းရင်းမြစ်များ

MAHTE 10:7

Pru hkawm wa yang, ‘Sumsing lamu na mungdan gaw ni wa magang ra ai,’ ngu nna hkaw tsun dan mu.

MAHTE 11:12

Baptisma Sara Yawhan a ladaw langa kaw nna ya du hkra, sumsing lamu a mungdan gaw anin katut hkrum nga ai rai nna, share lu ai ni mahtang, dai hpe shanyen la lu ma ai.

MAHTE 13:11

Shi htan nna, “Sumsing lamu a mungdan a sung htum ai lam ni hpe chye na shara, nanhte a matu hku nga malit dai; wora ni a matu chye na shara n hku malu ai.

MAHTE 13:24

Ga shadawn kaga mung, shi shanhte hpe kahtap tsun mu ai gaw, “Sumsing lamu a mungdan, hkauna hta nli kaja gat ai wa hte bung nga ai.

MAHTE 13:47

Bai, sumsing lamu a mungdan gaw, nawng hta e kabai bang nna, nga amyu myu hpe magawn la ai sumgawn hte bung nga ai.

MAHTE 13:9

na tu ai wa gaw na la u ga,” ngu mu ai.

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

MAHTE 3:2

“Sumsing lamu a mungdan du magang ra ai majaw, myit malai lu mu,” nga nna Yuda nam mali hkan e tara hkaw nga ai.

MAHTE 6:10

Na a mungdan du wa ru ga; Lamu tang hta, na a myit dik nga ai hte maren, ga ntsa e mung, dik lit ga law;

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

LUKA 15:10

Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 15:7

Nanhte hpe ngai tsun made ga, ‘Dai hte maren, myit malai lu shara n nga dum ai, dinghpring ai masha jahku shi jahku a majaw kabu gara ai hta, myit malai lu dum ai yubak kap ai masha langai mi a majaw, sumsing lamu kata e grau nna kabu gara shara rai na ra ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 3:23

Yesu gaw amu galaw hpang ai shaloi sumshi ning daram rai wa sai; shi gaw masha myit yu ai hte maren, Yawsep a kasha rai nga ai: Yawsep gaw Heli a kasha; Heli gaw Mahtat a kasha;

LUKA 5:32

dinghpring ai ni hpe myit malai lu hkra shaga na, ngai sa du ai n rai, yubak kap ai ni hpe shaga na she, sa du nngai,” ngu nna shanhte hpe htan mu ai.

LUKA 9:2

Karai Kasang a mungdan lam hkaw tsun na hte, shamai shatsai ya na matu shangun dat mu ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

KASA 26:20

dai lam hpe nnan e Damasku masha ni kaw nna, Yerusalem hte Yuda mung ting hta mung, maigan amyu ni myit malai lu nna, myit malai hte ging dan ai arawn alai shachyen let, Karai Kasang hpang de kayin wa mu ga, ngu nna maigan amyu ni hta mung, ngai hkaw shana nga nngai.

KASA 3:19

Dai re ai majaw, dai Madu kaw na ngwipyaw ai aten ladaw du ru ga hte,

HEBRE 6:1

Dai re ai majaw, Hkristu a shawng npawt na ga kanu ngu ai, si ging ai magam bungli hta na myit malai lu ai lam, Karai Kasang hpe kamsham ai lam,